Day 1 (9/29) 香港機場 + 那霸空港 + 國際通

9/29 3AM...執完行李, 睇睇天文台..."將於5:30am前發出8號烈風或暴風信號"...頂!
之前又話掛八號機會唔大既...8:30AM 起身, 8號風球現正懸掛, 晴天霹靂, 仲要蝕左日假!!
即刻上網 KMB 睇睇機場巴士既安排...無知既我以為起碼會有有限度服務...原來係會停駛!!!

再睇機管局又未寫會delay or cancel, 打去EGL問拎e-ticket 條友, 亦話未有取消既消息!
即係...要照去機場, 唯有call 的士...8號風球雙計!! 好彩朋友住得近, 兜埋佢share~好豪!!
以前一有八號風球, 睇住電視話" 嘩, 今日搭飛機就真係唔好彩"...估唔到自己都有咁既一日...

搭的士都幾驚險, 橫風橫雨, 過完吸水門大橋之後...明明響中線, 架車會自己飄左去左線...
司機都忍唔住笑...仲話自己無郁過堂軚, 齊齊大笑~~哈哈...(明明咁危險都仲笑得出)...
落車果刻...真係覺得自己會被風吹走, 一唔扶住個o急, 佢自己就會郁...真係苦中作樂~

拎完e-ticket, 仲未睇到去邊個gate, 去左食早餐...好耐無食過糯米雞~~呵呵!

食完周圍行duty free...好搞笑既馬吊中國白酒!

朋友買左盒好靚好colorful 既煙, 點知佢話好難食~

唉...終於到我地班機延誤...原本13:25 >>> 14:45...冇野做去左starbucks坐~

坐坐下有幾位靚太搭檯, 佢地講起整容打麻雀, 講講下一齊搭訕~女人真係乜都可以講一餐!
原來大家都係同一班機去沖繩, 不過佢地就跟團...佢地問我地有冇拎餐飲劵~下? 餐飲劵?
佢地話班機delay, 可以去港龍拎餐飲劵, 哈哈...每人有HK$75...心靈上都有少少安慰~

不過岩岩先飲完野, 又未餓...starbucks 又唔俾換杯, 咁就換左咖啡粉同兩支果汁!

成個機場都係人, 大家等了又等...

都仲係8號...個個朋友就多日假, 我地就響機場等到發毛....

呢個時候又delay, 14:45 >>> 15:15...

好可惜到15:15 都仲未見到出邊個gate, 睇黎都係凶多吉少...好既唔靈醜既靈~
15:15 >>> 16:15...呢個先係真...出完16:15 好快就出埋Gate 36, 即刻去!!

又撞番班靚太,佢地話delay係唔會遲多過3個鐘, 如果唔係起碼賠每人HK$300!
果然計一計...只係遲左2小時50分鐘, 仲要係按on board計, 上埋機都唔止啦~

終於...上左機, 第1次遇到好有離心力既氣流, 仲要唔止1次, 都有少少驚驚地~
穿過兩層厚雲就無事lu, 食完飛機餐仲睇左<加勒比海盜4 魔盜狂潮>製作特輯~正!

係時候分盤川!!!

幾經辛苦及多個第1次...日本時間 8PM 終於重臨日本既領土~要搭接駁車去番terminal~

那霸空港個國際線真係好細...得1條行李輸送帶~~

海關人員都係著花花恤~之後先發覺原來呢個位唔影得相! 好彩無俾人發覺姐~

呢度仲細過同舊過東京羽田國際線呢~出閘仲見到EGL個白頭老闆!

行番去國內線搭monorail~

同樣東京羽田一樣都係國內線大好多~

MONORAIL 響2/F!

D SHOP都開始收LU...

呢度出去~~

沿住指示行條橋過去~

日本最西端之駅 - 那霸空港駅!

都係好似JR咁買飛, 那霸空港駅 >>> 県廳前 15 MINS 260YEN@

小小的月台~~

只有兩卡的企理車廂~跟東京不同的就是少了的就是密密的人群!

我地搭6個站~~搭完全條MONORAIL 都需30MINS!

小心手手!

未試過咁快由空港到酒店, 真方便, 出東口!

落電梯直行轉右, 沿住RYUBO行, 左邊會見到県廳北口巴士站, 右邊就係RYUBO~直行!
之後過馬路, 中間條路直入就見到FAMILY MART, 再行前d就係酒店喇~位置好方便!

COMFORT HOTEL NAHA PREFECTURAL OFFICE (金域那霸縣廳)

Check in! 我地住6/F, 我地房一出就係LIFT口...
初初都驚會唔會嘈~但唔會! 反而我地仲嘈~~哈哈!

