Day 4 (10/2) 第一牧志公設市場+ 國際通

哈哈....哈哈...."本來"今日諗住去下d 地標....首里城, 波上宮, 循例咁影番張到此一遊相....
好可惜.....10點鐘要check out 既我地....10點半先起身!!!! 一起身以為自己睇錯鐘....
之前睇blog見到d人試過因為咁而罰錢, 但我地無錢, 以9秒9去執番d 眼耳口鼻....
仲諗埋落到去扮晒野以為11點先check out...落去俾左張房咭就已經ok! 好彩姐!

因時間同金錢關係, skip左d 景點, 直接去第一牧志公設市場食海鮮!沿住國際通到市場本通!

呢度有d似上野, 就算街市都係好整齊~~見到有d應該係傳統小食, 有d似我地d乜乜酥乜乜糕咁!

行到中間左右, 就會見到d牌~~轉右就會睇到呢個牌, 好緊張呀! 第一次入日本街市!!

我覺得個街市有d似我地香港既新戌有冷氣既街市, 當然呢度乾淨好多, 起碼唔會濕漉漉~
最鍾意d肉檔, 將d肉放晒響d蛋糕櫃入面咁, 好企理! 不過香港吊起d肉就容易揀d既! 各有各好~

再行入d 就係海鮮檔喇~~好多海鮮, 深海既都有! 但唔知點解係要將雞泡魚剝晒皮放響度~
真係好核突......朋友仲可以係咁影.....初初都諗過擺上黎, 不過實在太核突喇~我接受唔到! XD
本身諗住行下先, 不過你一行過就會係咁要你幫襯佢咁! 同埋差不多每檔都有識講普通話/英文!
但其實檔檔D野都係差唔多, 最後揀左我地一入黎睇既第1檔! 因為個阿姐好D人, 無迫我地幫襯~



數數錢.....我地得番4500yen食呢餐~~我地亦都好老實同阿姐講我地得咁多!! 然後就揀食乜喇!



首先係沖繩出名既夜光貝, 好大隻架! 2500YEN, 可以兩食, 不過上網睇過話炒會好韌,
我地話全部要刺身上! 一陣再講comment....返黎睇有d人三四千yen, 果然係"海鮮"價!
之後見到佢有兩盤刺身響雪櫃~~500yen/ 1000yen, 都幾多, 我叫要左盤500yen,
原來仲可以揀要d乜~我地要三文魚, 吞拿魚, 海膽, 帶子,其他佢話再執d俾我地揍夠500yen~

之後見到好多龍蝦, 其實好平, 同d大蝦唔係差好遠....不過龍蝦無乜肉, 所以無揀~

d 蟹好大隻! 不過之前睇過大多數都係中式煮法多...個人認為中式煮法一定係香港好食d, 所以無揀!

之後見到好大隻蝦, 有幾大隻? 睇落d就知道!! 800yen一隻~我地叫左一隻...紅燒!!

呢度就係上一樓, 總之你有野食要加工就要上黎食, 收番加工費~~
我都有問如果我地淨係食刺身響邊度食? 阿姐就話地下有個位置可以食!

有少少似我地香港d 街市熟食檔, 不過呢度d 油煙都幾勁, 食完我d頭髮都吸左少少味!



除左海鮮加工, 仲有其他野食!

我地既夜光貝+刺身併盤黎喇~~都係樓下檔口切的! 遂樣講! 今次好主觀~~~~
1. 夜光貝......唔好食!!!!! 有d似螺, 無乜味, 好普通!! 尤其是d 邊邊位, 雞軟骨咁仲要硬d添!!
2. 三文魚, 吞拿魚, 不知名魚.......無乜特別, 不過好食!
3. 海膽, 帶子........成盤之中最好食~~鮮味到極點!
4. 魷魚......幾特別, 平時食既都係全生, 一係全熟, 但佢灸左邊邊, 口感同味道都好得意, 有d驚喜!



呢d就係我地食剩d邊邊位, 如果一味兩食, 真係唔知煮熟埋點食, 呢隻夜光貝.....一世人一次就夠!!



大大隻蝦, 有幾大~~就係好似把鉸剪咁大!!! 都幾爽口, 淡淡肉!!

d 蝦油好勁~~好彩有舊檸檬, 加少少再喪洗就洗得去d油!

食完又數錢.....最緊要留番260x2=520yen去機場....哈哈! 仲有少少可以買野飲!

之後行左過隔離平和通, 中間有路通過去的! 未試過響日本地方, 竟然最後一日先去藥妝店!

呢間都好齊, 但因為yen高企, 計番d化妝品香港仲平d, 不過同朋友都左睇右睇都睇左好耐, 女人!!



原來星期日既國際通係會有交通管制, 唔俾車入, 就算見到巴士都係有音樂咁慢駛!

環保的士!

可口可樂版!! 好型呀~~

有好多小朋友響條街玩緊, 有d似交通安全城!

好喇~~時間差唔多, 慢行國際通返酒店拎行李返香港lu!! 最後就送上國際通街上的公仔!

我就係響呢間古酒家買酒同少少手信! 就算唔買酒都有好多野睇, 太精緻了!

行返酒店先見到.....原來我地係住響沖繩電視台隔離!

返酒店拎行李, 咁岩朋友個o急有少少問題要整理下, 就坐左響canteen喇~
雖然咁多日都冇食早餐, 都循例介紹番下個餐廳仔先~~首先有兩部無料電腦!!



座位~


不同既旅遊章程/資訊!

呢度仲有個好處, 住客 6:00-24:00 都可以任飲麥茶!

仲有任飲橙汁, 茶同咖啡, 雖然都只係機溝出黎, 不過唔洗錢~~好過無啦!!

之後就去那霸空港喇! 15 mins就去到, 真係無乜邊個地方可以咁快去到~
本來想去outlet, 機場有settle bus去 1個鐘1班~但咁岩 miss左1班~
再等下一班就唔夠時間返黎lu, 加上個天又想落雨...又無錢, 所以取消了!!

之前去過既同事話都唔洗好失望, 因為呢個outlet d款的確係舊好多~
如果係唔追款既都可以去睇睇既~~希望下次有機會再去啦!!
okinawa outlet mall ashibinaa: http://www.ashibinaa.com/
Shuttle Bus : http://www.ashibinaa.com/html/acc/shut.html

最後響國內線果邊都掃左d手信! 返番國際線等上機, 最後都delay左20mins, 沖繩~後會有期!!



雖然今次旅程好短唔夠喉, 真係好開心可以同最好既朋友完成整個行程!!
佢係由F.1 識到宜家既朋友.....識左幾多年就唔好講喇~~~哈哈!
加上又遇到有D搞笑無喱頭事件, 又係一次好好既回憶~~大滿足!!
惟一係對夜光貝好失望!! 簡直係係呢次旅程上既一大污點 >_希望下次再黎既時候, 我可以自駕遊啦! 不過應該無人敢坐我車~XD!!