:::2016日本中部6天賞楓賞雪之旅:::總覽

日期: 16-21 Nov 2016 (6 Days) 目的地: 日本中部 人數: 2人 總消費: HK$ 12,000 per person 時差: 快香港1小時 GMT+9 溫度: 8-15°C 不等 貨幣: JPY (YEN)

:::ALL SHORT CUT LINKS:::
準備資料 PRE TRIP INFO
:::2016 日本中部6天賞楓賞雪之旅::: 準備篇!!! Facebook Blogspot Pixnet
黑部立山周遊劵之利用及分享 Facebook Blogspot Pixnet

酒店資料 HOTEL INFO
Night 1,2,5 : 名古屋站前萬寶龍酒店 Nagoya Ekimae Montblanc Hotel Facebook Blogspot Pixnet
Night 3 : 天然温泉 富山 剱の湯 御宿 野乃 Toyama Oyado Nono Natural Hot Spring Facebook Blogspot Pixnet
Night 4 : 平湯溫泉 - 岡田旅館。和樂亭Okada Ryokan Warakutei Facebook Blogspot Pixnet

行程總覽 ITINERARY
Day 1A (11/16) 名古屋 + 名城公園 Facebook Blogspot Pixnet
Day 1B (11/16) なばなの里 [名花之里] Facebook Blogspot Pixnet
Day 1C (11/16) 矢場とん味噌豬扒 Facebook Blogspot Pixnet
Day 2A (11/17) 紅葉名所。香嵐渓 [香嵐溪] Facebook Blogspot Pixnet
Day 2B (11/17) CNBLUE + ひつまぶし名古屋備長-炭火現烤鰻魚飯 Facebook Blogspot Pixnet
Day 3A (11/18) 黑部 [信濃大町>扇澤>黑部水庫>黑部湖>黑部平] Facebook Blogspot Pixnet
Day 3B (11/18) 立山 [大觀峰>室堂>美女平>立山>富山] Facebook Blogspot Pixnet
Day 3C (11/18) 富山周邊 + 秋吉串燒 Facebook Blogspot Pixnet
Day 4 (11/19) 富山総曲輪 + 新高穗纜車 Facebook Blogspot Pixnet
Day 5A (11/20) 世界文化遺產。白川鄉 Facebook Blogspot Pixnet
Day 5B (11/20) 高山 + 名古屋肉や大善 Facebook Blogspot Pixnet
Day 6 (11/21) 中部國際空港 及 後感 Facebook Blogspot Pixnet

附上 :::2016日本中部6天賞楓賞雪之旅::: 行程路線圖，如需行程表，請inbox~^^

Day 6 (11/21) 中部國際空港 及 後感

終於要走喇。。。十萬個唔想走，不如扮唔見左passport?
唉，講笑姐～13:30機，基本上朝早起身響附近行下就要搭名鉄去機場了！

將行李寄倉後去搵食先～因為HKEXPRESS無餐食的!

中部國際空港d店舖都幾好行, 裝修靚靚又闊落~
好快就搵到我既TARGET喇!! 世界の山ちゃん～勁多介紹話必食既名古屋名物。其實名古屋市內有好多分店，本身係想其中一日既正餐去食，但同事話好味既程度未至於要佔左一餐既Quota，所以諗住可能有機會路經開先去，好明顯係無呢ｄ機會，好在仲有最後防線，機場！！！