雖然都係日本式的蚊型房, 不過都可以開晒兩個o急~算係好夠用!

執番d 眼耳口鼻就出國際通行下, 不過都差唔多9點幾10點, 有D舖都開始閂~

苦瓜櫈!!!

好多放滿不同酒及手信的店舖!

好彩我地原定食既<守禮>係收00:00, 行去到坐底, 終於有鬆一口氣既感覺! 呼~

坐位都幾舒適, 上面是抽油煙的!

呢一餐係我地呢個行程最豪, 要食沖繩既石垣牛同AGU豬, BUDGET係每人五舊水~

有中文MENU 提供~睇睇MENU叫左2個SET...1牛1豬!

好多野食...放到成檯都係野, 以下會逐一介紹...

前菜! 左起 : 水雲 >> 麻醬豬耳 >> 沖繩苦瓜
水雲 : 初初食有少少怪, 但食食下酸酸地又幾開胃!
麻醬豬耳: 初初食唔出係豬耳, 有D似帶子裙邊, 睇真D原來係豬耳~好好食!!!!
沖繩苦瓜: 邊個話沖繩苦瓜唔苦...對於得黎講都係苦...不過感覺上易入口DD~

醬都有4碟, 左邊係烤肉的, 右邊是shabu shabu的~~其中一款酸酸地, 但可以更吊到肉味!

石垣牛是燒的, 而AGU豬就是SHABU SHABU!

石垣牛~好好味, 有入口溶化的感覺~少少生都唔怕! 我自己好鍾意! 下面既冷麵都好好味!

AGU豬~~好重肉味, 是香港食唔到, 睇落好肥, 但食落又唔覺得肥~

沖繩そば...即係沖繩特式麵麵~唔知係咪沖繩近台灣, 個人認為同台灣既麵有d似!

沖繩製造 ORION BEER, 可能係生啤比外國的啤酒易入口~DAY 3 就會去參觀ORION啤酒廠!

紅芋雪糕, 即係蕃薯味! 好濃味, 正! 另外仲可以揀 lemon, sugar 同 沖繩菠蘿!

哈哈...同場加映<冰火>, 第1次燒果時...唔知頭唔知路, d石垣牛都幾搶火, 咁點算先??
原來檯面一早放左個冰筒響度...原來係搶火時用黎放響網上面舒緩下, 然後拎番走粒冰!

之後見隔離檯多數都係兩個人叫1個SET...食完諗番點解唔叫1個SET+單點AGU豬...
突然覺得自己蠢左...算啦! 就當安慰下自己今朝既驚險之旅, 大家唔好好似我地咁蠢!

另一邊既座位!
守礼 - Website: http://www.okinawa-shurei.jp/
P.S. 呢度d waiter 好靚仔!!! ^w^

食飽飽乜都收晒lu...慢行國際通返酒店~經過銀行, 見到有樣野叫夜間金庫...
咁得意既?? 如果d人要拎錢就應該去ATM 啦, 咁呢個夜間金庫既用途係乜呢?
千其百趣~~夜間先用得既夾萬?? 八卦既我就問緊日本客, 有待確認!!

updated on 17/10/2011!!~問到喇~haha!!
大致上係方便d 同銀行既營業時間有所不同既店舖~就好似d 酒吧, 夜店咁,
收舖既時間已經好夜, 但一般唔會放d錢響店舖度! 亦唔會拎住周圍行, 唔安全嘛~
咁佢地就會將每日既營業額放入個由銀行提供的袋, 再放入夜間金庫由銀行看管喇!

---------------------------------------------------------------------
夜間に金融機関に金銭を預け入れるための金庫のこと。店舗の売上金など、銀行の営業時間外に金銭を銀行に預け入れ、自分で持つことによる盗難や紛失のリスクを低くすることができる。

銀行や信用金庫によって詳細は異なるが、契約すると専用の入金鞄が貸与され、その中に現金と入金帳を入れ、夜間金庫に投入する。夜間金庫を使用するには、当該銀行に口座を持ち、一定額の手数料を支払う必要がある。
---------------------------------------------------------------------

返到酒店, 餐廳有兩部電腦係無料使用 (免費)~上facebook 報平安!
原來...響外地 login facebook 要確認身份! fb總共俾左5個人既相~
好似 multiple choices 咁揀番相中人係乜水, last one 係阿妹, 好搞笑!!

響樓下 FAMILY MART 買既125周年版可口可樂, 玻璃樽黎架! 好靚好靚~^_^

在酒店發顛中....哈哈!!

阿妹送的晴天公仔, 希望日日都好好天, 第1天完!