Day 4A (9/6) 東大門回顧 + 再戰明洞

話咁快黎到最後一日...雖然唔係好捨得, 但係留多一次就真係對個銀包唔住, 哈哈~
但有樣野一定要做番, 就係響酒店食早餐...其實酒店係包早餐的...時間係7-9:30am..
對於爛訓既我黎講實在太早...食早餐既地方其實只係距離我地間房30步~日日都經過..
室外有個露台..次次行過都好想出去影下相...可惜出去同返黎既時候都係閂左門的~
但係食早餐就可以出去喇, 哈~我係食個景..呵!!在朋友協助下最終都爬起身了..8:30am..

::室內::

::室外::

我要食既景, 哈哈~~

無化妝...=,=..不過對住呢個景真係幾好呀, 好relax, 加上又涼涼地...好舒服呢~

早餐都係buffet形式, 正正常常啦...個bacon最好味呀!! 仲有任拎既yogurt都好味~

本來想去行下, 不過銀根短缺..食完返去再訓多陣..12nn check out..
行李放響酒店, 就去明洞完成我地最後既planning喇~~
去明洞之前再行行我地住既東大門, 可能住呢度返而無乜影相~

樓下d韓國人日日玩到好high既 disco jump...

唔知點解會有支火箭, 同埋晚晚都好多人響度齋坐既地方...
唔係淨係東大門, 周圍都好多人鍾意坐響條街傾計, 應該係文化~

日日去東大門運動場站都經過既餃子店...硬係覺得咁樣放出黎唔係咁衛生..

仲有度度都有既炒年糕..都諗過試...不過望入去..唔見有餐牌..只貼了韓文..

掃得最多貨既hello apm~

洗左幾十萬既skinfood...不過無得退稅, 如果唔係都幾和味~
呢度夜晚有個女仔係中國人~~好方便...亦係呢個原因會買多左~哈!

酒店可以行去東大門站同東大門運動場站, 東大門係1,4號線, 運動場站就係2,4,5線~
視乎去邊個目的地啦..大多數都係去東大門運動場站, 3條線好似方便一點~~
站入面指示清晰, 好多出口...睇清楚先出.. 

好多站入有呢d鞋舖...仲有賣衫...好似多到一定要你洗錢咁~哈哈!

亦都會有唔同牌子既化妝品店, 去過咁多個站, 最多既係THE FACE SHOP~

::T-MONEY & ME::

站內既地圖都好清楚~有英文..有D有埋中文~

入站後都仲有好多SHOP...全部都係賣女人野...鞋, 飾物, 衫等等~不過款式麻麻~

千叮萬囑!!!黎首爾自由行一定要擁有無比既腳骨力!!!以下係搭地鐵需知!!
左邊係出口既樓梯, 右邊係落去搭鐵既樓梯~首先出口係全部都係樓梯, 都唔短架~

入站後係會有電梯, 不過!! 可能成個站只有一條上一條落, 當然大站就會好d...
但入到去可能未迫近自己既時候...都要迫住行樓梯...盡量落唔好上..真係好累..
我地都有個疑問...點解掘地掘咁深=,=...有幾次行到想講粗口仲會問 "邊個發明樓梯?!!"

入站, 嘟T-MONEY, 同香港嘟八達通一樣! 唔同既係入既時候就會收錢~
因為就算搭1個站最少收W900, 所以一入就會扣左W900先,
如果去得遠, 車費超過W900, 就會出站先再扣balance~

月台screen~

該線既鐵路圖...箭咀既係有得轉線既站...要注意, 轉線之間既路程有長有短...
睇書話雖然全部線都打通, 唔洗出站入站轉車, 不過其實係兩間公司經營...
同一個站轉線未必近架, 都要行幾長既路...我地第1日響鐘路3街站就行到好累~
除非一定要轉線, 非必要唔轉線為妙~~

去到明洞最主要係睇下有冇咩漏買同食人參雞, 條路終於整番好少少...

日光日白既明洞感覺不同~

韓國既化妝品店都反傳統, 好多都係用男明星做代言人, 比女還要多~

黎到韓國點可以唔食人參雞~我以前黎果陣都食過, 唔鍾意人參既我都接受到~
而朋友係第1次黎, 更加要試下..去左書介紹既營養中心, 味道出名比較清~更岩我!
黎到...冇左既?? 原來搬左, 好彩有咁大個指示牌同地圖~~

搵到喇~向前行一百米~搬左去海苔天國對面, 入去!!

::店內::

::MENU::有韓文, 英文, 日文及中文, 非常清楚!!

營養中心除左出名人蔘雞, 仲有烤雞都好出名~有大, 中, BB之分~
見到隔離檯果D好大隻, 怕食唔晒, 最後叫左人蔘雞同烤BB雞~

好快就有得食~~兩個都好味呀! 一剛一柔~ 果然人蔘味的確唔算大,
如果好似我咁麻麻地人蔘, 但又想試, 食果陣可以點D淮鹽食, 會好D~

足料!! 有人蔘仔, 糯米等...個湯都好清好好味~烤BB雞都好好味, 唔油膩, 好香口~

俾你掉雞骨的筒~~

好滿足~~之後就食32CM雪糕, 去營養中心會路經的~
要排隊, 個負責人係咁叫我"派對"...哈哈~GET唔到...
有9個味道, 我揀左綠茶, 朋友揀左YOGURT, 唔算甜幾好味~
但係支雪糕俾我想像中短, 哈哈! 原來有入面可以坐的~~

最後一站 - o'sulloc tea house...話說我係綠茶/抹綠怪, 見我去宇治果陣發晒顛就知...
呢個tea house係專推茶的甜品等等, 主打係綠茶, 當然仲有其他花茶~

入到去到等一陣...店內~

有個corner位睇下d茶及茶具介紹~

仲有得買番去, 不過都貴...但有d好特別, 如朱古力茶, d茶葉真係有朱古力味架~

::MENU:: 韓文,英文..d相好精緻~同實物一樣的!!

兩個窮鬼用剩W10000, 岩岩好...W5000一個~
左邊係GreenTea Tiramisu , 右邊係 Mini Jasmine~

其實兩個都好味~~~當然GreenTea Tiramisu 好味d!!

甜品櫃, 大既 GreenTea Tiramisu >v< 正呀!! 

走lu~~又係小食檔, 真係一街都係!

時間差不多就去機場喇, 行番去黎果陣落車既對面搭...d行李重左好多...要行下停下,好累...

::巴士站::

請到PART 2...附有退稅資料及有韓服著既traditional zone的介紹~