這裡有船到台場的,約一小時,不過夜晚先去台場..再有機會黎都想試下搭呢~認住個叱吒標誌~XD!!
一入去就行仲見世通,好多不同的的手信哦,什麼都有,食的穿的都有,都是很日式的,逛過不停,最開心買了件小小和服給堂細佬,穿起來一定好可愛!
一陣風..櫻花開始落了..原來櫻花落是別有一番景象,難怪日本人說櫻花雨是另一美景~
掛滿小燈籠的牌坊好靚,總比香港紅色的閃燈花牌好..
之後入廟內參觀,靜靜的,試一試求櫼,首先入100 yen,然後拿起櫼筒..都幾重的!拿了櫼對對小櫃筒的號碼,然後拿出櫼文,嘻嘻~大吉!阿衰都有吉~真好!櫼文都幾似我們中國的,都是一首詩,而且是漢字的,背後還有解讀,不用解櫼佬,哈!如果櫼是凶的話,就要綑上架上哦,啋~不會的~呵!
求完支好櫼到上野逛逛,這裡比較平民化,什麼店舖都有,賣海鮮賣雜貨二手店,不同的食店,形形式式的,而且非常熱鬧呢!不過沒有收穫...
紫菜包著的燒年糕..好似100yen一件,伯伯給我剛剛弄好的,熱辣辣,很煙韌,但沒有什麼味道~
很美味的海鮮..而且很化算..真的很想買來試試..
來了日本幾天都未食咖哩飯呢,同樣都是買食劵,當然有甘口,辛口,中辛口等選擇..其實真的同香港買一盒盒日式咖哩很相似..當然這裡好吃一點,因為飯已經有差別吧!
黃昏的時候,到台場走走。來到日本當然要浸溫泉吧..不過在東京市內很少溫泉的,要從地下泵上來或是接駁管道的!阿衰早前已在網上找到一個溫泉樂園叫大江戶溫泉物語~設計是仿照江戶時代的日本,幾得意~剛巧又在我想去的彩虹橋附近,就去玩玩吧!搭JR到新橋駅,再轉海鷗電鐵,是私營的高架鐵路,無人駕駛的,所以比較貴,連張TICKET都靚過人,呵呵!很敗家買多了一張作紀念~
這鐵是會穿過彩虹橋的哦!之後還見到富士電視台,Building設計真的不錯呢~
揀好就入更衣室,放好自己的行裝換了衣服就入去了,哈哈!好似入了時光隧道,一出來就去到日本江戶時代的商店街,好明顯裝潢真的下過功夫,加上每個人都穿著傳統服飾,更像回到過去。
之後就出去足湯,即是浸腳的溫泉,亦是男女唯一可以一起浸的。可能是在海邊夜晚都幾涼,不過有外套提供的!環境不錯,小橋流水,泉水都幾熱架,哎呀!泉底原來是石春路..哈哈~好痕呀..
浸了一會就返回室內,只是入女湯看看就出來了..因為都幾凍加上我還未接受到裸浸..嘻嘻!這裡的店舖大部分都食店,手信及禮品店,這裡的禮盒都不錯唷!之後就幫襯這裡的食店,不過不失吧!一邊食一邊有表演看,好生鬼~幾有娛樂性!食飽飽買了幾盒手信就閃人到彩虹橋~
彩虹橋..一到了就回想起日劇《Love Generation》的情節,所以此後這裡就成為日本愛情地標之一。彩虹橋附近都是靜靜的,果然是拍拖勝地,在這裡聽著日劇的主題曲,一絕~只是有點大風..旁邊有個shopping centre,不過店舖都已經閂門了~四圍望下行下就回去了!
大江戶溫泉物語website,有位置,往來方法,開放時間等等介紹資料:
http://www.ooedoonsen.jp/chinese/
ee,呢日有冇去到台場呀??我覺得台場去一轉都好正架,我覺得妳呢個行法都唔錯,由淺草>>上野>>台場,我就將佢加入我其中一日度啦~~~
回覆刪除[版主回覆09/16/2011 11:58:00]有去台場呀, 就係去過呢1次, 都唔錯, 又唔算好多人, 望下富士電視台, 彩虹橋, 大江戶溫泉物語都幾得意!! 其實上野 > 淺草 > 台場都可以, 淺草有架船去台場架, 咁就可以搭下船, 因為我果次無搭船, 就番搭JR去新橋先係咁樣行~淺草 > 上野 > 台場~~你今次去淺草應該可以睇到天空樹 TOKYO SKY TREE (響押上, 淺草附近), 不過淺草都已經望到, 應該差不多起好了!
隻船巧似巧貴WO...唔化算,雖然經過彩虹橋好壯觀...最衰我去親都用到好盡架><"
回覆刪除[版主回覆09/18/2011 21:57:00]我都唔記得幾錢lu~~不過貴既話都係搭番JR好D既! 哈哈~~個個去日本都用到盡架啦~~實在太難忍手同忍口~~唔洗突都偷笑喇!