:::2011新加坡4天熱辣辣之旅::: 酒店篇!!!

一決定左去新加坡就即刻睇下d package...um...
第1個對新加坡既感覺, d酒店好貴!! extend仲貴!!
太多數都係3D2N, 但怕行程好急...所以就想去4D3N...

搵左好幾間先搵到EGL有4D3N, 搭HK AIRLINE, 可以加差額轉住SENTOSA!
其實仲有package係搭CX or SA, 我問左屋企人想搭好D定住好D, 一致裁定住好D!
有D酒店的確係好平, 好似什麼Fragrance, Hotel 81, package around $2xxx...
上左Agoda一間一間咁去睇, 有d話似賓館...有d comment 麻麻地...dirty等等~始終同屋企人去想住好d...最後揀左package $3xxx 中價位既酒店...
又再睇Agoda同地圖, 另一concern就係要近MRT,
市區揀左4個choices, Sentosa揀左3個choices!

十五十六中...新加坡 vs 大阪

一年一度家庭旅行又黎喇!! 原本一家為左去日本就由上年開始一齊儲錢!!
響媽咪既監管下一切都好順利, 大家都準時交數, 而且更決定6月中出發...
好可惜我鍾愛既日本卻發生了史無前例既311災情...真係睇到都心酸...

響無可耐何之下惟有轉地方...第2選擇 - 新加坡!! 上個月都已經喪睇新加坡d資料~
但其實心裡面都仲係祈求日本快d無事, 我就可以快d再去...前兩日又睇到勁平...
心郁郁...點知, 原來老豆都有同樣既諗法...密謀轉番去日本...還是考慮當中!!

東京就應該唔會去, 日本客話其實日日都有少少震..佢話"shake shake everyday"
不過當地人覺得無野, 都仲可以繼續做野, 但我地呢d香港人未經歷詔...真係會唔識走~
所以就算轉都係轉大阪...至少遠離輻射, 今次自由行定係跟團好呢~ 1516 中~

------------------------------------------------------------------------

11 MAY 2011 (WED)

哈, 仲未決定到, 呢個星期六5/14一定要決定喇...book唔到就大獲~
暫定6月10-20號其中的4-5日, 去大阪就5日4夜, 去新加坡就4日3夜!
問過好多朋友意見都係大阪好d, wahahaha, 希望我既堅持成功啦!=)

------------------------------------------------------------------------

18 MAY 2011 (WED)

又一星期喇! 終於有決定...結果係新加坡'先"! 點解係'先'呢? 因為日本會押後去!
1. 因為311, 暫時未過到麻麻果關...費事要佢老人家擔心~
2. 傳聞 YEN 下半年會跌...
3. 仍然都係想留番個機會睇紅葉!

雖然係有少少失望, 不過都好期待新加坡之旅! 對我黎講都係個新鮮的地方!
呢個BLOG亦會多個地方既篇幅喇! 要快d睇不同的package, 努力籌備中 =)