即買即整～我地買左個５本ｔｒｙ　ｔｒｙ

好香架～

乜日本ｄ雞翼咁瘦咁？好在我鍾意’損’骨，都ok好味既，d味粉先係主角，雞肉略為老左同乾左少少，一試無防！的確唔洗用正餐咁去食～

聞說中部國際空港係日本三大繁忙及服務好既機場之一

真的要走了，再會！
今次行程算係達到95%，毫不容易將應該要8日既行程塞入6日,仲要夾到紅葉, concert, 立山黑部, 白川鄉等等, 係就係急趕d, 好在中途都係d長途巴士/鐵可以休息下, 好開心好滿足可以做到曬所plan既野! 再有下次我會留耐d北陸地區, 留多日富山, 去黑部峽谷鐵道, 順便去埋金沢, 要去番次好天既新穗高 =,=…而高山就要留耐d, 又想睇睇有雪既白川鄉, 仲想去埋下呂溫泉 (高山返名古屋途中有站, 望過去幾正咁, 話曬三大溫泉之一)～講講下已經plan左下次既行程咁添, 就俾個原動力自己吧!
#我的旅遊日記 #2016日本中部6天賞楓賞雪之旅 #名古屋 #中部國際空港 #世界の山ちゃん #手羽先 #終於食曬名古屋三大名物

Day 5B (11/20) 高山 + 名古屋肉や大善

因為我既失魂4點左右先返到高山，得番個半鐘左右逛下。。。

高山駅

背向高山駅行入內街，有好多唔同既手信店，小食店～

開始天黑喇，要把握時間行，因為ｄ店舖都幾早收～

行入幾條街，就會見到古色古香既建築

呢條就係比較出名既高山古街(三町古街)，保存好多傳統建築物群，日本人比香港更識活化，唔係一味拆拆拆

好多小食店主打飛騨牛小吃，串燒壽司等等～

少不了呢度既吉祥物，飛騨寶寶～聞說本身係馬騮仔，呢度既人造成公仔為bb祈福～基本上周圍都見到佢, 仲同好多唔同既卡通人物crossover such as Hello Kitty, Monchhichi~

入黑喇....嗚....高山其實仲有好多地方可以行, 例如朝市, 陣屋等等, 下次一定留耐D!!!

夜晚既高山駅好靚呀!!


要走了......返名古屋喇～JR: 17:36発 → 20:02着

食唔到丸明有少少唔開心，記得食鰻魚飯果日見到食牛既餐廳～望望先！

就係呢間’肉や大善’喇，見到門口個櫥窗都覺得正呀！
肉や大善（ 大名古屋ビルヂング店 ）
住所 。 名古屋市中村区名駅3丁目28番地12号大名古屋ビルヂング3F
Tel 。 052-564-7729
営業時間 。 11:30～15:00（LO.14:00）/ 17:00～23:00（LO.22:00）
定休日。 12月30日,31日・1月1日

主打日本不同地區既牛，簡單黎講即係一次過食到唔同地區既和牛！

我地揀左是日精選果d set，揀左中間 JPY 12,000 for 2 persons!

成個SET有沙律，湯，飯，牛有～宮崎牛，鹿兒島黑毛和牛，岩手県いわて牛，牛舌等等，好少見いわて牛，但係係咁多款中最正！肉味濃，溶得黎又唔太膩～
食完好飽散散步，住第三晚先有時間響周邊行下。。。

名古屋駅既另一邊，綠色果間係呢度出曬名去掃貨既千里馬藥局，話特別平，不過只收現金～但收左行唔到了！

最後都係行番去酒店樓下間スギ薬局～收11pm! 都幾大間架，要買既野都買齊～最緊要有TAX-FREE!
#我的旅遊日記 #2016日本中部6天賞楓賞雪之旅 #高山 #TAKAYAMA #肉や大善 #名古屋 #和牛

Day 5A (11/20) 世界文化遺産。白川鄉

要離開平湯溫泉喇，尋日黎果時落雨濕濕都無睇真附近係點，慢慢散步去平湯溫泉巴士總站喇～

尋日落雨急急腳去旅館係完全睇唔到呢個牌。。。補影番先～

周邊都係溫泉旅館，一邊行一邊看著霧出的蒸氣，暖暖的～

呢度就係平湯溫泉巴士總站，終於見番個藍天～搭濃飛巴士出番高山，可以利用埋奥飛騨まるごとバリューきっぷ兩日劵。如果黎得平湯呀高山呀白川鄉呀，對濃飛巴士一定唔會陌生，因為緊有機會搭到佢穿梭飛驒高山地區，濃飛巴士有分高速巴士，公車(普通巴士)，好似平湯溫泉來回高山就係睇公車 - 平湯溫泉／新穗高線 > 時刻表～因爲我由平湯出番高山就睇P.2, 平湯溫泉＝Hirayu Onsen，高山濃飛巴士中心＝Takayama Nohi Bus Center，一個鐘左右就到高山。

