。19 MAY 2012 - 變幻莫測摸蜆記。

 失驚無神摸蜆去~~~先黎一張成果圖先~~~(^_^)v!!!!!

呢排既心情因為私事好差, 今日更加係跌到落谷底.....總算有班朋友分散下壞心情!
是日摸蜆去!!! 咁大個女都係第一次摸蜆咋!! 首先要先查查潮退既時間, 今日3點左右!
我地一行6人約左2點左右響東涌等, 齊人就買少少野飲再去搭 3M 大嶼山巴士去貝澳~

http://www.newlantaobus.com/road_3M.htm

今日既天氣變幻莫測, 落住毛毛雨入到貝澳, 好喇~~準備好裝備裝束......
點知準備出去既時候, 落起超級傾盆大雨........唯有等等等........終於收左少少雨......
突然眼前一閃!!!! 我仲口出狂言"日光日白邊個用閃光燈..." 過多兩秒, 超大既行雷聲!!!
我真係唔識死.......原來係超級閃電劈落個海度.........我地都覺得係咪出師不利????

過多陣.....個天又開始光番wo!!! 見d人都開始出番去, 我地就一齊出去喇~~終於可以開始喇!!!
男仔就出出面深水d 摸, 應該係用腳摸同夾先岩, 係大隻好多架! 女仔就響淺灘摸細隻仔喇~~



我好失敗.......個個摸到幾隻我先摸到一隻........好彩之後愈摸愈順~~~嘩哈哈!
因為落雨關係都無拎相機出去, 所以d相都係得開始同結尾~~哈哈!!
呢d就係我地既"架餐", 有剷啦, 筷子啦, 桶啦, 網啦, 手套啦~~大大細細有兩桶!



心情好好多.........




之後就係今日既戲肉!!!!!!!!!!!!!!!!!!!!!!!! 差不多閃人出番藍天~~~



之後朋友尖叫指住左邊O左咀~~原來有彩虹呀!!!!!!!!我已經有十幾年無見過喇~~~

仲要係好完整!!!!!!! 好感動.......呢排有妄想症既我總覺得個天俾緊D SIGNAL我........=,="

驚歎完左邊....略過中間既藍天, 右邊出現了夕陽.....天空染得變紫色!!! 同一時間出現了3個景觀!

夕陽無限好........只是近黃昏...........

夜晚就響小食部買左D燒烤包, 炭, 飲品就開餐!!!! 賣蜆妹 >v<

即摸即食真係好好味, 鮮味到極點, 記得未食前要用海水浸住d蜆喔~~

仲有D細隻燒唔曬, 用海水養住第2日下午加餸~~雖然用豉椒炒, 但仍然都仲有少少海水味呢!! 正~



好想再去encore呀!! 不過呢排好多摸蜆既意外發生, 大家要小心呀!!!!!