Goodbye My Yahoo Blog...

要完既始終要完，想避都避唔到．．．好深既體會！

老土的一句，舊既唔去新既唔黎～好在都有得BACK UP同搬新屋！

唉，但唔記得左BACK UP後就會進入唯讀模式, 無得唯讀前留番個新地步俾BLOG友....超蠢!

好在最後可以響YAHOO度留個新LINK....希望有SAVE舊LINK既朋友可以TRANSFER到黎呢度啦～

YAHOO原本提供了兩個新平台 - WE SHARE 或者 XUITE！

原本已經搬家至XUITE，可惜有少少問題，搬完LOGIN唔番～

最後決定用BLOGSPOT同PIXNET，往後兩個都會同時更新！

雖然內容可以一字不漏搬家已經好難得，可惜係瀏覽量就要由頭黎過～

的的確確既重新開始，宜家正在努力整番好總覽入面既SHORT CUT!!

仍然要多d時間去適應個新介面.....

希望昔日的網友搵得番呢度繼續多多支持啦～當然亦好歡迎新朋友=]

Goodbye My Yahoo Blog...2009.03.28~2013.12.26。

P.S. 2014年1月會有新UPDATE -- My 1st Trip in 2014!! 

。22 DEC 2013 - 大棠楓香林。

真正在新平台的第一篇 blog 正式誕生!

再介紹多次自己，小姓陳，只是香港其中一個渺小既打工仔～
無乜特別專長，但希望一有機會就出走飄去其他地方，見識一下！

而寫 blog 都記底旅程中的一點一滴給自己回憶一下當時感覺吧～

既然係第一篇，等我爆冷地寫番自己的香港地！
自問都是半個元朗人，但極少到元朗郊區郊遊一番～
是日冬至，夜晚先做節，下午超得閒！原本係同好友行街街～

兩個人突然挑戰下去大棠睇紅葉～點解要寫到係挑戰咁浮誇？
是關我地都唔係郊遊遠足人，行街買野就叻......=P
對上一次都只是大棠BBQ.......再對上可能已經係咸豐年前的中學旅行.......

既然完成創舉當然要記錄一下～

。12-13 OCT 2013 - Family Macau Trip 2013。

今次應該係 yahoo blog 終止服務前最後一篇blog了! 在此再次多謝大家支持~~(90度鞠躬!!)
仲諗緊轉yahoo assign既新平台還是自己開個新既平台~~會盡快update, 希望大家繼續支持啦^^  

一年一度macau family trip 成行! 今次好豪住Conrad Macau!!
不過還有不足之處.....首先check in時有好幾個counter都無人, 要等~~
我地已經差不多4點先check in.....只要求兩間房於同層~點知話得1間ready....咁都無辦法啦!

“經過評估全球資源及發展方向後”…x!yz#!d@#i%u$o@n+9!!!!!

其實被終止使用YAHOO BLOG呢單野其實都幾莫名其妙!

可能係我理解能力差, 但我真係唔明點解“經過評估全球資源及發展方向後”…就要大家既心血付之流水!

俾都俾個合理D既理由, 一係老實D話收購左另一個BLOG既平台…..想YAHOO用戶使用喇!

枉我當年棄用XANGA...QOOZA 等等BLOG平台.....直至今日先發覺原來信錯左~~

突然覺得同我既人生有少少相似 =,=.....唉....廢話少講～都係研究下點搬屋先。

睇完輕鬆搬家，唔知係咪真係可以咁輕鬆呢？(￣∇￣)

一轉就會即刻變做唯獨...有少少淆底唔敢轉住，有無人知轉左會係點？

上次轉版面我都顛左輪，唔敢想像今次轉平台會點。。。╮(╯_╰)╭

JR山手線50周年 x 鬆弛熊10周年!!! Rilakkuma Yamanote Line!!!

其實呢～～～呢篇寫黎係想曬命！有怪莫怪 XD !!!!!!!

