Day 3A (6/13) 淺草

今日終於都黎喇！！興奮還興奮～最先要做既就係落酒店lobby買定聽日機場巴士既飛～
初時都諗過搭番N'EX，但聽日會落雨，行李又重，拖去新宿站都應該幾麻煩～
而機場巴士係去到酒店門口，方便d，以下係limousine bus時刻表，承惠3,000yen。

揀選停站既位置:: http://www.limousinebus.co.jp/ch2/timetable/index.html
我地搭既:: http://www.limousinebus.co.jp/ch2/timetable/narita/shinjuku_h.html

Day 2B (6/12) 長谷 + 江之島 + 新宿

食飽後就要繼續行程，下一站係長谷，當然都係搭江之電，一出站指示方向好清楚～
長谷有兩個主要既景點，係鎌倉大佛同長谷寺！兩個地方都係向同一方向行，
鎌倉大佛需徒步8-10 mins，長谷寺5 mins，我地會先去入d既大佛參觀～

沿住大路行入去，同小町通一樣兩旁都有好多小店，唯一唔同就係有車行的～
所以行人路比較窄，而且都幾多人，所以都無乜點停底響ｄ小店．．仍然好曬＠＠

Day 2A (6/12) 鎌倉

只有4天...所以行程非常緊密，想訓晏d都唔得，8:30am...就已經出左出門～
因為我地今日去郊遊，前幾日已經上網reserve定free pass同去程既浪漫特快!!

Day 1B (6/11) 明治神宮 + 原宿 + 新宿

抖完精神番d, 去原宿喇~去之前誠意推介family mart買既抹茶, 179yen, 好好味! 似唔似賣廣告??

Day 1A (6/11) 築地市場 + 東京鐵塔 + 新宿

又一次凌晨機之旅，我諗今次應該係最後一次搭凌晨機黎日本．．．點解？？
是關JAL, ANA都公佈左10月就會CANCEL凌晨機喇．．其實架機都好爆．．
都唔知點解要CANCEL．．Anyway, 去埋今次先算，呵呵呵～出發！

都係搭JAL，航班JL028，直航到東京羽田空港．．到著時間6: 30A M，おはよう！
過左關，但係未出閘．．好想去洗手間，順便化埋妝．．點知原來太耐會俾人趕架，大家要留意，唔好好似我地咁瘀皮喔～(>_<)"．．．

:::Sudden Trip To Tokyo 2010::: 準備篇!!!

MAY 2010 (TUE)

機票酒店上星期已經確認好~演唱會門票大前日已到手, 假亦都請左!!咩都confirm晒喇~哈!
今次既既團友轉一轉, 唔係同阿衰, 而係同好朋友&妹, 3人行~3個女子一間房~慳番d~
其實個心一早已經飛左去東京, 但總要plan下行程, 因為...阿妹同友人都係第1次踏足日本!
換言之...又一次做導遊...愈來愈覺得自己當年應該讀TOURISM, 而唔係MARKETING~
今次預左要重覆去必去既景點, 話晒佢地都第1次嘛, 當然都為自己諗左D新景點啦~(笑)!
19 MAY 2010 (WED)

今次都係搭JAL(仲未搭到ANA=,=)...凌晨機既關係，將會羽田入成田走！非常滿意～(笑)
因為羽田入可以快d到都心開始行程，成田個AIRPORT MALL 就會有好多手信揀，最後一擊!
住方面都係住新宿，當然係因為方便～今次住舊少少，住新宿華盛頓(本館)．．因為平DDD~行程方面．．諗左地方，不過未排日程表．．

:::2010台北4天闔家大暴走行程總覽:::

日期: 22-25 JAN 2010
目的地: 台北
人數: 4人
機票+酒店 : $2,369 per person (連稅, 送保險)

:::Sudden Trip To Tokyo 2010::: 我想任性一次!!!

12 MAY 2010 (WED)

話說好想一年去一次日本，但因為某些原因今年資金不足．．所以就諗住平少少去沖繩。
咁岩又想enjoy下陽光與海灘，而沖繩都係日本地方，完全符合晒我既要求～prefect!!開始上網搵資料，去沖繩既直航好少，得香港快運同港龍．．港龍好貴諗都唔洗諗．．
但又唔想晒時間轉機，4月尾見到priceline做緊香港快運直航特價．．可惜非常搶手．．
check 6月都已經爆晒咁濟．．最後只好擱置9月去～滿腦子仍然是沖繩既景點＞＜
這個時候．．不可思議的事就發生了．．SPEED LIVE 2010 仲有飛??? 真的嗎???
收到呢個消息立即非常忐忑．．中學時代已經好鍾意SPEED．．上年佢地終於復出~
仲開復出演唱會．．收到呢個消息既時候偏偏就係上年3月去完日本返黎之時．．
再去既話．．太過份了吧? 當然亦無充裕既資金．．所以就無提出想去而MISS左~
睇完SPEEDLAND既DVD之後．．十萬個後悔．．個THEME仲要係我最鍾意既星星!

。2-3 April 2010 - 珠海御溫泉渡假村。PART 3。

。我們住的雲來客棧。

。醫肚的御食坊。

。御瀛庄。

。大門口。

見到有人放煙花呀!

