Day 3A (6/18) Carrefour + Duck Tour

一起身已經午飯時段, 去酒店後兩條街既老字號食海南雞飯, 呢d樓好靚好有古樸風味!

門口...

呢度鍾意將d雞雞一隻隻疊起, 香港就會吊起~

有醬油, 豉油, 薑蓉同酸辣汁。

叫左半隻雞, 一碟新加坡式燒肉, 3個飯, 湯係送既!

初初以為黎錯左一隻雞...半隻都好似好多~

新加坡式燒肉, 瘦d, 味道似炭燒豬頸肉, 都幾得意~

響度飲到既湯都好清但係又夠味, 呢度就莞茜味重d, 我本身唔食莞茜都接受到!

拉茶味奶茶, 自家制青檸汁~埋單三十幾蚊坡紙~~
另外見到呢度有得打邊爐, d料就係一碟仔一碟仔咁...
新加坡人午飯都會打邊爐, 佢地會唔會覺得熱左d???

又經過Raffles Hotel，原來都好大間．．．仲有好多名店架such as LV, Rolex, Cartier~ 

增值！！！放張咭響上面中間突出黎果個位，就會sense到仲有幾多balance~
少過S$3 就要你增值先可以繼續用，放完張EZ LINK, 左手邊個mon就會出個餘額,
之後按add value, 再揀增幾多, 不過最少要增S$10, 同時我地退埋第1日既單程飛~

本身係plan左去烏節路行街街, 不過尋日去唔到supermarket, 但又想去wo~
好彩之前search左附近有家樂福, 響多美歌的Plaza Singapura有Carrefour!!

出站近住d 牌出, 好易就見到!

Carrefour有兩層, 地下果層就係supermarket!
Carrefour Singapore Website: http://www.carrefour.com.sg/

哈哈~今次主要係想買沖劑咖啡, 因為媽咪好鍾意馬來西亞既咖啡, 新加坡一定會有~
個牌子叫super, 以前香港有, 宜家冇左~所以要入貨, 價錢同香港差唔多~S$4.94廿包!
唔飲咖啡既我買左拉茶沖劑~S$3.71廿包, 都幾好味丫! P.S. 拉茶叫Teh Tarik..
之後見到椰青型既椰子水, 好似幾好味咁, 清左人地個貨架買左11個返去做手信~S$2@~

呢度有個price checker, 阿妹覺得好得意....乜都拎去嘟下~

呢度....有鱷魚肉買 =,=

呢度興咁樣雪住d花, 不過d花球都幾靚架!!

好方便既cake holder!!!! 好似我地呢d咁忙既都市人, 放工要慶祝生日, 一拎走得!!

另一樣必買手信, 不同味道既益力多! 有提子味, 青蘋果味, 橙味,
第2隻brand 有桃味~好唔好味就見仁見智, 哈哈~比香港貴, S$2.85@

本來去烏節路想TRY一間用榴槤做既甜點, 不過去唔到就買番盒D24補番!S$8@~都好多下架!

媽咪話呢度D米粉好幼好食, 買左D返去試下, 哈哈!
仲有掃左一打日清杯麵, 當然係新加坡先有既味道啦~
有冬陰海鮮味, 叻沙味, 辣蟹味! 都係比香港貴~S$1.50@

喪掃後, 埋單 S$117.60...7大袋野~~SEE! 當然係搭的士返去, 原來好近架咋~
行後路既話, 我諗15MINS就可以行番酒店, 不過咁熱同拎住咁多野...都係搭的士吧!
原來新加坡係無膠袋稅! 仲有新加坡都好多人會搭的士, 的士站都好多人, 經常都要等~

之後就去就近既SUNTEC CITY~

之前上網買左DUCK TOUR + FLYER PACKAGE S$49@~
website: http://www.ducktours.com.sg/
入到去click TOUR, 就會有唔同組合既package俾你揀!
而DUCK TOUR 就係響suntec city商場入面集合! 呢度係counter!

拎張E-receipt去換飛, 上網既時候已經book埋下午5點鐘既DUCK DUCK,
我prefer真係要上網book, 因為每隻鴨仔只有31個位架咋, 即日去多數都sold out!
原來同一時間有3班鴨仔團呢! 分3行排隊, 分別係17:00, 17:01, 17:02...

而呢張就係 Singapore Flyer 既換領券~ 去到flyer 樓下商場先換真正既飛!

4:50pm 先集合, 原來呢度都有food republic, 仲整到成個圖書館咁, 都幾得意!

我地會響就近既出口上鴨仔, 望出去見到鴨仔既朋友 Hippo, 係觀光巴士!

呢架就係我地既鴨仔喇, 真係名副其實既鴨仔團! 其實鴨仔係以前水陸兩用既軍事車/船~

鴨仔 pat pat

好準時就開車喇, 會有個導賞員, 不過都介紹得好快...但有個唔好處, 鴨仔個引擎好嘈!!!
行行下...嘩...咁多坦克既??? 唔通經過軍事基地?? 但係又唔似wo...第1次咁近睇坦克咋~

落水喇!!!

成功!

er....軍方船????

起緊既新地標

原來我地隻鴨仔叫Darlene!

經過入金沙既 "DNA" 橋底~

HI AGAIN, MERLION!

水上的士, HAHA!

歌劇院

第2隻鴨仔 =)

一陣會去既 Singapore Flyer~

20 MINS 左右就上番岸....wa...又有咁多軍人+ POLICE???

|

然後就到陸上既景點, 呢個應該係D乜乜紀念碑!

好舊好舊既英式建築, 正在優化中!

好靚好靚既教堂!!!

要返去luuuu~!!

話咁快就1個鐘...um, DUCK TOURS 俾我想像中差...主要係因為嘈同埋都幾搖...
不過試過就算LA...之後問問counter d 人點去 Flyer 比較好, 其實可以搭HIPPO巴士架~
但我地個時間已經無左, 早D就可以搭~~show番張飛就唔洗錢架喇~上網有寫的!
我知道其實好近, 我問佢搭的士好d定 MRT 好d? 佢話 MRT 會好d, 的士無咁方便wo!
ok, 搭一個站去Flyer...MRT Esplandade >>> Promenarde, 向 Flyer 出發!!!!!