好幾個月前已經知道日本JR東京山手線50周年，會跟10周年的鬆仔CROSSOVER！
之前都想POST上BLOG，但又覺得好似不太關旅遊事，因為我喜歡鬆仔才會有興趣！

這紀念活動由2013年8月2日至16日，除了限定商品外，還會有鬆仔列車！
車身內外甚至車廂內的廣告都全都係鬆仔，有幸的還會見到人形公仔駅長 !

老實說當時我知道這活動超想去，可是經過歐遊一役，仲邊有錢去～
那就退而求其次．．．在20多款周邊商品中，只想要駅長公仔一隻！
在東京只有不夠10間專門店有得賣，只好拜託日本朋友幫忙留意～

可惜．．．沒有回音！但竟然有好朋友暗地幫我買到呢！
當初亦只是輕輕的提過～超surprise！開心到癩～大愛呀， THANKS ♥♥♥！

所以最終都忍唔住post上黎曬下命，嘻嘻！希望大家不會介意啦～～～

Many Thanks Again...

GO TRIP的PAGE都會陸續增加吧！當然BLOG是最先更新的喔！請多多支持～謝謝!
MY GO TRIP PAGE: http://hk.gotrip.travel.yahoo.net/member/index.php?id=13720
Updated on 7/9......Yeah Yeah!! Let's celebrate for Dutch Royal House!!

ALL ABOUT :::2013 EuroGoGo::: 總覽!!!

日期: 16-30 APRIL 2013 (15 DAYS)
目的地: 歐洲 - 荷蘭, 比利時, 盧森堡, 德國, 奧地利, 捷克人數: 2人
總消費: HK$ 25,000 PER PERSON時差: 慢香港6小時
溫度: 13-23 不等
日照: 晚上8點才開始日落, 9點先黑齊
貨幣: 除了捷克, 都是用歐羅, 捷克則用捷克克朗

:::2013 EuroGoGo::: 手信篇!!!

看看以前去亞洲地方的手信篇，都是超多手信的！哈哈～反而今次去歐洲看似是最少的！
沒辦法啦，紙水高，有些太貴了～而且今次是散散心，而且行李喼位置有限，都要就住買！

哈哈～～大麻木屐型毛毛拖鞋！阿姆斯特丹周圍都有，但都要十幾蚊歐羅一對，有些更貴！
我們腳細，在大街有一間店舖放了這款，斷碼35!!!! 十歐買1送1！～即是HK$50一對，超抵！
＠荷蘭。阿姆斯特丹

:::2013 EuroGoGo:::親切感篇!!!

我的旅遊日記中，第一次出現"親切感篇"～於地球的另一邊見到亞洲或唐人的店舖！
不禁有份親切感，不知不覺就影底一大堆了～其實當思鄉的時候都有衝動去試！！
但每每見到價錢，心入面就會說．．．"我收你平D, 煮番俾你食"~~XD

荷蘭。阿姆斯特丹 - 海上皇宮

Day 14 (4/30) Amsterdam Centraal - 荷蘭國王登基

終於到日程的最後一篇，覺得自己寫這次的歐遊遊記愈來愈詞窮～～哈哈！辛苦各位了～
來到是次旅程的最後一日，卻是荷蘭王國新一頁的開始！就是荷蘭國王登基大日子喇！
最佩服是今天那麼重要的日子，尋日的機場仍然是不用過海關就可以入境！

Day 13 (4/29) Prague 布拉格 (新城及機場) + Schiphol 史基浦

感謝老豆的一篇！

朝早聽到一聲巨響，但唔識死無理到．．．就去食早餐，是於地牢用餐～好似防空洞！

Day 12 (4/28) Prague 布拉格 (舊城)

晨早起身出發去歐洲最美城市 -- 布拉格!!
有留意Day 11的你應該會記得24 hours Vienna ticket～
今朝要搭多程地鐵去另一大站，剛好可以用這24小時票!

