到了這一次，還在擔心能不能去言語不通既地方自由行．．睇過團既行程後，麻麻地．．
好多地方都不太想去，明洞只給我幾個鐘行．．點血併？哈～最後都是決定自由行！
比起日本，做既功課要更多！本來through東瀛遊買package，不過因為跟團隊機位，
等極都未成行，最後through韓國旅行社book，service都唔錯~本來想住Western Coop，
不過full了，介紹左Eastgate Tower Hotel，今年先開既新酒店，好快就confirm好晒所有野!
今次目的是血併～哈哈！所以緊係同朋友去，媽咪話我地兩個都幾夠薑．．哈，我都覺～
同樣地今次都是搭凌晨機，搭韓亞OZ724，00:30起飛，飛3個半鐘，架機唔多人，可以分開訓，
1人2個位．．隔離台灣妹，1個人攤左4個位．．哈哈～不過飛機餐真係麻麻地．．無乜味～
首爾快香港1個鐘，好準時5am到達仁川機場！5點半有第一班巴士，要快快快~
要響半個鐘內過關，拎行李，唱錢，同去到巴士站，一切都好順利～
我們搭6002往東大門～所以要出機埸5B OR 12，一出就會見到好多巴士站去不同的地方，
之前記得到以下website print定個路線圖～仁川機場巴士資料： http://www.airport.kr/airport/traffic/bus/busList.iia?flag=C
UPDATED JULY 2011 - 有網友告知多左6001 線叫Dongdaemun Fashion Town,
再search過直情途經 Eastgate Tower Hotel, 連個站名都係酒店名, 非常好!
睇地圖近d又方便d, 正呀! 而6001總站係去明洞, 以下是 6001 及 6002 既路線圖~
6001-http://www.airport.kr/airport/traffic/bus/busView.iia?seq=683&flag=C
6002-http://www.airport.kr/airport/traffic/bus/busView.iia?seq=127&flag=C
5:30am巴士好準時就到，我地出12出口已經係第2個站，車上面都幾多人，好擔心無位坐，
最後有位但要同朋友分開坐，9000won，1個鐘多d就到，prefer坐左邊窗，容易睇站～日出～
在鐘路6街(東大門綜合市場)/ 종로6가(동대문시장)/ Jongno 6(yuk)-ga(Dongdaemun Market) 落車，搵下路行到去酒店都未夠7點，Eastgate Tower Hotel 位於東大門購物中心CERESTAR 的18,19,20樓。酒店不是在CERESTAR 正門入，而是在CERESTAR的左邊，
有LIFT直上18,19,20樓的，12點先夠鐘check in，放底行李就出發！！
Eastgate Tower Hotel Offical Website: http://www.eastgatehotel.kr/
Check availability and Prices
酒店對出~
東大門 LANDMARK - 興仁之門~
行程正式開始!! 首先去便利店買張T-MONEY，即是香港既八達通，作用一樣，方便搭車！
響便利店先增值10,000won，記得地鐵站係冇得買T-MONEY，不過有增值機的～
因為時間尚早，周圍的SHOP都未開門，所以PLAN左去觀光先~
搭車到光化門的清溪川，一出就見到雕塑SPRING，就係呢度喇～
其實清溪川係貫穿好幾個地方，東大門都有，不過最靚一段響光化門～
8點幾見餓，去了7仔食少少野當早餐，亦是首爾的第1餐，好想試既粟米茶同蜜瓜蛋糕，
一開支粟米茶，好香好香，不過飲落去似麥茶．．蜜瓜蛋糕就好好味～～
下一站景福宮，要10點前去到，因為有得睇古代上朝，9點左右去到買TICKET，W3000一個人，
這一刻開始，發覺好多人以為我地係日本人．．不過呢度真係有唔少日本遊客呢～周圍參觀下～
>>> 仁寺洞
Hi~我正計劃自由行到首爾,覺得你個blog好有用,想交流一下...
回覆刪除[版主回覆09/23/2009 11:25:00]hihi~過獎喇!!希望d資料幫到你啦~~ 有問題即管提出~~答到一定答!!
Hi, 我想問吓妳哋個package價錢?
回覆刪除[版主回覆10/24/2009 19:59:00]4日3夜 -2人機票+酒店 : $2,340 + TAX: $500 = $2,840 per person ^^
想請問間酒店離地鐵站遠唔遠? 要行幾耐, 同埋係邊個地鐵站?
回覆刪除[版主回覆10/31/2009 00:35:00]響東大門站同東大門運動場站中間, 行5-7分鐘就到~~
hi 你好呀.
回覆刪除你個blog 既內容好精彩呀, 我都諗住下個月中自由行去首爾呀.
