本來都諗住試下酒店個早餐, 但時間關係最後都係放棄左, 因為我要去食亞坤!
媽咪都有食酒店早餐, 中西式都有, 都唔錯, 只係座位少左d wo...
原本係想食牛車水果間亞坤...不過果間無冷氣同都出站都要行段路~
但知道亞坤響新加坡有好多分店, 之前果晚search到原來就近raffles city有分店!
響地庫B1/F, 好方便, website: http://www.yakun.com/
呢位就係亞坤喇!! =)
睇下食乜先, 好似快餐店咁買完等拎, 叫左3個sets, 每個set有多士, 蛋同野飲!
2個sets叫左咖央多士, 1個sets叫左花生醬咖央多士, 其實都仲有好多款,
好似芝士咖央多, 法式多士, butter sugar toast 等等, 不過試唔洗咁多呢~
半熟蛋上先~我睇書話新加坡既食法係加豉油, 然後攪均d蛋, 再一啖啖咁飲/食~
試左一碗呢個食法...不過唔慣...剩番兩個都係就咁食, 不過d蛋都幾大隻, 幾濃~
之後就係主角咖央多士, 一份有4塊, d包包薄, 好乾身好脆架!
原來入面除左咖央醬仲有牛油, 甜甜地, 好好味!! i'm loving it!!
而花生醬咖央多士就重味d, d咖央味俾花生醬味蓋左d, 不過花生醬都好濃!
叫左ice milk tea 同熱咖啡, 都好味, 杯咖啡好深色, 媽咪初初仲以為係齋啡, 但飲落又唔係!
買埋咖央醬就閃人, 見到隔離舖個甜品櫃好靚呀!!
間CD舖都幾齊全咁WO!
之後就向牛車水出發!
出A出口!!
好似位阿叔岩岩寫完咁....HAHAHA!
一上電梯就見到好多舊式又彩色既屋, 好靚呀!
大街! 我想講...如果大家要買鎖匙扣等等既例牌手信, 一定要黎牛車水買...
之前響第2度買到一樣...買貴左...覺得蠢左!!!! 大家唔好好似我地咁柒~~
呢度係印度建築!
呢條街真係似足五六十年代既香港, 個FEEL超正!!
之後呢度竟然有得畫HENNA, HENNA係印度藝術, 用天然成份既"顏料"既彩繪~
好似出嫁既印度人就會畫到成手都係, 代表意頭好! 之前以為小印度先有~
好想去畫, 但又唔想為左畫而去小印度, 好開心見到呢度有呀! 嘩哈哈~
佢有幾本野俾你揀, 但係有好多都好誇張同都唔平, 岩岩見到有個女仔畫完!
但係又唔見個女仔有揀wo, 一問之下, 佢話佢自己既own design S$5~即俾!
我好想畫...不過第2日返香港就要見客...好似唔係咁好咁...所以..放棄了! 呢個係阿妹~
唔洗5分鐘, 完成!!!!! 可以KEEP 兩星期~~1個鐘後就可以洗左d啡色佢!
諗諗下...一場黎到無理由唔畫既, 唔畫手可以畫腳!!!! 叫左佢畫個簡單d~~
又係5 mins 唔洗, 好勁!! 靚靚^^
其實我都係第1次去其他國家既唐人街架咋!
之後就去買手信! 最出名係林志源同美真香...一d都唔平囉! 最後買左第2間, 詳細可以睇手信篇!
媽咪同老豆仲買左一堆藥膏, 藥油...仲同個阿姐好好傾...價錢都合理!
買完就返酒店拎埋行李去機場喇!! 唔係繁忙時間, 個o急又重, 緊係搭德士!
酒店個bell boy話Less than S$25, 最後只係S$14.5, 20分鐘就到!我地覺得係超值~
同場加映!! 洗完之後就變左橙啡色~~
都過左兩星期, 宜家都未甩~^_^...睇過上網買都好平, 買番黎玩下先!!
你好, 我想問HENNA是否在china town? 難唔難揾? 謝謝.
回覆刪除[版主回覆07/07/2011 09:57:00]yes, 你出A出口, 好似叫寶塔街, 一上去向前行係一大直路, 兩邊有好多手信店, 差不多行到街尾既左手邊就會見到, 個舖面唔係好大, 不過佢放左一本本既henna reference圖, 所以都算容易見到的, 認住有個印度女人~~ S$5畫手, S$8畫腳 < 係佢即席畫佢自己own design 既價, 如果揀佢一本本既reference圖就已經寫晒價錢! 我估小印度little india 果邊應該平d, 不過唔過開去就可以響度畫啦 =)
你指亞坤響原來就近raffles city有分店!響地庫B1/F, 即carlton行出去的商場？
回覆刪除[版主回覆05/04/2012 00:38:05]正確！！就係你行去cityhall MRT 都會經過既raffles city 商場，地庫除左有亞坤，都仲有唔少野食架！不過早既話多數都係食亞坤，話曬都係當地人既地道早餐。