初時都諗過搭番N'EX，但聽日會落雨，行李又重，拖去新宿站都應該幾麻煩～
而機場巴士係去到酒店門口，方便d，以下係limousine bus時刻表，承惠3,000yen。
揀選停站既位置:: http://www.limousinebus.co.jp/ch2/timetable/index.html
我地搭既:: http://www.limousinebus.co.jp/ch2/timetable/narita/shinjuku_h.html
呢間係行去JR經過既餐廳．．個石像好好笑！
未行到JR，朋友已經嗌肚餓．．本來諗住食少少野，睇睇便利店內的關東煮，不過最後無買～
然後經過一間烏冬店，所以就改變日程食左野先～
我地研究緊呢間店既好處．．有大中小size分架，細既都只係300-400yen左右!
落到去，哈～仲見到有天婦羅添呀！價錢都好相宜，買左薯餅試下～自助式，揀完俾錢就可以！
呢個係阿妹食既咖哩烏冬，細size，399yen。薯餅好似105yen，雖然凍左d，但都唔錯！
我就係清烏冬+溫泉蛋，細size，294yen。都好好味!! 對女仔黎講細size岩岩好可以食晒!
食完就搭JR去上野再轉Tokyo Metro銀座線去淺草! 好靚既wall @ 淺草駅!
去到唔同既廟都會見到好多呢d拉車哥哥!
到了!! 淺草雷門寺。
少不了必行既仲見世通，好多特色手信呢！
行行下見到後面街有間好大既藥房呢，雖然係同一公司，不過新宿果間多discount d!
かわいいね！！！
帶朋友同妹去求櫼，首先放100yen。然後拎起櫼筒，搖呀搖～有支櫼出左黎喇！
睇到個NO.，就去相應既櫃筒仔拎櫼！吉既就可以拎走，凶既就要縛響個架，會有人化左佢！
旁邊有好多小食檔！
泡冰
行行下行到遊樂場，係的的確確有跳樓機既遊樂場！
之後見到我地響江ノ島搵唔到既八爪魚餅～
店員非常樂意俾我地睇製作過程！5抽生勾勾既八爪魚放落塊鐵板上面，D腳仲識郁架~(嘔)
壓完幾分鐘．．就偏左．．
搖身一變．．．A4八爪魚紙!!! 老實講無乜味，有少少呃錢～哈～ just sell gimmick！
食緊之制就見到一班cosplay人，響日本我都有第1次響街見到! 打扮得好detail~
之後就食泡冰!有好多味揀，蜜瓜，桃，可樂，提子，芒果，士多啤梨等等．．
我揀左至愛既蜜瓜，其實個杯下面既一半係空心架，唔係偷工減料，
食到咁上下，溶溶地，就會跌落去，上面果d又唔會滴出黎喇！
差不多走lu, 向speed出發!! 走果陣響仲見世買左d手信~~真係平靚正架!!
佢地就係日本好出名既七福神, 好多日本人都鍾意佢地架!!
離遠見到宜家起緊既東京天空樹, Tokyo Sky Tree!! 位於押上, 離淺草兩個站~
2011年年底就竣工, 2012年春就會開幕, 完成品有634m高~仲高過我地既IFC好多,
將會係日本最高既建築物, 宜家已經起到差不多400M喇~到時訊息發放就可以更遠更廣喇!!
到時又有藉口黎喇! website會update現時高度架! http://www.tokyo-skytree.jp/
沒有留言:
張貼留言