我們要搭U6到BHF. MEIDLING，但這只是火車站名！
在地鐵的名稱是Philadephiabrucke，出發前跟酒店職員CONFIRM多次！
到了U6的月台亦見到這牌，那就放心了～確認一定正確才上車！

Day 11 (4/27) Vienna 維也納

昨天用的體力實在比預計的多，太累了～回酒店後都沒有再出來！
所以今天就留在維也納感受下音樂之都的氣息！因有全日的時間亦可以比較閒一點！
早上起來先考察酒店的周邊，而我們今次的酒店是apartment式，樓下有廚具可用～
首先路過了昨天買西瓜的生果店，其實除了生果，都有其他東東買，老闆都認得我們呢！

Day 10B (4/26) Hallstatt 賀斯特 - 尋找歷史之鹽

Hallstatt 賀斯特另一個名物就是世上最早期開採的鹽礦！
比想像中好玩，不過比我們預計的時間用多了，前後要2.5小時!
見到這迴旋處就見到SALT MINE的標誌，沿住牌行！

Day 10A (4/26) Hallstatt 賀斯特 - 尋找人間仙境

老實說由薩爾斯堡直接去維也納是方便得多，但都堅持要到Hallstatt 這奧地利小鎮一遊！點解？
1. Hallstatt 賀斯特這地域是世界自然文化遺產之一
2. Hallstatt 賀斯特景色被譽為世間上的人間仙境
3. Hallstatt 賀斯特有奧地利最古老鹽礦

去這小鎮確實有點迂迴，由Salzburg 薩爾斯堡到Hallstatt 賀斯特要經過ATTNANG-PUCHHEIM!
之前旅遊書已經寫了Hallstatt 賀斯特火車站是沒有所，一到月台就要再搭船仔過對岸．．．
而且過了對岸都沒有地方可以寄存，上網看別人的遊記說要厚面皮看看商舖是否可以寄存～

所以去Hallstatt 賀斯特的決定實在尚有忐忑感，而且行李一天一天的長大，開始怕了搬行李～
突然前一晚個腦轉一轉，想一想是否可以搏一搏於ATTNANG-PUCHHEIM寄存行李～
又點解說是搏一搏呢？因為於ATTNANG-PUCHHEIM 只有10 mins 轉車!! 只有10 mins!!!而且亦不知道ATTNANG-PUCHHEIM是否真的有行李寄存～前一晚上OBB網而查不到!!
今早就是因為行李問題心情有點緊張，但一開始有少少出師不利～火車DELAY了5 MINS!!!!
但都決定照原定計劃，同阿妹要打醒十二分精神！！最後我們只有 7 MINS 去完成創舉～
已經夾定落車後一個睇那個月台轉車，一個睇下有沒有行李寄存的標誌！！ATTNANG-PUCHHEIM 是中型站，周圍好明顯發展中，而且這火車站是在重新裝修中！
落車見到要去21號月台，我們落車的是1號月台，原來21號月台是專給去Hallstatt 小火車!!
個台是行遠少少，大獲！但同時我已經見到行李寄存的標誌，在火車站的另一邊～
而且周圍都因為裝修圍了很多木板，都無辦法，拖住行李一直衝衝衝，妹尾隨～

暫時是沒有圖片，因為無時間影相，下集尾段會後補，去到行李寄存只有幾格！！
好彩的是有兩格大格都是吉的！當時我們還有3,4 MINS 時間，我閂門後先漏了車飛~
那麼急才犯這低級錯誤，再好彩是有散紙可以入多次，如果無散紙就要等多一個鐘先有車！

只有3 MINS 要全力跑，我估我人生中最跑得就是這一次，跑到尾段我有感覺覺得自己會死～
跑到月台已經無乘客，火車還在，只見到查飛先生坐著，我跑住問 "Is this train going to Hallstatt?"
”YES!!" 放心左一半，一上火車即開！坐低不停的喘氣．．．但我覺得好值得! 但大家可以諗下搏唔搏!

