Day 2B (9/30) 美ら海水族館 + 名護果園 + RYUBO + 國際通

終於黎到沖繩另一必去景點, 就係擁有全亞洲最大水族館既美ら海水族館, 是位於海洋博公園內!
呢個moment好熱, 都係充滿紫外線既陽光...我地有2個半鐘既自由活動~由呢度行入去!

慢慢行落去...好彩有行人電梯, 向右邊咁行行行....就會黎到呢度! 基本上都好多指示牌!

門口好可愛的...寄居蟹吧! 呢度都發生左個小插曲...我同朋友想一齊同寄居蟹影相...
叫左個拎住長炮既日本叔叔幫手, 諗住佢部機咁勁, 無死啦! 點知張相只係影我地兩個=,=

門口

一入到去就係接觸區, 可以用手輕摸海洋生物, 不過唔可以拎上水面架!

好似便便既海參~軟綿綿架! 手感好得意!

好多條"多莉"呀!

好醜樣!!!!!!!!!!!!!!!!!!!!!! >_<

清蒸好嗎???

好靚既海葵~好有櫻花feel!

震撼的黑潮之海!! 好多人一齊wa~wa~wa~

呢兩條真係好大!! 大過架車!!

好多好多好多魚!

另一個角度係抬頭就望到d魚魚, 好似身處海底咁呀!

可愛的日本妹妹!

睇完就去左睇海洋劇場, 呢條好曳曳, 餵一條魚會吐番出黎, 餵完又吐餵完又吐~
當訓練員示意一堆魚俾佢的時候, 就拍晒尾好開心咁! 一堆餵埋去就唔吐出黎喇! 哈~

雖然香港都有海豚頂波表演, 最出乎意料之外就係跳起轉身用尾拍個波, 呢個難度高好多!!

同樣香港都有親親海豚, 不過呢度有誠意得多, 因為真係可以同條海豚好近!

睇完行去海龜館, 經過工程進行中既地盆...連工程牌都係用shi-sa, 佩服佩服!

海龜館

好多好大隻既海龜......加加埋埋可能成千歲都有!

之後諗住去海牛館, 途中見到有條樓梯落個淺灘, 嘩~~好靚呀! 海天一色!

真係feel到自己同個海 & 大自然好近...仲有好多小朋友同父母玩緊~d父母都係後生!
但好鼓勵小朋友去試下踩水等等, 雖然自己係香港人, 但好野真係要學下人, 港童太受保護了!
當然呢度既小朋友比香港幸福, 因為沖繩好識保育天然資源, 令到小朋友擁有咁幸福既海!

海牛館~~海牛! 又名美人魚....呢個靚女訓緊覺...我覺得佢拜神多d~但真係郁都唔郁!

另一個靚女...由入黎開始, 一路係咁自轉自轉自轉...佢唔暈我都暈~~

最後一站果園!! 不過好老實, 這個時間已經覺得累累地...已經無乜mood睇!

木瓜是也...

cute decoration

睇地圖好似好大, 其實好快可以行晒!

唔知點解水果園會有雀睇...我麻麻地, 無乜興趣~唔該行快少少..
不過響果園既手信區買到樣正野! 而且唔關生果事, 詳情睇手信篇吧!

回程了!! 好靚既日落...慢慢睡著了!

日本人真係好準時, 話7點返到那霸就真係7點, 不過因為買左一大袋手信~
要上番酒店放底兼抖抖先再出去, 已經都7點半了! 本來想去公設市場食海鮮...
不過人地收8點...就轉轉schedule, 去番尋日因為班機delay而去唔到既RYUBO!

RYUBO 基本上係日式既百貨公司, 就如SOGO, 三越等等~我地行去只需3-5分鐘!
1/F主要都係化妝品既counter, 亦我地黎既主要目的係去地牢既supermarket~
主要想睇睇d生果, 刺身, 零食同飲品, website: http://ryubo.jp/

wow!! supermarket d牛都咁雪花...當然仲行左好多仲買埋我地既晚餐添! 有待揭曉!

