Day 1A (6/11) 築地市場 + 東京鐵塔 + 新宿

又一次凌晨機之旅，我諗今次應該係最後一次搭凌晨機黎日本．．．點解？？
是關JAL, ANA都公佈左10月就會CANCEL凌晨機喇．．其實架機都好爆．．
都唔知點解要CANCEL．．Anyway, 去埋今次先算，呵呵呵～出發！

都係搭JAL，航班JL028，直航到東京羽田空港．．到著時間6: 30A M，おはよう！
過左關，但係未出閘．．好想去洗手間，順便化埋妝．．點知原來太耐會俾人趕架，大家要留意，唔好好似我地咁瘀皮喔～(>_<)"．．．

眾所周知，羽田International Terminal係要搭無料巴士去T1/T2，不過10月尾就唔洗喇～
因為MONORAIL會有羽田空港国際線ビル駅，今年10月21日啟用，就到時就方便得多啦！
http://www.tokyo-monorail.co.jp/pre_kokusaisen_bldg/　

到T1就去搭MONORAIL～當然要為我地既西瓜咭(SUICA)增值先～

搭MONORAIL到浜松駅，再轉JR到新宿～

我都係第一次搭MONORAIL去市區，因為上次搭左京急．．
回程先係搭MONORAIL～朝早搭的確別有一番景象呢！

轉JR既時候又剛剛預到上班時間．．幾驚落唔到車．．之後就一鼓作氣去酒店放底行李！

新宿ワシントンホテル(新宿華盛頓)
TEL：03-3343-3111
東京都新宿区西新宿3-2-9 〒160-8336
 (JR新宿南口 / 都營都庁前A3出口)http://www.shinjyuku-wh.com/

之後出酒店直行去都庁前駅搭都營大江戶線去築地市場，呢度落去就係個站～

update @ 22 MARCH 2013
日圓大跌, 呢排好多朋友同事都去東京, 不約而同都問我行程上等等安排~
同時問我...築地駅(METRO日比谷線)同築地市場駅(都營大江戶線)有乜分別...
係咪都會去到築地食壽司? 請睇睇以下網頁, 都係去到, 只係築地駅行遠少少~
築地市場 地圖 - http://www.tsukijigourmet.or.jp/access.htm
築地市場 休開市日 - http://www.tsukijigourmet.or.jp/calender.htm

對上兩次都黎唔到，今次終於都黎到喇！唔知去過既人兄覺唔覺．．
一到築地市場駅，未上地面都已經聞到有陣魚腥味？定係我個鼻有問題？
初初唔知呢度可以行入去，所以就去左場外市場先～

我地既第一餐～100yen "串玉"．．好好味～

其實仲有好多唔同款式，不過only試左串玉，留肚食壽司～

門口有張長櫈可以坐住食！不過開始好曬．．

有咁靚既燈籠既然係休憩所．．

之後周圍行下，見到好多小食～

WOW，好精緻既和果子．．我會買完都唔捨得食，所以無買～（笑）！

左兜右兜終於搵到食壽司果條街～

本來係想食壽司大，不過條人龍好長，聽朋友講大和都ok，人龍係壽司大既一半～
而大和既人龍已經係第2長，應該都ok掛～時間關係都係食左大和，都好好味呀！

一人一個set，3500yen，我唔知叫唔叫做貴，有d亦唔太sure係咩魚類．．
不過食完就高呼～新鮮ですね！再高呼海膽萬歲！！！真係不得之了～超值！

我稱呢舊鰻魚為"肥鰻"．．成舊啪落口．．都唔覺得有飯．．肥鰻果然名不虛傳！！
阿妹食完既食後感係．．"返香港仲點食壽司呀???"大家領悟下～哈！希望下次食到壽司大～

下次會識響呢度行入去．．＞＜．．食完去番個站又唔覺得有魚腥味，可能已經融入左～

之後就搭幾個站去赤羽橋喇～．．見到電梯就會好開心既懶人．．即係我=,=

去赤羽橋就緊係去東京鐵塔，上次夜晚去，今次日頭去，日頭既都靚丫！

雖然我唔鍾意無咀貓(HELLO KITTY...)，但係呢樣無咀貓東京各區代表圖的確幾特別！

兩位團友行下面個SHOPPING MALL都得行好開心，行到累累地，坐底飲杯野～

左邊係 Popping Soda，好好味～仲有星星型既椰果!
右邊係mocha, 好似milk shake咁, 都唔錯!

其實間野既ice cream係出名d．．

之後就返酒店check in，酒店樓下就係Family Mart，好方便～阿妹隻仔既蕉蕉～哈！

酒店高25/F，我地住23/F都唔錯～睇個FLOOR PLAN，我地間房差不多最大～
不過都算係咁，起碼我地d o急一齊打開晒都無問題!!!

初初仲以為會係1張單人床 + 1張雙人床，宜家1人1張～真好！

都係膠膠洗手間～shampoo, 沐浴露都係花王的!

雖然個窗唔算大，但係都睇到唔錯既景觀，我都好滿意架喇～抖一抖再出去喇！