Day 4B (4/1) 南浦洞 + 樂天光復店 + 金海機場

食完本來想去西面行下，點知變左響南浦洞繼續shopping，又入左ITS SKIN!
有個識普通話既女仔，就知到又出血了，哈哈～買完就去左行地下剩喇～
落地下街前見到呢幾隻野，即係好似我地香港既雪糕筒咁，但我覺得似"咪郁，打劫！"

地下面都有好多衫，飾物～等等！衫既價錢就同香港差不多，飾物就平過香港啦！



平時見到咁多韓妹都著到咁高，真係周圍都見到，二三百蚊對，講明係MADE IN KOREA～
物料都唔錯架，不過睇唔岩款，亦已經無乜盤川，所以最後都係無買到～

 

行行下有個窿窿可以通過去樂天百貨食品館，就行去睇睇～

真係好多野食～

有迴轉壽司～

麵包店～

傳統韓式菓子～上次響首爾買過，麻麻地．．．今次無買～

之後見到有餃子店，有我地一直想試而又未試既泡菜餃子～

有一款有蝦～

我地就咁叫左兩隻泡菜餃子，好大隻，亦都好好味！一千定千五WON一隻！



慢慢行番過大堂果邊，真係幾鬼靚，聽聞唔知邊層有觀景台的～

行左陣又坐底食雪糕，呢個牌子響釜山周圍都見到，佢最出名係我同朋友都鍾意抹茶味～
第２位就係藍莓乳酪味，好少雪糕店頭幾位唔係朱古力味，幾獨到，我地叫左下層左二～



5500WON，有4球既??? 但明明個SAMPLE係2球架～唔理luuuu! 照食~~
個抹茶味真係幾唔錯，平時食都會有ｄ奶味，但呢款無乜，唔甜，茶味好濃～正！
至於藍莓乳酪味，乳酪味比藍莓味重，可能我幾鍾意乳酪，都覺得幾唔錯呀！

食完再行多陣，又行番去南浦洞，目的就係搵我地既最後晚餐 - 部隊鍋!! 搵搵下見到好靚既貓貓牆!

南浦洞有條街係好多食店, 行行下見到呢間, 睇d圖.....感覺上有我地搵緊既野~
咁岩本書都有部隊鍋既韓文字, 又指下俾阿珠媽睇, 佢話有, 仲俾個menu我地對對d字!



左下角左起第4個就係喇~~13000won係2人份, 剛好我地都係預13000won食dinner, fit 曬!!!

 

呢間店有少少日式感覺, d 木牌好似響日本壽司店見到果d, 好少睇係係寫韓文呢~~

呢度係食咁多韓國野, 最少前菜既一間, 但個紫菜好得意~~係甜架!!!! 初初覺得怪~但愈食愈好味!!!

部隊鍋其實係韓國同美國最初期既fusion菜~~有公仔麵, 魚片, 腸仔, 年糕(芝芯架!), 午餐肉, 等等~
即係雜錦鍋, 但味道唔錯, 亦唔知點解韓國既公仔麵真係好似特別好食咁, 哈哈! 兩個人食岩岩好~~

捧住個肚返酒店，要走喇＞＿＜！返酒店拎行李，睇睇個時間，呢個就係地圖～
其實就係出酒店轉右直行，過對住馬路，即係消防局果度！再行前STX大廈就係機場巴士站所在！

等馬路中～～其實都算好近架喇！只係因為拎得多野，好似好遠！

到了！個表寫七點，點知七點二架巴士先黎～～

途經釜山站～

唔洗一個鐘就到了金海機場～

 

去ＣＨＥＣＫ　ＩＮ，不過之前要去搞搞退稅先！

 

退稅有分藍色同橙色～都係響未入閘之前呢個檯台蓋印，可能始終唔係大機場要ＣＡＬＬ人出黎～

～蓋完印，藍色既就響度入信封～～

 

然後再放入呢個箱，有個CHECK LIST俾你睇下有冇漏資料！藍色退稅係會退番去信用咭～

之後就ＣＨＥＣＫ　ＩＮ，我地超重俾人罰錢呀！！！每人LIMIT 20 KGS!
朋友既行李30KGS, 我就27KGS......第1次俾人罰錢......我地叫佢WAIVE~
佢話每人WAIVE 5 KGS 俾我地, 即係要CHARGE 我地7 KGS, 再叫佢WAIVE!!!!
最後就罰 5 KGS, 5100 WON / KGS = 40500 WON....差不多HK$300 >_<
 

至於橙色~~即係響E-MART果款, 就入左閘響CUSTOM之後右手面, 俾張野佢就會退CASH俾你!
我退左5000 WON!!! 呢個機場有個好處, 入閘後有7-11, 用埋5000WON買少少手信同零食!!!

 

要走喇......................T_T"



牛角包消夜~~



4日3夜釜山之旅~~完~~