差不多到Hallstatt 時於火車拍攝的景觀，已經覺得．．．好正！

。21-23 JUN 2013 - MACAU 即興之旅。

打尖先！

超即興．．．朋友剛巧有假想出走，出發前三天說去個平平地既TRIP！話想走轉台北．．．
小姐，係咪玩野？但反正得閒無野做，即管問下，有就有但就貴囉～唔係平平地！
轉地方！快靚正既澳門，又見到明星有唔錯既PACKAGE，極速成團！！
同以前重覆既行程就唔會再打，今次只會打新野～～～

我自問就唔係貴人，但已經第三次出發時遇上颱風，好彩今次阿貝碧嘉無打正～
仲鬼死咁好天同熱．．．我地今次試新野，住金沙城中心既喜來登！氹仔落船～
金沙城中心有三間酒店，Holiday inn, Conrad 同 Sheration，Sheration分開另一架車的！

Day 9B (4/25) Salzburg 薩爾斯堡

薩爾斯堡被譽為奧地利最美麗城市，這裡是音樂天才莫札特的出生及發跡地！
除此之外，更是SOUND OF MUSIC 仙樂流流處處聞的主要拍攝地！
初黎報到時，只覺得車站很新，未有特別感覺～

Day 9A (4/25) Innsbruck 煙斯堡

離開GP小鎮正式向奧地利出發，總覺得自己會再重臨GP的，很想帶爸媽來呢！

幾多個趣？ 請俾趣！

舊同事今年第一次去東京，當然必去雷門觀光一番。卻給我一個大問號～
"你去過幾次東京，有無見過雷門既燈籠捲起左???"....初初聽唔明....點捲起左??
之後俾相我睇.....睇幾次都忍唔住笑....想同大家分享下, 想睇睇有冇人知點解 XD!!!

:::2013 EuroGoGo:::奧捷酒店一覽

4/25 @ Salzburg, Austria -- Markus Sittikus Hotel

Booking through Agoda 
Price: HK$660 per night (NOT included Breakfast)
Distance: 10 mins from Salzburg Railway StationWifi: Good (at least i can watch running man XD) 

Comment: - reception好nice
- 間房有兩道門!!!
outlook

Day 8B (4/24) Zugspitze 楚格峰

聽落要到德國之巔好似好難? 事實並非如此! 先到火車站出月台～落樓梯，向著Zugspitzbahn 的指示行～

Day 8A (4/24) Garmisch-Partenkirche 加爾米施-帕滕基興

一早起身爆好天!!! 今天絕對是精彩又興奮的一天～～登雪山去！！！不過有點...曬~~

Day 7 (4/23) Munich 慕尼黑 + Fussen 富辛

因到富辛只有一個景點，所以早上仍然留在慕尼黑，酒店沒有早餐，於是自家組合～

Day 6 (4/22) Heidelberg 海德堡 + Munich 慕尼黑

昨天走的路實在太經典，我問旅店老闆有沒有其他更快捷的方法返回火車站～
老闆說可以搭巴士，但兩個人加起都要5.7歐，建議我們可以搭的士，大約7-8歐!
晨早時份，又不知道巴士等多久才一班，那當然搭的士吧！老闆娘還幫我們叫的士！

:::2013 EuroGoGo:::德國酒店一覽 (B)

4/23 @ Fuessen, Germany -- Villa Toscana Fuessen (< span="">

Booking through Agoda 
Price: HK$600 per night (included Breakfast)
Distance: 15 mins from Fussen Railway StationWifi: Good (at least i can watch running man XD) 

Comment:
- 比預期中遠了少少
- 有別墅感覺的酒店
- reception好helpful, 好nice, 講解得好清楚
- 雖然好似只有兩三層, 但是有lift的!!- 餐廳有自動咖啡機, 其他時間都可以用, 免費的!
- 早餐是全行程中最豐富的

路邊的入口，雖則是28號，但對面馬路的竟是四十幾號，好奇怪！

:::2013 EuroGoGo:::德國酒店一覽 (A)

4/21 @ Koblenz, Germany -- Kulturhotel Koblenz (< span="">

Booking through Agoda 
Price: HK$500 per night (included Breakfast)
Distance: Far from Koblenz Railway Station, better take bus / taxiWifi: Good (at least i can watch running man XD) 

Comment: 
- 不算近高本斯火車站。
- 老闆很好人, 感覺比較似民宿
- 大廳及房間都有家的感覺, 很舒服
- 很多畫的陳設令氣氛很好似的, 食早餐想呆久一點<>

