:::2011新加坡4天熱辣辣之旅::: 手信篇!!!

響USS...我老豆反而買得最多手信!!! 響佢堆手信當中覺得呢個最得意~
我初初拎起睇仲以為係schedule book, 原來係Color Pencil set,  wahaha!

阿妹買左件衫 "非禮勿視/聽..."既merlion, 好得意~S$16@!!
牛車水都有類似sell singapore既tee, 仲平d, 不過d款就無咁靚~

Card holder, 響Singapore Flyer手信店買...牛車水都有囉, 仲要平d! 但就好似無咁靚既!!

好靚既Singapore Flyer postcard, S$1@

一堆手信鎖匙扣, 記得記得響牛車水買!!! 我地響D商場成S$5個, 呢幾個就係響商場買...

呢d就係牛車水買, 下面靚d果排只係S$10 6個!!! 上面普通d款既款仲平, S$2 6個!!!

都係買自牛車水, S$10 3個!! 總之要買呢類行行地既手信就去牛車水啦, 平好多!!

食物飲品篇~

購自Carrefour!! 左起 >>> 香港愈黎愈少既蝦脆, 海南雞飯方便裝, 蜜桃茶,
多味益力多(橙, 青蘋果, 提子味), 另1隻牌子有花香味, 仲有包裝特別既椰青汁

新加坡專有既日清合味道, 辣蟹味, 冬蔭功海鮮味, 叻沙! 我終於食晒3個味喇~~
。辣蟹味 - 辣+甜味, 我覺得唔洗落晒包辣醬, 會蓋埋d本身個味
。冬蔭功海鮮 - 好辣, 但好味, 同平時冬蔭功好似!!
。叻沙味 - 都好味, 不過當然無真正既咁濃
p.s. 新加坡既合味道係用膠杯, 同埋d麵係少過香港

米粉 - 就係幼身啦!!!

其實馬來西亞既咖啡好出名, 以前香港曾經出過隻咖啡叫super, 媽咪好鍾意的~
但近幾年響香港消聲匿跡, 搵都搵唔到, 但呢度就有喇! 哈哈~平均S$4-5一包!
左起係白咖啡, 新加坡拉茶(我既^^), 3in1咖啡, 媽咪話終於搵番以前既味道喇~

響美珍香買既沙嗲脆脆魷魚圈, 十幾蚊坡紙十包....好熱氣! 但又好好食, 食完要喪飲水!

好好味既亞坤咖央醬~大樽裝290g剛好做緊promotion, 原價S$4.80, 特價S$4.00@
SET/2 細樽裝 80g@- S$6.00/set, 不過有個盒送俾人就好睇d or 可以分拆送俾人~

我地覺得美珍香同林志源既肉乾都唔化算, 十幾廿蚊坡紙得唔係好多, 所以淨係買d脆脆&肉鬆~
林志源隔離有間叫<香味>, 荀野大發現!! 好得意既豬仔形獨立包裝肉乾! 個個都讚好呀!!!
一包有16塊左右, S$24 3包!! 抵呀, 仲見到有心心型, 不過豬仔型真係好得意, 味道都ok架~

最後就係響機場買唔到一整個斑蘭蛋糕...只買到混裝款2盒, 兩款都唔錯~當然斑蘭係特別d啦!!
但只可以keep到2日, 買左要盡快食! 上機見到有人拎住6盒囉...(T_T) 唔怪得我買唔到啦!!