平湯溫泉巴士站
9:30上車，10:31就到高山，先行入中心買白川鄉來回飛同響對面Locker放底重些既行李。去白川鄉既巴士屬於高速巴士，搭50分鐘，以距離同各個景點既車費黎講，白川鄉的確特別貴，來回要4420yen/person! 但世界文化遺產嘛，都係要去！
另外要睇準時刻表，有R字代表要預約，我回程果時就係唔記得左，一陣講到回程再分享～去程我係搭10:50, 唔洗預約～高山濃飛巴士中心仲有好多唔同路線，但白川鄉條龍係特別多人，初初諗咁多人咪有機會要企，好在會按人數開多架車～

高山濃飛巴士中心

到了～沿住路牌行入去
白川鄉出名主要係因為 “合掌造”（茅草的人字形木屋頂）式既民居，十足細個時所畫既”屋企”或”小屋”形狀，其實由細到大香港都唔會有小屋形狀既屋，而家呢度就有喇～有成百幾棟連成一片，1995 年被指定爲聯合國教科文組織的世界文化遺産，而且唔同季節都有唔同既活動或節祭，例如家家戶戶點燈，白雪下既白川鄉又別有風味。

合掌造

估唔到呢度紅葉都咁靚，成幅畫咁～

除左合掌屋，都仲有唔少農田

有少少穿越時空回到古代既感覺

我印象中日本好少有蚊，但可能有農田，都有些少小飛飛～

陰天都咁靚，晴天真係不得了～

條河仔堅有魚架～

有個阿叔擺檔賣d木制品，可放電話，筆呀，牙櫼咁，650yen - 1200yen不等～見佢有別於其他手信舖，都幫襯左幾個！

I love it!!!
響地面行左個大圈，上暸望台喇！行15-20mins左右，斜斜地上，地面有架細型巴士上黎200YEN，我地選擇慢慢行上去～


就快上到去

又係Postcard景，點燈雪景相信就係響度影落去

黎張wide shot~~紅葉下的白川鄉都唔錯丫～

https://www.facebook.com/MyTravellingBlog/videos/714725662027513/

突然又有番少少藍天，倒影中看到吧。
落番去準備回程，明明應該未有車，點解見到架巴士走⋯⋯原來係我睇錯時間，諗住搭下一班，但下一班係要預約，去到站問話等番一個位，只好再搭下一班非預約既班次。雖然響白川鄉留多陣唔係唔好，但就食唔到我想試高山既丸明喇，嗚。。。

入左間小店食牛肉飯同咖哩飯，好在都唔太差⋯⋯丸明呀T_T

仲有時間，食埋雪糕同飛驒牛蒸包～～不過不失啦！

閃人～希望下次可以有雪既時候黎！
#我的旅遊日記 #2016日本中部6天賞楓賞雪之旅 #平湯溫泉 #高山 #高山濃飛巴士中心 #濃飛巴士 #白川鄉 #合掌屋 #合掌造 #合掌村 #世界文化遺產 #shirakawago