- 附近很少很少食肆

Outlook

Day 5 (4/21) Trier 堤雅 + Cochem 高琴 + Koblenz 高本斯

今天要到德國去，其實對德國興趣並不是太大，初初只想到南部的富辛天鵝堡及GP的楚格峰。所以連法蘭克福都沒有計劃去，大城市只會到慕尼黑！由盧森堡入，到慕尼黑都有一定的路程！所以中途都選擇了幾個小鎮停一停，看一看！由入德國開始，突然覺得地圖的scale好似大了～
相對之前的地方，好似遠了似的．．．加上天陰陰，有點悶悶．．確實有一點點失望～

在盧森堡已經是搭德國DB火車

Day 4 (4/20) Luxembourg 盧森堡

巧遇連串特別event 的一天!!
一早起身，好好天！去北站搭火車去盧森堡，行到入站時，突然有人打交，勁驚！
之後被打的男人仲上了我們等車的月台，周圍問人拿煙仔，之後好似想行過來．．
我即刻叫阿妹拉實行李．．再行去多些人旁邊，但都有問我們，即耍手擰頭，好驚！

Day 3 (4/19) Brussels 布魯塞爾

跟想像不一樣的朱古力國度

要離開阿姆斯特丹了，下一站朱古力國：比利時的首都 --- 布魯塞爾。
今次乘坐大力士火車, 本身火車是去巴黎的, 但我們會在布魯塞爾止步!

:::2013 EuroGoGo:::鐵路篇!!!

除了機票，酒店，行程，另一個好重要的就是鐵路！
是貫連各地的重要一環，長途的我會先於網上預定～
我訂的全部都是CLASS 2, 所以以下都是CLASS 2的價錢 !!





A. 歐洲鐵路公司Rail Europe (<click) 

基本上歐洲鐵路公司 Rail Europe 可以找到及訂到火車票～
可以於香港辦公室取票，不急的可以郵寄，但比起當地官網一定貴些！
至於貴幾多，程程不同，有多有少，除非訂當地鐵路有阻礙，要不是我都是訂當地的！

Day 2 (4/18) Keukenhof 庫肯霍夫花園

晴天下的八號風球 x 世界最大的花花世界

十萬個喜歡歐洲遼闊及特別高的藍天！
雖則去旅行望都望好天，但有樣天氣是看不見的，超大風！
今早由碼頭仔行返去火車站比拖行李還要久，是真的可以吹郁我～

:::2013 EuroGoGo:::荷比盧酒店一覽

4/17-18 @  Amsterdam, Netherlands -- Botel Zebra

Booking through Hostel World Price: HK$650 per night (included Breakfast)
Distance: 10-15 mins from Amsterdam Centraal Railway Station
Wifi: Good in Saloon 

Comment:
- 住船是幾特別的體驗, 當然房間size不可以跟酒店間相比~有私人浴室, 水壓及熱水ok!
- 好多人問我會不會暈船浪, 是不會的, 不會覺得搖, 只是上回平地就會有少少浮!
- 員工CHIN 是菲律賓人, 好helpful, 幫忙拿行李落房間- 夜晚房間有點凍, 樓梯很斜, 上落要小心 

Outlook

Day 1 (4/17) Amsterdam Centraal 市中心+ The Zaanse Schans 風車村

在地平線下國度的第一天 - Amsterdam, The Netherlands

首先Amsterdam Airport Schiphol 是有free wifi 的，以便一到步就報平安！

來到阿姆斯特丹的第一個印象是不需要過Custom!!
提取行李後出關就已經可以！曾再三質疑不用再過境嗎？
我的護照上不用蓋章嗎？的確一出就是ARRIVAL HALL及商場! 果然是以寬容出名的國家！

Day 0 (4/16) Munich Airport 慕尼黑機場

第一次踏足歐洲就好似發夢一樣，有時更想一直沉醉在這夢鄉，不想醒過來。
但第一次離家那麼久，矛盾的是我原來都幾思鄉，就好似發夢都想著香港的一切～
夢是夢，總要醒。人在旅途，多了時間去思考著，感慨著～
決定回來要面對真正的自己，作出些決定，不再讓自己後悔。

