Day 2C (6/17) Song of the Sea + Vivo City

到達尾站Beach station, 一出站向右手邊行~

就會見到iFly, 一出黎呢個廣場感覺有d似太平山山頂呢!

行前少少就會見到Song of the Sea 既牌, 其實差不多時間大家都係朝住同一方向行~

呢度分好幾個gate, 我地已經要去到第5個gate, 即係唔同既看台~
基本上係將個beach變為看台, 都好多位, 入到去已經有8成人滿!!
即刻諗...咁多人...一陣走咪大大獲...不過都係睇完先算, 無辦法~
剛好係日落既時候...唔知係咪新加坡近赤道, 天色多變d~好靚呀...

開始喇!! 有班細路出左黎揭開序幕~~

個故事簡單黎講係用歌聲去喚醒公主, 老實講...我自己覺得故事麻麻地..係d效果OK!!!

水幕

激光

噴泉效果

呢個就係公主...

不同水造的效果的確賞心悅目!

仲放埋煙花!

SONG OF THE SEA 歷時半小時, 睇完本來想去番USS睇煙花,
不過當時我已經唔係好舒服...又怕太夜無野食, 就出番VIVO CITY食飯!

新加坡食海鮮既地方有好幾間都出名, 如新海山等等...
不過為左配合路線就揀左響VIVO都有分店既"無招牌",
只係因為就腳咁簡單! 響food republic 隔離~
website: http://nosignboardseafood.com/

聽聞其他商場既分店係比總店貴d...不過都應該既, 商場分店會有冷氣, 因為總店冇的!

條柱條龍好有氣勢!

但有會有少少西化既靚靚吊燈!

呢個moment我已經開始嘔...暈暈地, 其實就應該散叫會抵d...最後家人決定叫set, 唔洗煩!

先黎無招牌拼盤

蟹王魚翅

主打招牌菜 - 白胡椒蟹, 足2大隻斯里蘭卡肉蟹, 比平時香港既肉蟹仲大隻!

好彩有打包俾我...半夜起身好番d...先有幸食到我最鍾意既蟹...慢慢辣出黎~過引!

另一招牌菜 - 麥片蝦, 甜的!

屋企人話好普通既干燒伊麵...麻麻地!

龍眼杏仁豆腐, 有冰架...佢地話呢度d 龍眼實d 甜d , 媽媽話呢個好味!

本來食完野諗住去Vivo City 既 supermarket 買d 地道野做手信~
都係因為唔舒服無去, 同埋收10pm...我地食完都已經收左lu! 希望下次去到啦!
Giant Hypermarket Singapore
Website: http://www.gianthypermarket.com.sg/index.asp

um, 總括黎講...之前既計劃係正確的...的確要響sentosa住番晚先玩得晒~
因為今次唔夠時間睇USS煙花同去唔到大既魚尾獅塔...雖然細個果陣去過...!
Sentosa 就好似佢個名個意思, 寧靜的! 真係好RELAX, 下次一定要住番晚!!

至於USS, 雖然係細, 但係係值得去, 最like Madagascar 同 water world.
亦好欣賞不同主題既建築, 而且有好細微位都好細心, 而紀念品比想像中平!
最後係song of the sea...真係故事性差少少...比想像中差d~有少少失望~

不過...呢一日最失敗既係自己...無鬼用, 又要屋企人擔心...sorry >_<"

同場加映...我既消夜~^_^