Day 1A (3/29) 金海機場 + 釜山大學 + 梵魚寺

 ～溫馨提示～
今次既行程因天雨及時間關係，比預期出現好大出入～景點可跟，但行程次序不跟也吧！

今次揀左濟州航空，主要係因為用盡時間！是關港龍要早機返．．．唔制！唔制！
另一方面．．釜山航空full左～其實釜山航空係會多優惠，憑票尾連唱錢都有優惠的！
有選擇下下次我會揀釜山航空呢！兩間航空公司同屬微型的航空公司～係要到 T2 CHECK IN! 

因為係細機，位置都沒分等級．．．有幸坐第２行！走都走得快ｄ！哈哈～

大部份去釜山都係凌晨機，ｓｅｅ？都洗唔洗一次過咁多班掛．．．



架機真係好細架．．．

架機多數都係韓國人，香港人唔算好多，好似都係得一團人，加我地呢ｄ散位～
細機得一條走廊，左３個右３個，我同朋友兩個人坐３個位，都算訓得到既！

訓之前．．少不免要填呢堆東東．．

凌晨機既關係．．飛機餐係早餐，２個蛋糕，乳酪同橙汁，味道還是不錯的！

嘻嘻～是關釜山無專屬既旅遊書，大部份都係附屬首爾書～除了帶舊的首爾書外，自製左本小冊子！

著陸了！！金海機場唔係好大，大多數都係用接駁巴士～
由原本廿幾度既香港去到得幾度既釜山．．．好凍呀！
但韓國人好似唔怕凍咁．．．睇落好似我發冷咁～哈！

金海機場雖然細，不過都幾新～

機場有新韓銀行同釜山銀行，兌換率一樣就去左釜山銀行唱錢～
其實我知道出番市區係會抵ｄ，不過又唔係唱得多就算啦～響度唱晒！1000won = HK$ 7.2



次次黎都覺得自己發左達咁.....天真~~所以好明白點解韓國男人都要長銀包～

7:15AM先有巴士，未夠鐘，去左INFORMATION CENTRE拎小冊子～

搭機場巴士既朋友由Gate 3出~~

2號巴士站，有兩間車，分別去海雲台同釜山市區，時間唔同，唔好上錯車～
海雲台6000won, 釜山市區5000won, 我地去釜山市區！每40分鐘1班, 第1班:7:15am

主要行經: 西面(樂天飯店) > 現代百貨公司 > 釜山地鐵1號線-釜山鎮站 >
釜山地鐵1號線-釜山站(KTX) > TOYOKO INN 飯店 (釜山站2) > 樂天百貨光復店 > 南浦洞

都有香港人一齊等～～有第一張合照喇！！！

另一個出市區既方法就係去對面既月台搭輕軌鐵，其實平ｄ，好似1700won再到沙上轉地鐵～
但我好清楚釜山地鐵設計同首爾係差不多，即係勁多樓梯！況且機場巴士停正酒店門口～謝絕轉鐵！

呢架就係輕軌鐵喇～

好準時就到，司機都會幫我地搬行李，不過都有少少亂．．

架車ｄ位好舒服！！！

晨早流流見到d人響條街跳晒舞，播晒音樂咁，釜山人興咁樣晨操？原來係助選團=,=!

今次住TOYOKO INN (釜山站2) , through Agoda book~~正正響酒店門口落車, 好方便～
如果係住TOYOKO INN (釜山站1) 就唔係呢間, 響釜山站落車, 釜山站1正正響釜山站旁邊！



16:00先可以CHECK IN，放底行李就出發喇！唔知點解今次無咁眼訓～哈哈！
東橫INN (釜山站2) 比較近中央站(112)～向南浦洞方向行5 MINS就會見到17出口～

買飛先～

售票機有韓，英，日，中４個語言！方便得很～如果當日搭多過4程以上，買DAY PASS就最抵喇!
右下角就會見到１日劵既字眼喇～4000won / day / person! 即係$30左右就可以全日任搭！
而每個站都有no.代號, 中央站就係112喇！

售票機只會收1000won或硬幣，所以旁邊就有唱錢機喇～

釜山ｄ指引絕對唔輸蝕俾首爾，好清楚！

呢張細細張就係day pass 喇!