先提醒一下，今次歐遊是趕命式，是關想貪心一點看多一點～
雖然有時都有少少吃不消的感覺，慶幸所有計劃的行程都可順利完成！
還有很多巧合的奇遇，亦有令家人擔心的意外。開場白一輪，正式開始！
P.S. um...我是第一次到歐洲，有時有點大鄉里，請不要見怪～嘻嘻 =P！

今次乘坐LUFTHANSA 漢莎航空 LH 731到慕尼黑再轉LH 2300到阿姆斯特丹。
先到T1 F區CHECK IN，一次過出兩張Boarding pass，我是第一次嘗試轉機～

:::2013 EuroGoGo:::酒店篇!!!

PLAN 好行程後就要安排住宿，阿妹上年一個去主要都是住HOSTEL～
但我不太習慣同陌生人一間房，今次兩個人，可以的話都想有私人空間！
阿妹不想花費太多於住宿，因為行程緊密，留在酒店的時間都不是太多～

預算控制於每人每晚三百蚊左右，初初以為HOSTEL會平好多～
但除人頭計，跟三星級的酒店亦不是差很多～小鎮或會更平！
由價錢開始篩選，之後就是要考慮以下的條件．．．
1.安全 2. 近火車站(大站) 3. 乾淨企理 4. FREE WIFI 5. 早餐 

多數會經Agoda BOOK，其次就是Hostel World～
基本上這兩個網的選擇已經足以訂了這次的所有住處！
其實都尚有其他網可以選擇，priceline, hotel combined, etc!
但不想透露信用咭資料給太多這類機構～兩個已經好夠！

雖說這兩個網選擇多，但不代表COMMENT多～
決定之前會再去Trip Advisor 睇多些少意見，萬無一失！
個人亦會睇睇這住處有沒有自己的網頁，感覺穩陣些少～

:::2013 EuroGoGo:::行程篇!!!

哈哈...計劃行程有個小插曲，都不知道是好彩，好笑還是黑仔？

我們將會於荷蘭入荷蘭走，初初計劃一到步後就先到比利時～將荷蘭列為尾站！
當check 最後幾天的荷蘭酒店時，發現阿姆斯特丹市內的酒店貴了很多！！
而且都要求要一連訂幾晚！真是十萬個為什麼？滿有好奇心下努力去尋找原因～

呵呵呵，找到了～行程的最後一天竟然是荷蘭國王威廉四世登基的大日子！！！
更是在阿姆斯特丹舉行！相信對於有皇室的國家絕對是比國慶更熱烈，舉國歡騰！
而當晚我們因為要搭飛機，這天亦必須留在阿姆斯特丹，不知道是否迫到入城呢？

對這百年難得一遇的確是有一點點的興奮及期待，而行程亦相對要作出少少改動。

DAY 1 -- Hong Kong >>> Amsterdam, Netherlands
DAY 2 -- Amsterdam, Netherlands
DAY 3 -- Amsterdam, Netherlands >>> Brussels, Belgium
DAY 4 -- Brussels, Belgium >>> Luxembourg
DAY 5 -- Luxembourg >> Tier >>> Cochem >>> Koblenz, Germany
DAY 6 -- Koblenz >>> Heidelberg >>> Munich, Germany
DAY 7 -- Munich >>> Fussen, Germany
DAY 8 -- Fussen >>> Garmisch-Partenkirche, Germany
DAY 9 -- Garmisch-Partenkirche, Germany >>> Innsbruck Austria
DAY 10 -- Innsbruck >>> Salzburg, Austria
DAY 11 -- Salzburg >>> Hallstatt >>> Vienna, Austria
DAY 12 -- Vienna, Austria
DAY 13 -- Vienna, Austria >>> Prague, Czech Republic
DAY 14 -- Prague, Czech Republic >>> Amsterdam, Netherlands
DAY 15 -- Amsterdam, Netherlands >>> Hong Kong

:::2013 EuroGoGo::: 機票篇!!!

