Day 2A (6/12) 鎌倉

只有4天...所以行程非常緊密，想訓晏d都唔得，8:30am...就已經出左出門～
因為我地今日去郊遊，前幾日已經上網reserve定free pass同去程既浪漫特快!!

新宿西口就係小田急浪漫特快上車既地方~

先到小田急旅遊服務中心拎飛，之前去箱根都係黎呢度，開放時間8:00-18:00。
小田急旅遊服務中心： http://www.odakyu.jp/tc/center/index.html
江之島・鎌倉周遊票：http://www.odakyu.jp/tc/freepass/enokama_01.html

free pass包江之島電鐵(江之電)同埋小田急電鐵快速呀果d，不過去程唔想咁累～
所以就加600yen轉特快，但回程預唔到時間就無買，搭番小田急電鐵～
我地搭既就係右上角既9:10am班次，車程大概55-60mins。

左邊就係今日既free pass 1430yen，右邊就係特快既位置飛extra +600yen。

等車中!!

呢架就係我地搭既特快！

d位都ok架!!闊落過新幹線同飛機d位...

扶手係可以開張檯出黎，呢ｄ就係我地今日既早餐～右下角既玉子好好味105 yen only

沿途既風光，阿妹對電線桿有情意結～的確幾條線亦可以有好靚既構圖．．

其實可以響藤沢或者片瀨江之島落車，都係要行少少路轉江之電，
最後決定藤沢轉～因為藤沢係江之電既總站，同步行既距離短d～

到左藤沢出站後就會見到條橋．．

呢度就係上完橋身處既地方喇，向後面小田急商場行靠右就係江之電既站喇！
其實小田急旅遊中心派既張程都有指引，我行完先睇到，哈～証明唔難搵！

（好曬．．．＠＠）

靠右就會見到江之電既藤沢駅！

我地入閘之後見到有車，不過都幾多人，所以等下一班順便可以響站影下相～

月台

明治朱古力櫈，ＨＡＨＡ！

另一面，好似山窿．．．

等左8-10MIS左右就有車，其實只有3卡車架咋，有D似香港新界既輕鐵～
上車有位坐！睇到D POSTER 話江之電原來已經有100年歷史架喇～好厲害!!!～

由藤沢到鎌倉全程35MINS左右，再重申一次FREE PASS都已經包晒江之電無限次來回!!
我地既行程係由藤沢搭到尾先再玩番轉頭到江之島...會停留鎌倉，長谷，鎌倉高校前，江之島。
遊完江之島之後，可以徙步去片瀨江之島駅搭番小田急電鐵返新宿～咁就完成東京近郊一天遊！

一出站就向右邊行，就會見到呢個鐘，會見到後面有條路～

行多幾步就會見到呢條隧道．．．

穿出隧道右邊就見到鎌倉駅既正面，鎌倉亦有ＪＲ架，其實ＪＲ都有出FREE PASS～
搭番ＪＲ既路線，都係包江之電任搭，只係我最後揀左小田急，下面有網址可以參考下～
http://www.jreast.co.jp/tc/pass/kamakura_enoshima.html

行完隧道直行就會見到呢個鳥居，正是小町通既入口！

一入去既右手邊就見到NHK-CHARACTER SHOP...

只係門口已經好多野睇～龍貓＾＾

<夢幻街少女>既黑貓咪！

仲有阿妹好鍾意, 唔識合埋口既"多磨"..XD

雖則去旅行係求好天，洗唔洗好天到一舊雲都無．．好曬呀！

見到有間專賣遮既SHOP，曬到真係想買，不過好貴．．買唔落手．．繼續消毒(曬太陽..=,=)

雖然我對花的認識唔多，不過睇黎日本既6月係繡球花既月份，藍藍紫紫既繡球花好靚呀！

和菓子店外的紅色長櫈 ...好鬼鍾意呢d feel..^^

成田都有賣呢間店既手信,係有隻兔仔樣架,我記得佢既櫻花餅x抹茶餅都好好味! 原來總店響鎌倉~

仲有雪糕餅買, 抹茶怪緊係揀抹茶味! 都OK啦~係介乎雪糕同雪芭之間既口感!

地道既紫芋雪糕 @ いも吉館。(即係紫蕃薯...)

又係好日本既日本仔...(er...我講緊乜...)

左邊就係紫芋雪糕...清得黎又有d味, 係香港試唔到既味道, 唔錯!
右邊就係紫芋片...um..厚左d, 唔係咁脆, 都係試下, just try！

um..發覺日本近郊既旅遊區都有唔少雪糕店..
呢間有d裝潢當然八下先..睇真d...發現到我好懷念既野!!

嘩哈哈, 兩年前去綠茶之鄉宇治既時候都飲過, 好懷念呀～
當然都係宇治好味d同平好多(差6倍...)! 但已經好滿足呢～
http://hk.myblog.yahoo.com/manliechan/article?mid=58

另一面就係一串串既團子!

120yen...個樣好似魚蛋，其實只係粉團再加上燒汁，咬落去唔會好黏牙，有d似日式年糕既口感。

之後去到一間賣唔同晶石既shop＜石ころ館＞，有d似深水埗d珠仔店，
最特別都係門口既麵包超人石．．肯定個鼻俾人摸得最多，立立令！！

人家門口既肥貓，大きいですね！仲好疏干咁瞓，任影唔嬲～

好得意既排隊豬仔，total有5隻架，不過好多人阻住影唔晒＞＜

終於行到鶴岡八幡宮，係鎌倉一間出名既寺廟！

終於見到日本人結婚喇，而且仲係著住傳統禮服，終於都見到喇！呢對新人好似好後生呢～恭喜！

呢條好似叫太鼓橋．．．

又係手洗洗既時間～

又係長長既樓梯...好累呀...

有好多好多鴿子，突然有個小朋友行埋，全部飛起晒！
雖然果個刻個畫面好靚．．．但同時亦好怕有野跌落黎～哈！

好想讚下伯伯，由我地入黎開始就射水射到宜家走，都係想降下溫，真敬業！

之後沿番小町通行番出去，見到有一間小小的咖哩飯店，是比較家庭式的感覺！i like it^^

牆上都貼滿不同名人既簽名．．

份量對女仔黎講岩岩好，唔洗晒野！承惠700yen...

好靚呀...下一篇就會去到架喇!!