我想問 T-Money card d 按金有冇得 refund 返架? 同埋有冇咩要特別主意, 比如有咩唔好亂做, 有邊度唔可以影相等等.
謝謝.
[版主回覆11/12/2009 23:48:00]HIHI, T-MONEY無得REFUND架, 因為佢無香港八達通咁貴, 無記錯HK$20有找, 所以唔會有按金的~~記得T-MONEY要響便利店買, 地鐵站係無得買架~~但係便利店同地鐵站都可以增值既~~我買果陣仲見到有電話繩款既T-MONEY, 不過就貴D, 所以我PREFER買番普通就可以, 當紀念品或下次用都好丫~ 首爾so far都係自由社會, 都無乜野唔好亂做既...um..女仔出街就一定要化妝, 係禮貌之一. 呢樣算唔算?? 我亦唔見邊度唔可以影相既....總之身在外地, 凡事小心d, 客氣d就無問題, 韓國人都好nice既, 唔洗擔心!
請問幾耐之前要去【韓國旅行社】訂package？我想2月22日出發，驚太遲會full晒，但係太早啲嘢又未confirm到…
回覆刪除[版主回覆12/15/2009 00:34:00]我多數係1個月前book, 2月22日都近新年假, 我係你就預個半月, 即係1月初問...咁應該會好d~~
你個blog好詳盡，資料好有用，沒想到你咁快回覆，surprise
回覆刪除Thank You！
[版主回覆12/15/2009 01:00:00]thank you! 希望幫到你啦!! 唔洗客氣~咁岩check到email睇到你個comments^^!! 多謝你既回應~~
hihi, 我下個星期到韓國啦, 如果去到機場/東大門先唱WON, 係咪用港幣唱都OK??
回覆刪除[版主回覆12/15/2009 10:18:00]機場可以用港幣唱, 東大門既話就比較大既找換店先可以用港幣唱...細型果d大多數都只係接受美金同YEN...明洞都有得唱港幣的~~當然最好響機場唱定啦!!
Hi
回覆刪除Hi ,
回覆刪除Can you tell me the contact# for the 韓國旅行社?
I would like to check the price for my easter holidays, thanks.
[版主回覆03/02/2010 19:13:00]可參考website - http://www.ktstravel.com.hk/ 入面已有聯絡info.~
我想問如果未夠鐘check in hotel...係咪可以將d行李放係酒店存放..之後出去行街都得架?
回覆刪除[版主回覆03/13/2010 01:57:00]當然可以呀! 我多數都會SHOW一SHOW俾佢睇我將HOTEL VOUCHER 証明之後入住呢度, 然後同佢講話行李記存~~正常都會俾張card你 for ref., 之後就開始行程~~~走果日都係, check out之後同去機場之前, 多數都仲有d時間, 都可以記存行李~~然後輕輕鬆鬆最後衝刺!!^^
HiHi~~ 我想問呢... 跟韓國旅行社報自由行係邊搵嫁.? 我就怕 跟團隊機位 出發前一個.WEEK 先 FIRM 到比我呀....>< thx !!!
回覆刪除[版主回覆04/06/2010 22:55:00]都係上網搵, 見到人話佢d tour 都ok, 咁我見到佢個自由行package fit 我要求, 所以就搵佢買喇! 因為我係淡季去, 所以同時我都有問東'型'遊架, 其實大家都係團隊機位, 但係東'型'遊最後就成唔到團, firm唔到我, 韓國旅行社就響約兩星期前confirm到俾我, 所以就搵左佢~~
你好呀,我覺得你既blog寫得好好,十分詳盡!! 我係想係香港去三瀋市,途中有24小時係韓國既轉機時間,想係度玩返晚。 你可唔可以比d建議我,係邊度住酒店好?最好就4,5百蚊就有交易~ 同埋有d咩地方係一定要去玩同食架?我想去睇d靚景同埋買野~~
回覆刪除我到韓國既時間係下午5點,第2日既4點45分再飛去美國~~
今次係我第一次去架,咩都唔識~ 唔該哂你!!
[版主回覆04/29/2010 09:49:00]視乎你鍾意shopping定係觀光喇~~如果我係你, 5點到首爾就會去明洞shopping, 買下衫同化妝品, 因為確在係又平又靚...晚飯響明洞食鐵板燒or人參雞...明洞都有好多唔同既食肆俾你揀, 之後就去不夜天東大門行下~ 住方面就視乎你想慳d定係豪d, 住酒店既話可以揀番我住果間, 因為我真係覺得唔錯, 如果想慳d, 我住果間酒店大廈既12/F(好似係, 總之係十幾樓) 有汗蒸幕 (其實好多地方都有, 唔一定呢間都得, 明洞都好似有), 俾錢入去蒸完係可以俾你留過夜的~~ 第2日就去觀光下, 去下景福宮, 總算去過地標之一嘛, 仲有時間就去樂天市場行個圈, 買下紫菜等等, 只怕你太多野拎去三藩市, 哈哈! 想影傳統式韓服的話可以早少少去機場影都可以! 路線詳情可以睇睇我之後果幾篇, 希望幫到你啦!!
