。我的旅遊日記。: Day 3A (10/1) ORION 啤酒廠 + 海中展望塔 + 鯨魚玻璃船

(唔好意思, 呢日既開場白會比較長...XD)

第3日係最大挑戰既一日, 因為全日都係巴士遊, 之前已經上巴士網check好晒時刻表~
so far 我都幾有信心既! 而今日既第1站係去名護市, search過要2 hrs, 1500 yen左右!
因為係長途巴, 1個鐘都只係得2,3班, 我地"本身"係搭120/20號, 去縣廳北口巴士站等車...

9點半有車...9點25到巴士站~...有個的士伯伯落車向我地行黎, 問我地去邊... 我就話我地等巴士就ok, 唔該晒! 之後佢再問我地等幾號巴士, 最後都係答左佢~ 佢就話搭巴士去名護市要3個鐘架wo! 仲要每人2000yen...我心諗.. 明明我搵資料係2個鐘每人1500 yen, 吹咁大? 之後佢就話佢收我地2000yen, 個半鐘到Orion啤酒廠...每人都係貴500 yen, 計計又真係ok既~本書話要過萬架!
話晒都身在外地, 都擔心會唔會係賊車? 但阿伯伯又唔似壞人, 仲好有誠意咁... 而的確我地都真係幾趕時間...我再用日文問多次”係咪真架?”佢話係, 好啦...信1次!!!

上左車...拎早餐出黎食...諗住食完可以訓陣啦! 奇妙既事件就開始了~伯伯好熱情!! 變身為沖繩導遊!!! 個半鐘...無停過!! 超好客~~我亦都無停過咁估佢D英文, 哈哈! 以下係比較長既對話...不過文字比較難表達佢D好笑語氣~~哈哈!
因為全程又有日文, 英文...我盡量打得易明D...HAHA! (我既朋友們~~想知D語氣既可以打俾我, 我會好全神咁演繹一次XD!!) 伯伯: 你地邊度黎架? 我: 香港伯伯: ME WIFE 都去過香港我: 係牙~~(ME WIFE!! XD)

(經過美軍基地) 伯伯: here, US ARMY! 1972 Japanese, US ARMY “青之”! 我:..... “青之”??? 伯伯: YES, “青之”, US ARMY “青之” 1972!
(呢個時侯...我揭一揭本書...原來係1972美軍還番沖繩俾日本... 我get到喇....原來“青之”=CHANGE, 睇黎我同伯伯都溝通到, 哈~)

(經過一間中學) 伯伯: here, middle school! You, universal???
(haha~studio牙? 當然我get到佢問係咪讀緊大學) 我: 唔係, 做緊野喇~~ 伯伯: 做緊乜呀? 我朋友: 銀行~ 伯伯: 哦, in Okinawa, 琉球銀行~no. 1! 沖繩銀行~no.2! xx銀行no.3 我: 哦哦

(講開我地既目的地 – ORION啤酒廠) 伯伯: 你地好鍾意啤酒?? 我: OK LA, 去參觀下姐伯伯: beer in Okinawa, no.1~Kirin (麒麟), no.2~Asahi, no.3~ sapporo ,
no.4~Orion, no good, I don’t like it! 我地: 哦哦
伯伯: hong kong beer factory?? 佢應該問香港有冇啤酒廠??
我地: no.
伯伯: (驚訝!!!)(睇到唔同既車...) 伯伯: 香港多唔多日本車?? 我: 都多呀, 多數係日本同歐洲車伯伯: Car in Okinawa, no.1~Suzuki (鈴木), no.2~Toyota (豐田), no.3~Honda(本田) 我地: 哦哦 (睇到個寫住AU既廣告牌) 伯伯: in Okinawa , no.1~AU!! 我: AU??? 伯伯: yes, no.1~AU, no.2~DoCoMo, no.3~xxx
(原來講緊telecom network...好彩講一講DoCoMo, 哈)
(去到美國村附近) 伯伯: Car no. US~white, Yellow~Japanese, Bus/Taxi~Green 我: 哦哦
(原來d響沖繩既車牌係有顏色既分別, 白色係美藉, 黃色係日藉, 綠色係公共交通)

