矮果邊就係Casino 同 Expo (Convention Hall) ,我地去Casino 果邊先~
新加坡要21歲先可以入賭場, 阿妹唔入得, 我, 媽咪同妹就行下個商場~又係有條運河, 風水野?
好多名店...
行出去...wa!! 超正, 睇晒新加坡夜景, 個感覺就好似尖咀海旁望出維港咁!!
可以坐響一級級木樓梯休息下...今晚都涼涼地好舒服...我係超級享往咁樣坐響呢d地方!
靜靜地...望下景諗下野, 我亦知道香港其實都有得咁坐...不過多數唔洗15分鐘就俾蚊針~
我響度坐左個幾兩個鐘...完全無蚊...新加坡被譽為最清潔城市係實至名歸, 香港要學下!
攤響度真係好舒服...夜嗎嗎都可以睇到棉花雲...夫復何求!!
本來諗住等埋老豆就去好出名既skypark...點知...
突然間...有好大聲又好好聽既音樂!! wa...發生乜野事?? 然後前面就有水幕同射燈!
之前做research只知道金沙最出名係skypark, 無search到其他entertainment~
真係意想不到, 哈哈! 之後上網睇番原來叫Wonder Full, 就好似澳門永利既吉祥樹咁~
係regular 既show, free of charges! 歷時15 mins! 我地就係睇到11點果場...
好老實...我自己覺得好值得睇, 我覺得仲好睇過要俾錢既 SONG OF THE SEA! 推介~
Sunday to Thursday: 8pm, and 9.30pm
Friday and Saturday: 8pm, 9.30pm and 11pm
http://www.marinabaysands.com/Singapore-Entertainment/Activities/WonderFull/
睇完已經11:15 PM...大家都好滿足, 但又好累...所以決定唔去skypark了~~
提一提, 如果唔係住金沙, 上去skypark 要S$20@, 而泳池一定要住客先可以享用!
做research果陣都大概知道係點...睇住相頂住癮先, 下次我要黎住, 慳番S$20兼遊水!
返到酒店...係時候要執行李喇~~post 番d酒店相先!! lift 口~
電視係 sharp...老實講, 唔算好多台睇~
總括黎講, 我都好滿意呢間酒店, LIFT有個位係要你插房咭入去, 先再可以按你住既樓層~
相對地安全, 仲係就係乾淨啦, 好方便, 又夠近MRT, 又有大型商場響隔離~
同場加映~~嘩哈哈!! 濃郁的D24~~(我好肯定我睇緊既好朋友一定話"又食屎!!"XD)
D時間好似過得好快咁...聽日就走lu >_<
多謝你詳細的遊記, 我下星期一出發喇!!!
回覆刪除希望天氣好啦, 我想擔心係唔識路, 知道景點及想去我地方, 但就唔知個位置, 希望唔駛次次都靠德士啦!
[版主回覆06/30/2011 16:58:00]hihi, 多謝你既留言呀, 希望幫到你啦! 其實仲有第4日...仲寫緊...進度緩慢>_<! 天氣方面, 你係咪因為睇到天文台寫零散雷暴所以擔心呀? 唔好俾佢呃左呀, 我之前睇天氣, 見到成個6月都係零散雷暴, 但當日天氣顯示又會係陽光普照...我問過馬來西亞個客人, 佢話果邊經常都有過雲雨, 所以就會咁寫, 所以都要寫定遮, 唔落雨都可以遮太陽, 因為曬果陣真係好曬架! 景點位置方面, 出名既地方其實都好多指示牌既, 如果真係搵唔到, 可以問人丫, 新加坡d人都好nice, 我問親都會答你架! 當然德士都真係好方便, 不過要留意繁忙時段會有額外附加費喔! hv a nice trip!!
HELLO, 想問下wonder full 是在邊個位置睇? 是在marina bay sands 那一個位? 有沒有指示牌? thanks!
回覆刪除[版主回覆07/02/2011 10:33:00]入左賭場or商場果邊, 就會見到第3張相果度, 你咪見到一格格窗既, 向住果度行出去就係架喇!!
Wonder full是咪响金沙附近有得睇，由carlton行去或是坐車，近邊度？請教路
回覆刪除[版主回覆05/04/2012 00:32:52]wonder full 唔係金沙附近，直情係金沙入面，金沙分兩幢主building, 一幢就係最出名有skypark果幢，另一幢就係賭場，wonder full 係響賭場果邊，地下行入去有好多名店，行過曬名店就有門出去，有個海旁咁睇到夜景，wonder full都係響同一個位上演。
Carlton 行唔到過去，一定搭車，不過最近金沙既地鐵站去金沙都有段距離，同埋金沙係長長地型，一頭一尾都幾係野，我提議的士或巴士，詳細可以睇睇 http://www.marinabaysands.com/Company-Information/Directions-to-Marina-Bay-Sands/
如果睇八點或九點半我唸會好多人，之後是否要坐的士回酒店？
回覆刪除P.s我都book咗carlton
[版主回覆05/04/2012 22:43:08]我果時睇完有free shuttle bus出番cityhall架，我果時都諗住搭的士，條人龍超長，之後聽到指揮交通既工作人員話有shuttle出市區，我問佢去邊，佢答我會經cityhall,叫我等一等就有旅遊巴黎左喇！