因為未肚餓同埋要把握時間, 就返酒店放一放底袋野, 今晚要切切底底行國際通!
話晒響沖繩, 少不了夏日feel 既 beach bag! 我都覺得好靚呀...不過都唔平呢~

呢間野唔知點解會忍唔住影張相....哈~仲見到個bb想成隻狗狗拎走!

因為沖繩靠海, 少不了製海塩既工場, 有工場就緊係有門市!
旅遊書多數介紹平和通入面果間, 其實國際通都有一間呢~

wa...好整齊, 好清淅, 全部都可以試...不過唔洗勺太多...同埋索/吸果陣小心"續"親~
雖然係有好多唔同既味道, 一入口的確有該種塩既主味道...當然最後都係得個咸字...

少不了用雪糕試試配唔同既塩既效果...初初覺得...雪糕+咸味...um~咁咪好怪???
響門口買左杯細雪糕250yen, 入番舖入面試試...好彩無乜人...應該係冇人~
我地用一杯小小既雪糕...試晒8個味道!! 打頭陣有抹茶塩, 柚子塩同紅芋塩! 靚唔靚呢?

抹茶塩 - 一入口有好濃既抹茶咪, 就好似抹茶粉, 不過咸味一出就蓋過晒!
柚子塩 - 真係有淡淡既柚子味, 不過同個咸味唔太夾
紅芋塩 - 最好味!!!!!!!! 唔會俾d咸味搶左個紅芋味~
青檸塩 - 同普通塩無分別...亳無青檸味!
辣塩 - 辣辣地好得意...不過又咸又辣咁...唔太慣...
花塩 - 好怪...花香得黎又咸...即係你會唔會飲咸既花茶????
胡椒塩 - 其實唔錯, 但配雪糕有d唔夾, 應該用黎煮送調味就一流!
唔好意思....仲有款唔記得係乜.....

因為塩係有礦物成份, 所以都好多skincare既野, 買得走又可以即日試就係浴塩!
呢個係我既推介, 又平又好用, 只係210yen, 有青檸咪同薰衣草味, 我地試左薰衣草!
加埋熱水, 浸完真係有鬆弛既感覺, 加上今日行左咁多路, 浸完對腳係feel 到鬆番呢!!

之後去左行酒舖...國際通都有好多間, 入左間叫古酒家~賞心閱目!!

呢d酒舖除左有好多唔同既酒, 都有好多醬料, 同埋手信架!

七彩繽紛, 好靚呢!

有d平平地細細支! 都係幾十蚊, 想試少少就岩晒!!

呢罐菠蘿啤好好味!! 唔好飲酒既我都覺得好好味~

沖繩玻璃都好出名, 所以都好多呢d set 係沖繩玻璃 + 古酒 (日本燒酒/清酒)
不過真係要格下價, 響御菓子御殿睇2990yen, 古酒家2850yen, 一樣的!
我買左一套俾阿衰, 其實個盒已經寫左不可翻側, 但因為over 100ml 迫住要寄倉,
最後都沁左少少出黎, 話晒松木塞都唔係完全封死, 好彩我包既時候用左2個膠袋+毛巾!
 

好得意既酒樽!

由街頭行到街尾去到牧志駅, 見到稍為大d既商場!

行到街尾就見到呢間平民化既supermarket, 當然要行個圈啦!
總覺得行supermarket / 街市係最易感受到當地既日常生活同文化!

同韓國樂天一樣都係採用電子價格牌...好心香港都跟下, for long term 真係印少好多紙!

最後買多2個杯麵就閃人, 因為太累第1次響日本地方搭的士, 而沖繩的士亦都係全日本最平!
不過響香港黎計就緊係貴...起標490yen, $49蚊! 距離係2個站, 到酒店門口 770 yen!!
其實短距離坐都抵架...因為由牧志駅搭番去縣廳前都2個人要460yen, 多少少舒服得多! 

登登登登! 是日晚餐~~4款刺身+巨峰提子+杯麵都唔洗300蚊!
supermarket 2隻雞亦都要40蚊! 三文魚都只係30蚊~帶子50蚊!
成板咁多既海膽都只係100蚊, 當然無堂食咁好, 但都好鮮甜, 好過香港食!

今日充實得很, 仲曬黑左少少, 靚女們記得做足防曬措施! 第2日完...