Day 4 (11/19) 富山総曲輪 + 新高穗纜車

因為之前幾日都係早起身，今日就輕鬆d差不多中午先開始行程，11點check out到面既商店街同大和百貨行陣～

総曲輪商店街

商店街會經過大和百貨(富山店)的側門，仲以為呢邊既百貨公司應該無大城市咁多野睇，

我錯了～地下已有齊各大化妝品牌，可能唔太多人都幾好行～

大和百貨

再行前d見到有個活動咁

原來係石頭展覽，仲有得投資，我地都觀賞下

有樣的小石櫈

好得意既汪星人～

最正都係呢隻比卡超，可以打磨到咁真係好勁呀！

石展果邊既門口出去，見到呢度比較出名既建築物，

係圖書館，入面好似仲有陳列玻璃展品～

差不多夠鐘就行番去大和百貨正門(即酒店對面)既巴士站--総曲輪站。初初睇濃飛巴士由富山經新穗高去平湯溫泉既Schedule, 以為一定要去番JR富山搭，但睇到前篇介紹到今日會用到既 奥飛騨まるごと・バリューきっぷ～網中有寫総曲輪出發既價錢，咁即係會經総曲輪？是的，原來濃飛巴士個Schedule未有寫曬全部經既站出黎，其實中途係會經過好多細站架～

富山地方鉄道個網就有寫得詳盡d，呢款由富山經新穗高去平湯溫泉既巴士每日得兩班，一班係7:30, 11:45由富山開出, 4分鐘就到総曲輪，可參看＞http://www.chitetsu.co.jp/?page_id=⋯⋯ ，另有有班16:35富山開出16:39到総曲輪，但呢班就唔經新穗高纜車，平日及休日都有我所搭既11:49総曲輪上車，14:11就會到新穗高纜車。想知會經過咩站就入個網click”☆49”就會出到途經既所有站～

総曲輪巴士站，後面都有個巴士站for短途巴士，總之睇清楚個站有寫"高速バス"就岩架喇！

可能算係長途巴士，都幾舒服，而且仲無咩人，我同阿妹分開一人坐一邊～

原來富山都幾多田，唉，但天氣報告堅準，陰天有雨。

開始入奧飛驒既area，會見到有d地方煙霧瀰漫，即是有溫泉既地方呢～

雖然天氣唔好，但卻睇到山巒中既霧氣，又係另一番景緻。

仲有不少紅葉呢，水平線望又有不同感覺～
巴士超準時到，可惜既係去到新穗高纜車時落起大雨，影唔到門口就衝左入去～
新穗高高空纜車分為兩段，第一段由地面"新穗高溫泉站"到"鍋平高原站"，約4分鐘。

第1高空纜車

到鍋平高原站後行去白樺平站，望到旅客中心，旁邊仲有足湯，奈何愈來愈大雨，無行落去～

白樺平站入面，是暖爐麼？
第二段高空纜車就係由白樺平站～西穗高口站，係日本唯一既雙層纜車～的確雙層巴士我地就見得多，雙層纜車都係第一次見～搭7分鐘左右就可以登頂。

第2高空纜車

天公不造美。。。愈來愈朦～

霧中樹林

上到頂。。。乜都睇唔到～

睇唔睇到雪人前面張相，好諷刺呢～anyway 呢度有人幫手影相！當然佢都會用佢架機幫你影，買唔買悉隨尊便！

本應會睇到連綿起伏既雪山，可惜天氣唔好，的確係失望，但我寧願尋日既立山好天，就俾個藉口自己有機會再黎吧！提一提，呢度除左鍋平高原站，其他都有餐廳同手信店，有d仲有飛驒牛食添架～詳細可瀏覽官網。

因為天氣麻麻，決定唔響度食早些搭巴士去平湯溫泉到旅館check in~由新穗高纜車到平湯溫泉約30mins，是晚入住平湯溫泉 -岡田旅館。和樂亭。

#我的旅遊日記 #2016日本中部6天賞楓賞雪之旅 #富山 #総曲輪 #奧飛驒 #奥飛騨まるごとバリューきっぷ #濃飛巴士 #新穗高 #雙層纜車 #新穗高溫泉 #鍋平高原 #白樺平 #西穗高口 #shinhotakaropeway #飛驒高山 #平湯溫泉 #岡田旅館 #和樂亭