做緊古裝戲，好多公公婆婆睇架，我諗就好似我地既大戲咁．．
原來仲有野食派，好似d白糖糕咁，紅紅地色既韓式食物吧！
以前韓國人的玩意～
參觀韓式屋，廚房～
哈哈．．好大長今 feel 呀．．
屋入面~~
望出去仲會見了南山塔!!
屋主???
...側門...
突然覺得自己睇緊古時既日落...
點解要放個鼓響屋企? 鬧鐘? 哈哈~~
另一個以前韓國小朋友的玩意~
唔知叫乜乜爐，但真係煨緊薯仔賣～
水井～
參觀完就走lu...響門口諗住補影番以前揹柴既揹架...哈哈~~點知影到張咁好笑既相XD!!
出到門口有韓國傳統小吃, 圓圓地似波板糖W1000一塊!
1人1塊，我初初以為好似餅咁，原來係屬於糖，味道係黑糖+麥芽糖，好甜仲有D黏牙，都幾特別!
好甜要飲野，順便買17茶試下．．um, 都係似麥茶～
之後就開始腳跛之旅，搭番一個站去明洞向N首爾塔出發！
明洞站出3號出口,見到Pacific Hotel,沿住右邊小路就是前往南山纜車的方向!
簡直係行行從行行．．本書話7-8 mins可以去到纜車站．．結果係7-8 mins x 2!!!
最痛苦係...好多都係斜路...好累...下次我prefer搭的士...
見到喇見到喇!!
不過仲要經過正官庄..........
條....樓梯.....
終於到了!!
成人來回承惠W7000~
班次不算太密...而且多人既時候,係企滿晒人,一架纜車載客量可達三十幾人!!
到了...不過都仲有條樓梯要行...大家真係要預定腳骨力先好黎...哈!
呢度就係N SEOUL TOWER 既入口
呢度已經有好幾間SHOP可以行下，不過買飛先，今次主要既目的係TEDDY BEAR博物館,
ONLY TEDDY BEAR MUSEUM 就 W8,000, 如果+上塔 PACKAGE 係 W12,000。
仲有D係連MEAL等等既PACKAGE，詳細可以瀏覽 http://www.nseoultower.co.kr/
呢度已經有兩隻BEAR BEAR企定定...唔知落雨佢地點算呢?? 雨褸?? 哈~~
之後就上塔喇~上網D人話首爾個夜景好靚，好老實唔知點解我又覺得just okay啦．．
係有一望無際既感覺比較特別，不過可能住響有最靚夜景既香港，黎到未有"嘩"既感覺~
最可觀就就係呢個<空中洗手間>~
落番去都有個展望台，雖然無咁高，不過都睇到夜景．．因為搭完纜車已經係高地～
個展望台既欄扣滿情侶門既鎖，真係好滿好多好多～
呢個角度既N首爾塔好靚．．岩岩醒起呢度就係克勤拍<情非首爾>MV既所在地~
然後就入番入口果層睇bear bear，好多好多相，請移玉步到N首爾塔番外篇～HEHE!
睇完bear bear好滿足就走了，比預期中睇得耐，10點先落番去，好多人．．
排隊都排左幾個字．．之後就搭呢部打斜既LIFT喇！其實我一早知有呢部野．．
不過上網搵極都搵唔到黎果條路．．唯有走既時候搭啦，打斜真係幾得意，哈～
落番平地之後行番明洞站都要10MINS，不過行既都係平路，唔洗行斜路咁辛苦．．
去到明洞站2,3號出口落番去就會見到呢間小食店，本來諗住第一日黎，但太晏收左，
今日終於黎到，因為之前睇過人介紹話炒年糕好味～叫左炒年糕同肉丸既物體～
炒年糕W2000～辣辣地，好味！仲見到好多人TAKE AWAY，好似仲大兜D，有機會都試下先～
呢粒肉丸係同炒年糕一齊煮的．．叫黎試下，外邊係肉入面有糯米，都好好味呀！只係W400~
響門口D圖仲見到有樣野日文寫住"腸詰XXX",好奇問個老闆係乜野,佢俾左幾粒我地試...
不過顧住試食完先唔記得影相，有D似我地既臘腸，但係就軟身D，入面有D肥肉，味道怪怪～
店內～
離開明洞就去惠化站(420)，即係大學路，諗住去三層肉.COM，搵緊路之際．．
竟然見到第一日響明洞食唔到既神仙雪濃湯！而第一日都食過鐵板燒．．
所以就決定食雪濃湯喇～認住個壽星公，響惠化站4號出口行3分鐘，要上樓上的！
講番大學路先，一出站口都有幾多車仔檔，同埋有好多浦feel既後生仔，
可能附近係酒吧區～夜晚都幾旺架～～
店內環境～
餐牌只有韓文，不過之前做Research已經寫定個名黎認～www.kood.co.kr
第1個就係喇，我地叫左W9000 (大) share食~下面貴d就係加左貴d既材料!