另一邊有個睇書既corner....不過我地坐左響度食雪糕..hehe~

行番去雲來客棧既lobby...check in 果陣太多人...宜家補影番~

。走廊。

返到去玩左一輪，要訓喇．．其實張檯係可以拎一拎放入個窿度，不過我地夠位無整到～

一早起身先發現到．．廁紙係有分硬紙同軟紙，哈哈！香港人用既係屬於硬紙～

之後就去食早餐，package已經包埋，係buffet形式~有中式有西式...味道普通啦~

食完早餐又去再浸喇～浸完就周圍影下相．．

因為復活節．．有好可愛既兔子，好大隻架．．不過有個阿叔無啦啦向住我講話佢d肉好滑好味=,=

仲有騾仔...不過臭臭地...

仲有發現到...可以俾客人用既遮~~都幾細心丫!

1點鐘check out，大家準備好之後就去食lunch，都係去番御食坊～
可能因為有d人搭早d既船提早走，好似少左人，服務亦比尋日好～快好多！
因為尋日有好幾款都好好味，所以encore再叫，另外再叫左下面呢ｄ．．

。干鍋肥腸。RMB 38。味道：★★★★★。即係豬腸，辣既，雖然多油左ｄ，不過超好味！

。小籠包。RMB 24。味道：★★★☆☆。抵食指數:★★★★★！！！
RMB 24蚊有一打～同埋我地覺得好大粒．．．叫大籠包都唔過份～～哈哈！

。乳香肉。RMB 38。味道：★★★☆☆。塊白色包包好味過舊肉～

。客家鹽焗雞。RMB 68。味道：★★★★☆。返大陸點可以唔食雞...起碼新鮮...

。鮑魚鵝肝炒飯。RMB 48。味道：★★★★☆。味道同尋日既一樣，只係配料唔同左～

食完再周圍留影等3pm既shuttle bus就走lu...byebye喇~~我會再黎架!!^^

。2-3 April 2010 - 珠海御溫泉渡假村。PART 2。

完好肚餓～開飯喇！呢度有中餐廳有西餐廳，我地去左中餐廳～
有好多小菜選擇，不過朋友們有樣野一定要我響BLOG度寫...就係呢度既作風～
呢度既服務員有分唔同的等級，唔係個個可以點菜可以上菜，叫幾次都係等等等～

但係又唔見佢叫人黎幫手，總之一去到叫人開茶俾餐具俾餐牌，點菜既話，
就要叫有HAND-FREE既服務員，我地留意到有HAND-FREE既就係可以點菜～
雖然叫人既速度係慢，但係要讚一讚上菜既速度就好快，唔似整定先，味道都唔錯！

餐廳既天花都係滿佈紅葉，好靚呀！哈～朋友們叫我用星星去分味道既等級．．

。乳鴿。RMB 28 EACH。味道：★★★☆☆。正正常常，不過不失～

。石春雞蛋。RMB 48。話係招牌菜就叫左，點知好戲在後頭～

。小炒鵝腸。RMB 38。味道：★★★★☆。辣辣地，好惹味～

。籠仔蒸菜心。RMB 25。味道：★★★★★。蒜蓉蒸，好香好好味～

。蒜香雞中翼。RMB 32。味道：★★★☆☆。普普通通～

。宮廷豆腐。RMB 38。味道：★★★★★。鐵板上，都係辣辣地，送飯一流！

。竹架茄瓜。RMB48。味道：★★★★★。好好味！唔係普通炸茄子，係夾住芋泥架～配搭得好好！

。砂鍋荔園雞。RMB 38。味道：★★★☆☆。個汁好香，夠味，雞件略嫌細左d...

。石春雞蛋。終於出場．．原來d石春係同d蛋一齊響個鍋度整！唔係唔好味～只係好難勺．．
。味道：★★★☆☆。難度：★★★★★★★★★☆！！！

。鐵板牛仔骨。RMB 58。味道：★★★★☆。鐵板上，都幾多件，唔錯！

。御泉炒飯。RMB 32。味道：★★★★☆。個名好招牌，其實都係揚州炒飯咁～不過都炒得唔錯！

。孜然羊肉。RMB 38。味道：★★★☆☆。都可以啦～

。鐵板日式茄瓜。RMB 38。味道：★★★★☆。個汁好味，上面舊肉出奇的好味，茄子變左配菜！

食飽之後，朋友們又去浸，不過我同另一個朋友怕凍就去左周圍行，哈哈～
去行之前．．響溫泉區偷偷地影左幾張相．．重申一次，我好曳～唔好學我！嘻嘻～

呢個係最大既華興池～我覺得夜晚加上D燈光靚過日頭呢～=]

留影～～套衫又唔同左，呢套係響更衣室入面拎，呢套舒服過房果套浴袍呢！

之後去行下，呢度係買紀念品既～裝潢都唔錯呀．．賣既野都幾得意，價錢相宜！

有D似行花市賣果D...

有小食飲品，呢D反而似香港價格...

個名...改得HEA左D..."非法"錢莊....XD

太多相了，請到PART 3 介紹周圍既環境!!