:::2012迷上釜山之旅:::手信篇!!

又到手信大檢閱喇!!!! 打頭陣有一大箱e-mart 食品!!!! 亦都係超重既致命點!!!

我都執得幾靚架~~哈哈! 最緊要執得balance, 唔好邊重邊輕!!! 又易拎d, d野又無咁易爛!!

首先有~~好多沖劑!! 左邊係09年時響首爾幫襯過既抹茶專門店o'sulloc出既green tea latte 沖劑~
其實唔平, 好似成5000WON一盒, 不過因為o'sulloc係抹茶味既信心保證, 所以唔理喇~~照買!!!
前面果盒就係因為平而買黎試試, 試完再UPDATE! (update: 味道還可以, 奶味重左些少, 粗飲OK!)

右手邊既係朱古力~~係響E-MART時收到信息~係妹妹既朋友俾張圖我話呢隻朱古力沖劑好味,
濃得黎又唔甜, 如果遲多一個鍾先收到wtsapp...睇黎就買唔到喇~~好彩e-mart有wift 咋~~
老實講唔記得幾錢, 但一盒有30包, 好似唔洗1蚊包~用黎做手信派俾人一流,
味道的確唔錯, 香濃得黎唔會好甜~~不過就唔可以沖太多水!!

然後就係響周圍食店任添既紫菜碎, 送飯一流!!! 買左包俾朋友, 兩日清曬~~話好好味!!!
咸咸地有少少麻油味, 如果無煮送又想食飯, 送飯一流!!!

之後就係韓國精緻既蛋糕手信, 左上同左下既味道其實差不多, 真係幾唔錯!
右上既魚魚係見到咁得意忍唔住買, 入面個包裝袋都好靚架, 一開出黎真係魚型!
右下就係呢幾年好多朋友去完韓國都會買返黎既brownie, 的確係好好味既!!
呢d一盒盒大概廿幾三十蚊一盒啦, 有大盒細盒,  送禮一流!!! 唔洗下下買kimchi~~

!

表妹響我臨上機前通知買麵....就買兩包啦, 左邊係撈麵, 右邊係湯麵, 妹話撈麵好味, 我仲未食=,=
UPDATE: 香港有得買!!!



呢款係辣炒年糕咪通心脆脆~~~係我既推介!!! 好好味~~有大包同細包, 仲有呢款6pack裝!!
食完之際, 俾我見到阿信屋都有得買呀, 呵呵, 雖然香港買得貴d, 不過唔洗下下飛去買, yeah!

雖則話唔洗買kimchi.....最後都係要幫人買......竟然係我老豆.......其實香港都有啦!!!!!

最後響飛機仲有6000won! 就用埋去買左5個蕉蕉奶返去俾屋企人試, 唔鍾意蕉既我都好鍾意~

呢款就係食完烤肉之後有得夾粒黎清口腔既薄荷糖~~不過我響鎮海買貴左~1300won@~
最後一日響daiso都見到有, 1000won@咋~~好似我唔太鍾意食香口膠, 就可以買黎頂替下!



杯裝篤卜gi~~7-11買! 好似都唔平, 不過好想回味下.....但係又係太忙仲未試.....
UPDATE: 味道有少少怪, 唔似響韓國食既"篤卜gi", 唔洗買黎試都得~~



響南浦洞artbox既收獲~~d card / 簿係真超靚, 又平wo!! 1000-1500won@~~
仲有又係又平又靚既玫瑰花鏡, 無記錯好似2000won, 十幾蚊買俾人做手信或自用都正呀!
哈.......仲有.......我唔記得帶牙刷, 買左支細細支~~好似都係1000定1500won, 總之就抵啦!!

釜山大學買既耳環, 左邊我既2000won, 右邊妹既1000won!

好後悔買得咁少, 就係令我地成間房都係士多啤梨味既超超超香甜大粒既士多啤梨! 8000won! 40粒左右~



哈哈~~仲有daiso掃既師奶野, 由首爾到釜山.....我都係要買既黃銅煲~~09首爾買果個舊左要補給!
仲有左下既化妝棉.....香港最平都要10蚊啦, 1000won咋!! 仲有同某品牌相似既化妝座, 都係咁用姐~

右上就係我好鍾意既盒仔~個size一流!!! 平時d飯盒個底好闊放唔到入個袋, 要分開用其他袋裝~
呢個長長高高細細個, 可以放入袋, 好方便, size岩岩好一個lunch!! 到而家都好鍾意呀!!!同埋係韓國制!
而加下係一個有手挽既盒, 香港少見d, 但韓國就好多, 因為好多人都要直接拎d 自家制泡菜俾人呢!

好喇~~到黎到韓國必掃既護膚品同化妝品!! skinfood!! 上面係買俾朋友既eye shadow!
左下係香港已經無左既honey味粉餅, 以前用過唔錯, 再encore! 右邊就係光影粉~~~
 

之後就係大手買入既it's skin蝸牛霜, 原價60000won, 釜山大學分店中國人有八折~~48000won!!
紅色既係毒蛇mask同精華, 幫朋友買俾媽媽, 因為係抗皺既~~仲有右邊係近年好興既腳腳死皮!

最後一日響南浦洞it's skin買既蝸牛霜面膜, 釜大果邊無呢款面膜, 所以買左~~但就無八折有退稅!
朋友都有買野, 因為個sales係北京人, 係咁同佢吹水, 最後仲屈佢送左把遮, 自動開架!!!!!!



我自己就無買laneige, 呢d都係幫朋友買, 釜山大學果間ARITAUM, 買得多有9折!!
 上面果隻mask比起香港起碼平$100! 右下角既係sleeping mask, 但平得唔算多~
左下角係送既試用裝, 都幾大支架~~抵!!!!!

之後就係missha買既野, 左邊係幫朋友買既眼線筆, 話好好用~~中間係我既甲油同洗甲水~
右下係幫朋友買既膏狀胭脂, 我自己就麻麻地個texture, 右上係送既lip balm~送左俾朋友!

呢大堆就係送既sample喇!!!!!!!!!!當然有按番比例送番俾朋友, 亦當然會抽少少水~ 大家都好開心!!!