首次踏足歐洲，首要當然是最貴的機票！

第一個要求就是想限制於八千左右～心知這價錢都有些限制 :
 1. 大多數要轉機。2. 來回都是同一個機場
是關上年阿妹去同返的地方不同，機票會貴很多，大多數要過萬～

首先先尋找Priceline到荷蘭Amsterdam的機票，target了幾間budget內的航空公司 :
1. 阿聯酋航空 (Emirates) $7,374 (連稅), 杜拜轉機, 連轉機的航行時間約 18-24 hrs
2. 漢莎航空 (Lufthansa) $8,199 (連稅), 慕尼黑轉機, 連轉機的航行時間約 14 hrs
3. 大韓航空 (Korean Air) $6,998 (連稅), 首爾轉機, 連轉機的航行時間 24-35 hrs
4. 國泰航空 (Cathay Pacific) $9,040 (連稅), 直航, 12 hrs

如以價錢看～初初我真的很想揀大韓，好抵！
因為如果揀35hrs，即是可以於首爾停留一日～
但又變得少了時間在歐洲，所以放棄了！

之後就是阿聯酋航空，小女子有眼不識泰山，以為不太好才那麼化算～
上網找尋下才知道人家是世界十大航空公司之一，出名服務一流！
但很奇怪為什麼會那麼抵？好奇心下找到原來是杜拜政府擁有～
杜拜出名油平過水，所以是免燃油附加費！．．．才晃然大悟！
初初有18hrs時都心動過，但過多幾日就只得24hrs就閤置了 >_<

未說漢莎航空前先說說國泰，多一千大圓換來直航的方便，值得嗎？
我一開始是心屬國泰的，怎料阿妹極度反對，亦有問過同事朋友～
原來．．．國泰的長途機不太舒服．．．所以不建議～最後否決！

還有就是剛剛發起工潮的漢莎航空，漢莎即德國最大的航空公司～
又稱德航！於歐洲有很多線路，屬於大型的航空公司，口碑不錯的！
阿妹就想搭漢莎，亦相信到時的工潮會解決！亦向到過德國的朋友請教～
亦說不錯的，之後我八卦上漢莎的official website check check～
official website 更抵，HK$7,777(連稅)，航班跟priceline找的是一樣！

見我這樣說就知道最後決定 --- 漢莎航空 (Lufthansa)


另外，因行程緊密，由布拉格回阿姆斯特丹會坐內陸機～
是關內陸機比火車飛平及省時～我們搭廉價航空 Easy Jet！
但這類機是不包括大件行李，需要加錢～共HK$1200 (連稅)!

2013 ...到歐洲重生!

雖說「人生不如事十常八九」, 但幾個月發生的事卻給我帶來心寒的嚴冬。
面對前所未有的恐懼同不愉快, 簡直是疲勞轟炸...心靈上精神上都很疲累~
原本充滿正能量的我....笑容少了, 說話亦少了, 是時候作出改變, 尋回自我!

首先, 毅然辭去做了5年的第一份工作, 不想自己的問題帶給麻煩公司....
亦想轉轉環境.....前人說魚不過塘不肥吧! 但過塘前想先放個悠長假期~~
嚴冬過去, 春回大地, 我決定要到世界最大的花園感受最多的新氣象!

第一站將會是 --- 地平線下的世界花園: 荷蘭!!
亦即是說...我會展開人生中第一次的歐洲之旅!

歐遊的旅伴是妹妹....以往和她於亞洲旅行, 往往都是由我做嚮導的!
上年她已率先單人匹馬背著可以遮住她的大背包到歐洲遊歷~
今次到她帶我這門外漢遊走一下, 唯一要求是我不會背大背包!^^"

是次歐遊反而不會到英國, 法國, 意大利, 西班牙等等大國~
但會把握時間去多幾個國家, 雖然會走馬看花, 但想到此一遊!
初步計劃 : 荷蘭 > 比利時 > 盧森堡 > 德國 > 奧地利 > 捷克。 

參加了Yahoo!旅遊 - 旅遊達人大募集 =,=

"膽粗粗"參加了Yahoo!旅遊 - 旅遊達人大募集

。迷上釜山之旅。

岩岩先發現寫錯左蟹既價錢呀!!!!!!!!!!!!!!!!!!!!!!!!!!!!!!!! OMG.....算吧! 志在參與~