今次都真的算平價，東瀛遊自由行PACKAGE - $3,600，提早報名再減 $300，轉一晚箱根酒店，最後埋單$4200 (連tax)，在這裡想讚一讚東瀛遊，因為同一個凌晨機PACKAGE，永 x 旅遊不但無 $300 Discount，還不肯轉箱根酒店呢！太多 limitation了！加上東瀛遊的回覆很快，真的不錯！
旅程開始！搭凌晨01:50的JAL航班，到達羽田空港時間朝早6點左右。OHAYOO，TOKYO!!之後搭京急先到新宿，約40 MINS，羽田黎市中心真的很近呢！不過因為分開 Terminal 1 & 2 及International Terminal 就比較煩，要搭Shuttle bus 到Terminal 1 轉鐵．．
放下了行李在新宿的酒店，只拿一袋小小行裝就到小田急搭浪漫特快，周圍找這個站．．差點趕不到這班次呢！tickets都是預早上網email 預定的，回覆得很快的，會問你拿 credit card no.作保障，不會扣錢的！在網上順便一次過預留箱根 free pass，有分2 days和 3 days，2 days售 5,000yen， 3 days 更抵售5,500yen，已包了箱根內所有交通工具(詳細可看看以下的website)，我覺得這服務非常非常好的呢！
去到小田急旅遊服務中心拿tickets，職員是懂英文及國語的，她會詳細講解一番。而浪漫特快是直接到達箱根湯本的列車，要另加 870yen的，要不然就要在小田原再轉車，因為搭完凌晨機的關係，應該未訓夠的，所以都是加錢好了，車程約個半鐘。
website: http://www.odakyu.jp/chinese/index.html <<除了交通還有很多景點介紹>
買了飯糰就上車了，車廂內有個不錯的設計，如果是4個人去的話，椅子是可以轉的，那就可以4個對著坐呢！
浪漫特快最特別就是司機位在上層，所以乘客可以坐展望席(車頭)．．當然預早要上網訂，手快有手慢無！
到了，開始找酒店，明明地圖寫是步行7-10mins，為什麼行了15mins還未到？唉～原來看錯了酒店名稱，好彩那酒店的人很好話了正確位置給我知．．這個時候就是行錯路中，不過沒有行錯的話，就看不到那麼美的景色～呵呵！又是我享往的小鎮感覺！
拉車叔叔～
終於到了我們的酒店<箱根湯本明日香>，是東瀛遊介紹的，比較平。其實未夠時間check in (3點才check in)，入到去沒有開燈，還以為是黑店～哈哈，原來只是慳電，我們先寄存行裝就出發了！
之後就返回箱根湯本駅開始我們的行程，箱根的旅遊路線是用不同的交通工具在箱根遊覽一大圈！
箱根登山電車。是日本唯一一條全線山區鐵路，約40mins到張羅駅，列車在起伏的山道上3次改變運行方向，車長會由車的一邊走到另一邊繼續行駛，初初還嚇親，是不是列車有問題，車長走來走去？哈哈！
到了強羅駅本想到強羅公園行行，不過怕之後沒有時間就很快速地跳上了箱根登山纜車，有些似我們的山頂纜車，10mins左右已經到了終點站751m高的早雲山。
之後轉箱根空中纜車，雖然身在高處，但感覺上比昂平360穩陣．．怎說每架纜車都是用兩條纜索，下一站是大涌谷！
離開站頭上山去！
俯瞰箱根靚景，不過好戲在後頭！
一過了上山位就左手邊即刻看到了大涌谷，大涌谷是仍可看到火山活動痕跡，真的很厲害，不要看少大自然的力量！
未看完大涌谷，就聽到同車的日本人講"好犀利呀!"，這一刻呆了！日本最有名的地標 - 富士山！不過因為天色加上雪山頂的關係，好難影得清楚，但實景看真的十分十分壯觀！！
到了大涌谷駅～
必影！已經是1044m，比大帽山更高呢！
走過另一邊，看到富士山全景，不知可以怎形容．．．在相可能沒有什麼特別，但實景是非常非常的宏偉！呆了～
這裡有3間shop，有小食，手信，飲品等等，買了黑色的蛋填肚，沒有單隻買，一買最少買5隻，請不要以為是溫泉蛋，只是烚蛋，要食溫泉蛋要落番地面呢，而且有外賣裝的！黑色是因為硫磺問題，所以很多手信都用黑色蛋為主角，就如黑蛋樣的無咀貓...(HELLO KITTY)！
