Day 4A (4/1) 札嘎其市場 + 龍頭山公園 ♪ (*˘︶˘*) ♥ 櫻花

日日經過中央站．．．都見到呢個廣告．．．都覺得相中人同林家楝激激激似！！！



本來想去龍頭山公園先，不過有ｄ餓，所以就去左札嘎其市場醫肚先！10號出口向海皮行出去~
強烈建議香港政府在人多既馬路加上以下標誌！！！特別係銅鑼灣ｓｏｇｏ果條馬路！！！

前面幢大廈就係札嘎其市場喇！

同出面南浦洞係兩個世界，搖身一變就變左海鮮檔&街市！

 真係乜都有！海菠蘿成座山咁～

好多青口同大蛤！！！

仲有炒栗子，不過朋友上網睇過話韓國既炒栗子係比較生～所以無買！

食野之前行出海邊影下相，人地釜山既魚市場．．．好似我地既會展．．．

呢度個景真係幾唔錯架！

仲有好多海鷗，好ＲＥＬＡＸ！

之後就入去街市喇～真係好多檔！太多唔識揀所以就直接上２／Ｆ喇～其實都係呢度既海鮮！

行過食肆，又被虎視眈眈！睇下Ｄ　ＭＥＮＵ，其實個人認為唔係特別平！有Ｄ沖繩果陣既感覺～

不過一場黎到無理由唔食既，揀左窗邊位，睇住海景食！仲有陽光～



ＮＩＣＥ　ＶＩＥＷ！



揀呢間都係因為之後幾頁比較多圖～

先黎前菜～～個南瓜好好食！



青口同海帶炒蛋都係前菜之一！青口都幾鮮味架～



老實講，真係唔係好揀到食乜～～我地亦唔想晨早食咁濃，呢幾日食Ｄ野都好濃～想清番Ｄ！
第一道～刺身飯．．．W10000，其實韓國人食刺身唔同日本人，Ｄ刺身無乜味～
因為佢地鍾意撈埋好多野一齊食，個阿姐仲成日叫我地加茄汁同芥辣，我會覺得好怪～
都係點番豉油同ＷＡＳＡＢＩ好Ｄ，睇黎香港人既刺身文化都係屬於日系～

第二道～清蒸鮮鮑！W20000 (2隻)，抵唔抵就見仁見智，的確幾鮮味，但又唔覺好特別！

最後就係白蛤蜆湯，初初呢個寫W50000，有一個唔記得係乜野海鮮湯就W30000~
我地指住W50000話要W30000既SIZE，初初死都唔肯咁，話無得咁整～
我地話細Ｄ兩個人食就可以～～最後都拗羸左！呵呵呵～

睇落好似無乜特別～但都有Ｄ驚喜！個湯好鮮甜～有幾款唔同既蜆！同埋全部係開曬，無乜沙！
都有成四十隻架～清曬！！！呢餐埋單W60000，還可以但唔太推薦～因為機張蟹抵食好多！！

之後就行番去南浦洞方向，去龍頭山公園！
如果搭地鐵就南浦洞站１號出口，轉右行條巷仔就見到呢條電梯～

上曬電梯就見到釜山塔！

我發覺韓國都幾多鐘閣！

行行下，有驚喜！！！尋日仲好失望睇唔到櫻花～睇黎我地同櫻花都仲係有緣～
雖然唔算好多，未算係漫天櫻花既境地～不過我地都已經好開心喇！！



睇黎真係品種問題，有Ｄ早開，有Ｄ遲開～

原來龍頭山公園係阿伯公園，好多伯伯對奕！



有個行黎行去既伯伯見到我地亙影就幫我地影，佢好認真～教埋我地點企！叫我地企入去草地！
我地都驚驚地，我就問：CAN餐啦?? 佢就答番我:CAN餐啦！ 即係唔緊要~好搞笑～！

都有好幾棵架，個形狀好似菇菇！

釜山塔 X 櫻花



行上去睇下喇~

聽聞呢間LOTTE本身呢度應該有幢摩天大樓，但唔知點解仲未有既？？？

上釜山塔係要收費，但係我地無上到！

呢度仲有美術館～

好中式既龍～～～～

行完就行番落去最後血併！