京都蘇GOOD! 後感...

呢幾個星期日都有留意阿蘇既京都遊.....連兩老都好似好有興趣咁!
雖則不嬲都麻麻地某D介紹, 實在太貴, 唔係我地呢D平民可以afford~
但今次阿蘇呢個特輯有d位真係好有感觸....有感而發想寫一寫後感!

上星期講開Chris去唔同地方遊歷.....點解有d人回憶少....有d人就刻骨銘心??
真係點醒左~~係人與人之間既接觸! 原來呢個亦係我幾年都堅持自由行既原因!
景物的確可以依舊, 但你每次遇到既人同事, 好可能確響生命中只會出現一次~~

即時想起沖繩的的士伯伯&黑鬼, 首爾約食飯既日本仔,  東京問路既韓國人~
佢地既出現係會令旅程更深刻, 景物睇相就可以回憶, 但呢d 就真係入晒腦~~
呢d就係旅遊真正既意義! 下次起....我一定要同有緣相遇既陌生人黎個合照!

又好似尋日既京都大文字五山送火....好有意思~~311後更有意思~
阿蘇講左句令我好感動, 不需要錦上添花, 學會雪中送炭就夠喇!
雖說日本同中國以前有牙齒印, 但不得不承認真係好值得借鏡~
如果小悅悅當時係響日本?? 唔知個結局又會唔會改寫呢???

希望下年可以帶屋企人去大阪+京都啦!! ^_^

:::We ♥ Okinawa 2011 行程總覽:::

日期: 29-30/SEP - 1-2/OCT 2011
目的地: 日本沖繩
人數: 2人
機票+酒店 : $3199 + $623 (TAX) per person  
-------------------------------------

:::We ♥ Okinawa 2011:::手信篇!!!

沖繩戰利品大曬冷!!!!!

Day 4 (10/2) 第一牧志公設市場+ 國際通

哈哈....哈哈...."本來"今日諗住去下d 地標....首里城, 波上宮, 循例咁影番張到此一遊相....
好可惜.....10點鐘要check out 既我地....10點半先起身!!!! 一起身以為自己睇錯鐘....
之前睇blog見到d人試過因為咁而罰錢, 但我地無錢, 以9秒9去執番d 眼耳口鼻....
仲諗埋落到去扮晒野以為11點先check out...落去俾左張房咭就已經ok! 好彩姐!

因時間同金錢關係, skip左d 景點, 直接去第一牧志公設市場食海鮮!沿住國際通到市場本通!

日 本 擬 向 1 萬 名 外 國 人 提 供 免 費 機 票

日 本 觀 光 廳 計 劃 明 年 向 1 萬 名 外 國 人 提 供 免 費 來 回 機 票 ， 吸 引 他 們 到 日 本 旅 遊 ， 希 望 振 興 「 311 地 震 」 後 受 打 擊 的 旅 遊 業 。

《 讀 賣 新 聞 》 報 道 ， 當 局 將 透 過 互 聯 網 邀 請 有 興 趣 人 士 參 加 計 劃 ， 申 請 者 須 詳 細 列 出 行 程 等 資 料 ， 假 如 通 過 審 核 ， 政 府 將 為 他 們 提 供 免 費 來 回 機 票 ， 至 於 住 宿 等 其 他 開 支 將 由 旅 遊 者 自 行 支 付 。

獲 邀 參 加 計 劃 的 旅 遊 者 須 撰 寫 遊 記 ， 在 網 上 發 表 ， 他 們 還 要 參 加 問 卷 調 查 ， 向 日 本 提 出 旅 遊 建 議 。

當 局 希 望 ， 透 過 旅 遊 者 的 親 身 體 驗 和 正 面 信 息 ， 紓 緩 外 國 人 對 於 到 日 本 旅 遊 的 憂 慮 。

觀 光 廳 將 要 求 國 會 撥 款 推 行 計 劃 ， 假 如 獲 通 過 ， 將 於 明 年 4 月 起 實 施 。

「 311 地 震 」 及 海 嘯 後 的 3 個 月 ， 到 日 本 的 外 國 遊 客 人 數 按 年 下 跌 超 過 5 成 ， 到 夏 天 跌 幅 略 為 收 窄 ， 到 8 月 按 年 下 跌 3 成 2 。

QUOTE: http://www.rthk.org.hk/rthk/news/expressnews/20111010/news_20111010_55_789895.htm

---------------------------------------------------------------------------------

岩岩睇到呢篇新聞, 好有興趣呀 !!

" 獲邀參加計劃的旅遊者須撰寫遊記"...

已經寫左唔少篇幅, 可唔可以審核住先? XD!!!