可能無乜人，好快就上菜～一個湯一個飯，之後撈埋食．．講番個湯先～真係好好味！
係用肉淆制，係一個好濃味既清湯！！雖然個形容好矛盾．．不過真係諗唔到點形容～
總之就係好味，而且係香港食唔到既味道～個飯都好好味！店內仲有免費泡菜提供的～
食完都已經成11點幾就返東大門，本來都仲想行下．．可惜剩餘既銀兩要留番聽日用～
周圍逛下就返酒店執行李同D戰利品，雖然有部份係幫人買，不過攤晒出黎都忍唔住話自己"痴線!"
仲有一箱野食...哈...有雪藏野又唔想拆箱...成箱放入雪櫃~~呵呵!!
這就是箱入面的戰利品!!XD!!
你個遊記寫得好仔細,我想問下你連所有費用約用了多少,交通,吃玩,手信各用多少?
回覆刪除不好意思,問太多了~
[版主回覆10/15/2009 19:34:00]交通 - 4日的搭地鐵大概用了W15,000左右, 來回機場就用了W9,000 x 2 = W18,000...即是總共用了W33,000...T-MONEY好似還有W500餘額... 玩 - 只有景福宮同樂天世界要入場費, 前者W3,000, 後者7點後入場費只是W14,000... 手信 - 主要都是在樂天超市買, 只記得大概用了三,四百蚊(HK$)... 其實我都未完全計算各項使費, 總括而言在當地使費大約HK$3,000吧!!
謝謝你耐心回答
回覆刪除[版主回覆10/16/2009 01:31:00]唔洗客氣, 希望幫到你啦!!
你好!你的blog 很有用呢... 多謝分享 我過2天都會出發，想問一下，我不懂韓文，請問你搭的士時是怎樣溝通? 聽說..是否要講價呢?
回覆刪除[版主回覆10/26/2009 00:58:00]sorry呀, 我響首爾無試過搭的士呀, 所以唔知道呀! 不過我如果你要搭的士返酒店的話, 就記得拎定酒店的咭片, 方便show俾司機睇~~如果你係想去某地方, 最好就叫酒店既人幫你寫定目的地的韓文名會好d~~
請問南山韓屋村多唔多野睇?
回覆刪除參觀要用幾多時間呢?
唔該哂~
[版主回覆04/12/2010 15:37:00]睇你對d古代野有冇興趣啦, 我覺得都幾得意, 都係影下相咁, 我用左1 hour左右參觀~
Hi, 無意中search到你個blog，太好LA，對我哋呢D第一次自己去SEOUL的旅者你所寫的真係尤如明燈一樣!^O^ 我想請問你去N TOWER後所搭 打斜既LIFT 响邊度可以搭?
回覆刪除[版主回覆07/03/2010 01:15:00]多謝, 希望我個blog既資料幫到你地啦!! 落N TOWER之後好易見到架, 無記錯應該係落去後靠左邊望, 你認住零零捨捨有個透明箱...即係部LIFT...我記得我當時都係見到人走過去, 我就跟住行, 你都可以試下=P....不過就算搭完呢部LIFT之後, 都要行一大段直路出番明洞架, 不過係平路, 總好過上山果陣! 唔好意思呀, 太耐唔太SURE了....希望都幫到你啦!
Thanks!!
回覆刪除[版主回覆07/03/2010 09:31:00]u're welcome....其實都幫唔到d乜...><
我想問下呢你落山搭個個LIFT 係邊到搭 ?
回覆刪除[版主回覆08/30/2010 14:25:00]落N TOWER之後好易見到架, 無記錯應該係落去後靠左邊望, 你認住零零捨捨有個透明箱...即係部LIFT...我記得我當時都係見到人走過去, 我就跟住行, 你都可以試下=P....不過就算搭完呢部LIFT之後, 都要行一大段直路出番明洞架, 不過係平路, 總好過上山果陣! 唔好意思呀, 太耐唔太SURE了....希望都幫到你啦!
我想問32cm 個個雪糕係邊到食到 ?
回覆刪除[版主回覆08/30/2010 14:29:00]響明洞, 行去營養中心會經過, 唔難搵, 一般黎講旅遊書都有介紹32cm雪糕的!
南山韓屋村難唔難去o架 ?^^
回覆刪除[版主回覆10/14/2011 17:11:25]唔難~~忠武路站出, 10mins 內就行到架喇!
"雪藏野又唔想拆箱...成箱放入雪櫃" How can you bring back to HK then????
回覆刪除[版主回覆02/27/2012 12:04:16]臨走前先拎出黎, 入面仲有d餘溫都頂到幾個鐘既, 走果時再寄倉~~
你寫既資料好詳盡, 多謝哂! 我都plan 緊11月尾既行程, 你個blog好有用~ ^^
回覆刪除[版主回覆10/25/2012 17:57:30]多謝捧場呀！希望幫到你啦！好多人十一月去旅行，羨慕死了！^_^