長谷有兩個主要既景點，係鎌倉大佛同長谷寺！兩個地方都係向同一方向行，
鎌倉大佛需徒步8-10 mins，長谷寺5 mins，我地會先去入d既大佛參觀～
沿住大路行入去，同小町通一樣兩旁都有好多小店，唯一唔同就係有車行的～
所以行人路比較窄，而且都幾多人，所以都無乜點停底響ｄ小店．．仍然好曬＠＠
沿大路直行10mins左右到就，呢度係高德院(鎌倉大佛)門口．．
洗洗手，好明顯呢度多人好多！
入場費200yen。
簡介下先，鎌倉大佛係日本國寶之一，是日本第2大的佛像，最大係曾拜訪的奈良既東大寺～
鎌倉大佛青銅打造，佛姿以「安定美」見稱，所以有「美男子」既稱號，(對唔住聽完笑左．．)
雖然唔夠我地既天壇大佛宏偉，但係比歷史就厲害得多，因為已經座落響度七百幾年架喇～
今次係第1次同大佛有咁近距離既接觸，原來以前係有佛廟護住架，不過好耐以前既一場地震，
引發海嘯，一個超級大浪捲走好多建築物同佛廟，只有大佛係屹立不倒到現在，露天都幾特別丫！
其實可以俾20yen入鎌倉大佛入面睇睇，不過太多人無入去，但睇到背脊有兩個窗～
好似可以散熱咁，哈哈～同時間，已經行到好累既關係，響樹蔭下面舊石坐坐休息下．．
當感受寧靜之際，見到有幾個日本仔扮鎌倉大佛，笑到傻左，尤其是中間果個，好得意！
之後就向長谷寺出發，長谷寺係供奉「十一面觀音」，
沿大路行到中間左右見到指示向右轉～入場費300yen。
入到去，睇睇個地圖，原來都唔細，一入去見到大花圃，再上樓梯先係去寺廟！樓梯＞＜
好可愛慈祥既地藏王菩薩，一睇到呢張相都會會心微笑，好舒服既感覺～i like it so muchhhh!!
上到去喇．．
呢度就正式係長谷觀音寺，金身觀音像都好高架！
另一邊有個觀景台，放左好多檯檯櫈櫈，雖然好曬，但係都有好多人坐晒響度，
再行去睇睇，原來睇到好靚既海景，即刻覺得岩岩行果幾條樓梯係值得既！
呢個moment真係好想向住個海大叫，不過話晒都係佛門清靜地，收歛收歛．．．
要離開長谷喇，呢個站有少少十分既感覺，當然多人好多！
江之電一列車有三卡，呢卡好靚呀，有少少西式既感覺！下一站<鎌倉高校前>。。。
呢個站有咩特別? 首先來回都係停同一個月台，其次唔洗出站都已經係一個景點！
再者係免費既！最後，呢度係出名漫畫SLAM DUNK男兒當入樽一個經常出現既場境～請到下圖！
。。。。。。。。。。靚到靜止左。。。。。。。。。向大平洋高呼～喝采～！！！！
哈～顛完喇．．．真係好靚，我地只係坐響月台既櫈就可以擁有呢個景色，夫復何求！
的確呢度好日劇FEEL，我地稱呢度係好適合<停一停，諗一諗>，不過都真係幾大風．．
返到去先覺得吹到有D頭赤，所以鍾意海，而又預計會坐得耐既朋友，請帶備外套！
停一停，諗一諗之後就去到江之島．．．
好搞笑，站入面有個小花圃！
三角屋頂，同高尾山個站有D似，天空仍然非常的藍呢～
江之島駅既出口有雀仔欄杆呀，有睇我既BLOG就會見過箱根都出現過呢幾隻雀仔～
基本上係一樣的，左一隻，右三隻，但江之島駅既雀仔幸福得多，因為你地有衫仔著呢！
一出站轉左，沿住條小街行出去，發現到坑渠蓋都咁死靚～
行到出去，首先係一股海風，然後頭髮披面．．=,=
雖然係咁行下行下就會見到下面既靚景．．．
當時忍唔住唱起歌．．漁火閃閃～擦浪濤～隨那海浪舞～
望住條橋，係好想行過去，可惜對腳唔生性，亦唔太夠時間．．卻步了！
留下少少遺憾，下次有晒藉口黎呢度繼續完成！！不過唔明人地d遊記點解可以完成到...
依依不捨離開，之後就行去片瀨江之島駅，呢度係小田急總站，make sure有位坐!!
bye bye!!
最後靚景!!
當然係因為呢個站都係景點之一。唔知點解第1個印象覺得呢度好牛魔王feel～
入面既月台
哈哈．．．
返黎新宿～第一件事就去左agnes b幫朋友買野，唉～黎３次，３次都買唔到袋俾自己．．．
大家都血併一番，退埋稅之後，就向歌舞伎町出發！途中仲去左ＹＯＵＹＯＵ掃平野！
黎就係為左帶佢地黎若狹家食刺身飯！本來都想帶佢地去金太郎丼，不過始終若狹家多款式Ｄ！
次次都好專一，都係揀大阪no.1丼！平時食唔晒一碗飯既我，都可以清晒～yummy, 1,110yen。
食飽飽，雖則把口話好攰．．但係返酒店既途中仍然可以去藥妝店血併一番．．．
返黎望住d化妝品，um...好似自己以後都唔會黎日本咁．．．買定一大堆～><
最後行埋Family Mart，就返去酒店，其實我地間房既夜景都十分之唔錯丫！
其實今日真係行到好累．．黎4日無辦法，行程要密．．請體諒體諒～浸完仲要貼休足＞＜
超期待聽日DREAM COME TRUE!! "(^_^)v
沒有留言:
張貼留言