Day 3B (10/1) 美國村

夾好時間去搭巴士喇~~

Day 3A (10/1) ORION 啤酒廠 + 海中展望塔 + 鯨魚玻璃船

(唔好意思, 呢日既開場白會比較長...XD)

第3日係最大挑戰既一日, 因為全日都係巴士遊, 之前已經上巴士網check好晒時刻表~
so far 我都幾有信心既! 而今日既第1站係去名護市, search過要2 hrs, 1500 yen左右!
因為係長途巴, 1個鐘都只係得2,3班, 我地"本身"係搭120/20號, 去縣廳北口巴士站等車...

9點半有車...9點25到巴士站~...有個的士伯伯落車向我地行黎, 問我地去邊... 我就話我地等巴士就ok, 唔該晒! 之後佢再問我地等幾號巴士, 最後都係答左佢~ 佢就話搭巴士去名護市要3個鐘架wo! 仲要每人2000yen...我心諗.. 明明我搵資料係2個鐘每人1500 yen, 吹咁大? 之後佢就話佢收我地2000yen, 個半鐘到Orion啤酒廠...每人都係貴500 yen, 計計又真係ok既~本書話要過萬架!
話晒都身在外地, 都擔心會唔會係賊車? 但阿伯伯又唔似壞人, 仲好有誠意咁... 而的確我地都真係幾趕時間...我再用日文問多次”係咪真架?”佢話係, 好啦...信1次!!!

Day 2B (9/30) 美ら海水族館 + 名護果園 + RYUBO + 國際通

終於黎到沖繩另一必去景點, 就係擁有全亞洲最大水族館既美ら海水族館, 是位於海洋博公園內!
呢個moment好熱, 都係充滿紫外線既陽光...我地有2個半鐘既自由活動~由呢度行入去!

強迫升級...T^T

趕工沖繩遊記之際...收到個咁既EMAIL...真係忍唔住打呢一篇!!

Yahoo! BLOG 團隊 EMAIL - 節錄!!!
----------------------------------------------------------------------
致各香港Yahoo! BLOG/ Canon BLOG 用戶︰

香港Yahoo! BLOG/Canon BLOG 的升級過程將於10月12日(星期三)進入第二階段。全新Yahoo! BLOG平台的「試玩期」亦將完結，未升級的舊有香港Yahoo! BLOG /Canon BLOG將設定成只能閱覽，用戶不能再在舊BLOG平台上更新網誌。我們建議所有用戶即時選擇升級至全新Yahoo! BLOG平台，而你亦可等待我們在最後階段時為你直接升級。
----------------------------------------------------------------------

點解香港人愈來愈多人有"強迫症"??...終於明白晒!! T^T

老實說, 之前將一個唔係用左好耐既YAHOO! BLOG 試玩升級~
一試就好後悔...點知一D都唔好用...我唔覺得user friendly...
所以到宜家都將呢個旅遊blog留守舊版...點知就收到呢個mail!

雖然我blog在芸芸大blog之中只係好皮毛, 但自問是苦心經營的...
我真係唔捨得upgrade...嗚嗚...算吧~既然係迫住黎, 都係要受...
天靈靈地靈靈...一定要順順利利升級...拜託~千其唔好有乜野閃失!

Day 2A (9/30) 琉球村 + 萬座毛 + 御菓子御殿

DAY 2 START!!! 送上我地房既景觀, 好好天呀!!!!

Day 1 (9/29) 香港機場 + 那霸空港 + 國際通

9/29 3AM...執完行李, 睇睇天文台..."將於5:30am前發出8號烈風或暴風信號"...頂!
之前又話掛八號機會唔大既...8:30AM 起身, 8號風球現正懸掛, 晴天霹靂, 仲要蝕左日假!!
即刻上網 KMB 睇睇機場巴士既安排...無知既我以為起碼會有有限度服務...原來係會停駛!!!

再睇機管局又未寫會delay or cancel, 打去EGL問拎e-ticket 條友, 亦話未有取消既消息!
即係...要照去機場, 唯有call 的士...8號風球雙計!! 好彩朋友住得近, 兜埋佢share~好豪!!
以前一有八號風球, 睇住電視話" 嘩, 今日搭飛機就真係唔好彩"...估唔到自己都有咁既一日...

搭的士都幾驚險, 橫風橫雨, 過完吸水門大橋之後...明明響中線, 架車會自己飄左去左線...
司機都忍唔住笑...仲話自己無郁過堂軚, 齊齊大笑~~哈哈...(明明咁危險都仲笑得出)...
落車果刻...真係覺得自己會被風吹走, 一唔扶住個o急, 佢自己就會郁...真係苦中作樂~