(開始見到唔同既resort, 伯伯就指住d酒店, 佢曾經興奮到雙手離軚左一下, 好彩當時係大直路...) 伯伯: this hotel very very much money...oh my god!! 我: (very very much money...忍笑忍到我呢...) 伯伯: these hotels all “丫娜”, no “jello” 我: 丫娜?????? 伯伯: yes, all “丫娜”, no “Jello” 我: (一個問號樣) 伯伯: yes, all “丫娜”, no “Jello”....(不停重複, 直至...) 伯伯: yes, all ANA, no “Jello”
(哦....”丫娜”=ANA(a-na)...咁估到喇!! “Jello”即係JAL!!!!!) 我: 哦, all ANA, not JAL, right? 伯伯: yesyes
(原來d resort 係 for ANA or ANA 擁有, 無一間係JAL既)
我地就係咁過左呢個半鐘, 雖然初初係覺得有D煩~不過都好多謝伯伯既介紹, 令我地唔少既知識同回憶!
因為落左車到宜家....我同朋友都仲係拎呢d對話黎講~而且伯伯原來已經76歲, 真係完全唔似! 好好中氣!
最後伯伯真係好老實, 大概行左1/3既路程個標跳到4000yen, 佢撳熄左個標仲"ush"示意我地唔好講~
其實架的士得地3個人, 當時我講俾邊個知? 的確個半鐘就到, 有d後悔無同伯伯影相添~你要身體健康呀!=]

繼續我地既行程, 11點到左, 11點20分先開始~~響門口影下相先!!
提一提~~因為我地唔係團體, 之前1日叫酒店幫手打去ORION 啤酒廠予約!
費用全免兼有得試飲, 入去登記時會問你點黎, 如果係駕車黎, 試飲就唔可以飲啤酒喇!
仲有~~星期六機器唔會開, 同埋只有日本語介紹, 但都會有中文既說明書提供~

LOBBY

產品展示版

呢罐好靚呀!!

好大架ORION貨車

其實見學期間係唔可以影相, 呢度係等緊既時侯有個位影到! 一共有十幾人一齊參觀!

初初以為話D機器唔開只可以睇片, 原來都唔係, 都會帶我地行廠, 只係D機器無運行! GOOD!!

1分鐘可以做到咁多罐出黎架!!

好曳偷影的!!

參觀之後就去餐廳試飲喇!

換領劵, 可以揀1罐罐裝飲品 / 2杯啤酒

朝早流流我都係飲茶得喇....朋友就試啤酒, 仲每人送1包花生, 好好食!!!!!!!!

飲完就去左手信區八下!

呵呵~~好好味既ORION花生, 1條有5包, 我地1人掃左4條~~245YEN@! 之後響國際通見到280呀!

買完就響度食埋野先出發去very very much money既BUSENA RESORT! 單點都唔算貴呀!
另外佢有自助餐架, 1600YEN 1位~~比較西式的, 不過我地唔係太肚餓, 所以無試~叫左單點!

少少辣既沖繩肉碎撈麵, 睇落好普通, 但都幾好食架!

呢個好似蔥油餅既物體仲好食! 好似薄餐咁但入面有D八爪魚, 而個精要就係個汁, upgrade晒!!

行番出大路搭巴士

經過名護博物館, 當去左! 哈~~

行到出大路, 本身我諗住係行番"名護城入口"巴士站, 一係行左一係行右, 見到左邊好似有個巴士站~
反正都係呢條路就行過去, 原來係"名護城入口"之後的"東江"駅, 唔打緊, 一樣姐! 都係待120/20號!
呢個站好靜, 真係有d鄉下feel, 但無蚊架!! 真係好靜, 附近得間蔬果店, 當我企響巴士站睇時刻表,
同時有個女人一齊睇緊, 我同我同朋友話要等多陣坐下先~唔知係咪佢聽到我講既係中文就問喇....

女人: (日文) 日本人?
我: (日文) 唔係呀!
女人: (普通話) 中國人? (真係嚇一嚇, 哈!)
我: 對呀! 從香港來的~~你呢?
女人: 我是遼寧人
我: 哦~~你是在這裡住嗎? (因為佢都著得好casusal)
女人: 對呀! 你們自己來玩嗎?? 自己搭公車??
我: 對呀! 我們是自由行~
女人: 你們好厲害喔, 還自己搭公車!
我: 哈哈...真的嗎~~
女人: 我走喇~~拜拜!

乜佢.....唔係等巴士架咩???? 証明真係周圍都有中國人!!