出入站會顯示當天日期



釜山地鐵圖，其實都幅蓋左好多要去既地方！
因時間尚早，去ｄ晨早就會開既景點－梵魚寺！
搭1號線, 詳細既地鐵圖可以響釜山有用連絡搵到~~

但．．因為有ｄ餓，想食個早餐先～～見到會途經釜山大學(128)，相信大學周邊大機會有早餐食～
所以響釜山大學站落一落車，是但出左個出口就見到有間cafe--Tous Les Jours，之前上網都見過～

入到去，嘩～～又有麵包，又有蛋糕，仲有好多唔同既東東！

店內環境



仲有好多唔同野架～以前睇韓劇以為只係拍劇既ｃａｆｅ先會咁靚，原來唔係～係真係咁正!

睇到個蛋糕櫃就已經著迷了！

飲料既價錢跟香港starbxxks差不多，至於食物就相對便宜些～蛋糕都好抵！

我叫左ice green tea latte (3500w), 朋友叫左hot mocha (3500w)～仲有一齊食既茶蛋糕 (2900w)！
兩杯都好濃，超正！！超滿意～填完肚就再出發～！但其實都ｐｌａｎ左下午再黎行街街～

仲有好多ｐａｒｔｙ用品，噴雪，數字candle，煙花，假玫瑰等等～～想即時搞party都無問題!
我都買左數字candle, 600won 1個, 圍起都係$5左右，香港citysxpxr買起碼十幾蚊個~~

周圍都見到既報紙箱

到了梵魚寺站(133)出5號出口，u turn 就會見到呢個牌～

沿住箭咀條路行5mins

就會見到呢個巴士站

好大個牌寫住９０號去梵魚寺～

好快就有車．．1080won一個人，我地呢～～唔知係循環線，坐坐下又訓左，過左站都唔知．．
坐坐下～以！返左黎起點既～～哈哈！超白痴，之後俾張相個司機睇，佢示意我地坐番底～
其實都好多人黎，見到好多阿珠媽黎行山，真係好健康呀！！！　

 

就繼續坐．．到左司機同我地打一打眼色就知道到喇！

好有中式建築感覺～靈龜！

簡介一下：
梵魚寺(범어사)位於金井山東邊山腰，為義湘大師於文武王18年(678年)所建立的，
和海印寺、通度寺並列為嶺南三大寺廟，也是華嚴宗十剎中之一，爲禪宗總樞。
但是在壬辰倭亂時遭到破壞，幾乎成為廢墟，之後光海君5年(1613年)廟典縣監師父、
海敏師父等重建法堂與寮舍。現存的大雄殿及一柱門即為當時所建造保留下來的。

疑似櫻花？？

入面都有好幾個大殿，雖然比不上中國的"大"，但係都好莊嚴！

另外好欣賞呢度既植物，ｄ松樹好靚，點知影出黎．．有幾分似西蘭花～哈哈！

 

周圍既風景都好靚，好清幽，空氣又好～真係好舒服！



雖然唔知梵魚寺同魚有乜關係，但風鈴都有魚架！

大雄殿，韓國人參拜方式同我地有少少唔同，佢地係會除鞋再入內堂的～初初仲以前無人！

鐘樓～

竹林深處人家XD

之後我地做左個我地既壯舉！見岩岩坐車好似好快落到去咁～天氣又好～
唔行山既我地決定行落去！！！原來都要行45 MINS...D路微微斜啦~~
好彩天氣好，風景又靚！唔覺得好累～～仲見到間好得意既菇菇屋！

呢棵係櫻花喇掛？？？

其實周邊都有好多特色既食店，不過感覺上未開門～下一站去番釜山大學周邊！