我中意觀光多d~不過沿路有得買野就更好啦=) 而+我行程改左啦,係凌晨5點係韓國落機, 同一日既中午4點45分上機去美國,有成12個hrs既時間...
回覆刪除請問早上有咩地方係會開黎比人參觀同埋食野架?同埋邊度買野會平d呢? 仲有呀,個度咩化妝品牌子好d架?我係香港無太留意韓國牌子既化妝品架...
我返黎既時候都會係韓國留幾日,到時會照住你個行程去!!因為你去哂我本來想去既地方,哈哈哈~~
[版主回覆04/30/2010 10:06:00]咁你第1日就跟我既第1日, 去清溪川同景福宮觀光下先, 因為我都係凌晨5點機到, 清溪川係open area幾早去都得, 之後可以去景福宮, 開9點, 10點有古代上朝儀式睇, 我唔知你參觀幾耐, 仲有時間就去埋仁寺洞, 有個幾得意既商場, 成條街都係買d韓式手信, 銀筷子果d, 我覺得算係平平地既手信~好多檔都差唔多, 可以格下費都得~ 街既兩旁都有唔同既食肆可以揀, 不過就唔好食我食果間"古宮", 因為麻麻地...行下買下應該差唔多去番機場~~記得search定返機場既交通同時間, 仲有韓國係快香港1個鐘! 返黎果幾日先去明洞,東大門,樂天世界果d, 提提你, 如果你去南山首爾塔既話, 記得搭的士上果個纜車站先再搭纜車, 因為明洞站纜車站果段路都幾係野...>< 韓國牌子既護膚品化妝品方面, 我自己就覺得TonyMoly, Etude House, Skinfood, Missha都ok, 就算唔岩用佢d野, 買下accessories都抵...skinfood同missha香港都有, 可以睇定先~韓國既價錢係香港既1/3 or 1/2, 真係平到笑, 買下d mask, 指甲油看下門口都抵~
你個blog真係好正呀! 我都plan緊個行程首爾自由行, 我想問呢 1) 景福宮點樣去光化站的清溪川? 2) 明洞點行可以搵到N首爾塔條電梯? 3) 知唔知1300K 去咖啡王子1號店點行呢?
回覆刪除[版主回覆09/10/2010 10:05:00]1) 地鐵: "景幅宮站"搭3號線到"鐘路三街站"轉5號線到"光化門站", 約15mins! 預一預鐘路三街轉線要行一段路...以下係首爾鐵路圖, 可以click起點站及終點站就知道所需時間及轉車站 http://smrt.co.kr/Train/Subwaymap/ChnB/Subwaymap.jsp 2) 其實由明洞地鐵站行去N首爾塔條電梯都唔近, 都要行起碼十幾分鐘, 條路亦唔易搵, 我prefer都係俾少少錢搭的士去山下的纜車站會好d~ 3) 咖啡王子1號店同13OOK都係響弘大AREA，不過咖啡王子1號店響另一邊(比較邊邊既位置)，13OOK響未來路既中間，睇地圖都有一段距離，好似要行好遠咁，所以我最後都無去．．我睇過其他blog都話麻麻地就腳，你可以試下跟地圖行去～但要預一預腳骨力！希望你去到啦！！
i want to know, how's the hotel
回覆刪除[版主回覆03/03/2011 00:17:00]Hihi, the hotel is clean and new, it's quite good. For more details, you may browse day 1 part 2, I posted the photos of our room. Herewith the link,
http://hk.myblog.yahoo.com/manliechan/article?mid=1180
你好,我睇左少少都覺得你哋幾大膽,韓國人好牛精ga
回覆刪除[版主回覆06/02/2011 00:33:00]reli?? 我地都係夜晚小心d咋~~聽聞夜晚會有好多醉酒佬! 但so far 都ok, 好順利!
我請問呢, 買t-money時, 你係點同個staff 講o架 ?^^"我驚溝通唔到 ...
回覆刪除[版主回覆10/13/2011 16:25:06]我直接同佢講" Two T-money please", 俾錢時原來個staff 識普通話, 哈!
你識講韓文架??好勁自由行....
回覆刪除[版主回覆11/08/2011 17:59:51]唔識講架~~haha!! 所以更加要做多d research, 都係膽粗粗試下自由行~~so far 都ok!