遊覽完大涌谷，再搭空中纜車經姥子到纜車終點站 - 桃源台，即是蘆之湖！要過蘆之湖當然要搭船 - 箱根海賊觀光船，好彩沒有到強羅公園，4點左右才到了碼頭，已經最後一班船 - 4:30PM了！
偷偷地跨過欄杆出去拍照～
海賊船埋站了！不過用FREE PASS只可以坐普通席，不過可以自由走上甲板！
蘆之湖是火山爆發後造成的堰塞湖，好靚的陽光 + 湖景．．不過話晒位於高地．．吹過來的風都幾凍！
約20mins就到了，海賊船有兩個泊站，元箱根港或箱根町港，而最後一班船終點站是箱根町港～
船頭～
箱根町港是靜靜的，有不同形狀的屋仔，時間剛剛好，等一會回箱根湯本駅的箱根登山巴士就到了！
今天的行程差不多了，回酒店check in，這酒店分有兩楝的，酒店的叔叔很好，用他謹識的英文很盡力講解酒店的設置等等，去到房門口，原來upgrade了和室呢，比起市中心的酒店，其實空間算是很多呢！
溫泉酒店大多是一泊二食，即是包一晚住宿及包兩餐，晚餐及早餐～安頓好，到飯堂用晚餐，一去到先給壽司，其他就是Buffet形式，有天婦羅，有shabushabu，有西式焗的，中式烹煮的等等，味道比較家庭式！
今次是3月，比起上次凍一點，約8-10度左右，怕凍的我都覺得幾寒，加上自己本身有少少感冒，哎呀～好似有點加劇(>.<)"
妳好! 請問箱根湯本明日香房中是否有私家溫泉? 因我9月會去，想問一問，看此酒店好不好. Thanks!
回覆刪除[版主回覆08/08/2009 12:27:00]hihi, 箱根湯本明日香房中是沒有私家溫泉的, 因為溫泉是在basement~~
這酒店都不錯, 屬於小型的酒店, 設施當然不可以跟大型酒店比, 但基本的都會有, 感覺上有點家庭式~ 酒店d人都好好, 介紹都很詳盡, 用心招呼的~~好似第二朝我訓晏左, 酒店d人會打黎問要不要早餐等等...
唯一不好就是要行條斜路上去比較累...希望幫到你啦!! 祝旅途愉快~
謝謝妳的回覆! 我想問 浪漫特快的 展望席要預早幾時book? Online book ok 嗎? 我send了email去查詢但未有回音..... 我而家會住強羅一之湯,一日內由新宿去箱根,想遊大涌谷、雕刻之森、蘆之湖再浸溫泉,時間會唔會好趕? (第二日想去小王子館、玻璃之森同outlet,夠時間嗎?) Thanks!!
回覆刪除[版主回覆08/24/2009 23:26:00]you're welcome! 我當時大約兩星期前book的, email book, send之後的第2日就有回覆, 如果冇回覆, 你可以再resend多次, 不過我見有d人早成個月去book 展望席架, 但因為我當時未firm到機票, 唔敢冒險~ 行程方面, 請問你會幾點到箱根? 我果陣12,1點幾就開始旅程, 不過你住強羅, 去大涌谷都會俾我快, 我果陣一個下午就可以由箱根湯本>強羅>早雲山>大涌谷>蘆之湖>箱根町港>箱根湯本, 剛好一圈, 返回酒店就入夜了! 但你住強羅是中間點, 要plan下來回的路線會好d, 尤其是要注意海賊船的班次喔, 第2日, 你住強羅去小王子館、玻璃之森會比較方便, 應該夠時間, 不過我覺得御殿場outlet就未必夠時間, 除非好早起身同埋視乎你走果陣搭邊班車返新宿啦~~
想問下你個時有冇買到2 days free pass??我主要會去以下景點，買free pass抵定到時各自分開買車飛？thx
回覆刪除箱根小王子,玻璃之森博物館,箱根彫刻之森,大涌谷,蘆之湖,海賊王之船
[版主回覆09/10/2012 01:19:00]差d miss 左明日香個問題添，嘻嘻！明日香係住家式少少，唔係大型有系統果d , 但我果時去得箱根都係想感覺下呢d 風情，而且去到仲轉左和式房俾我地就更加滿意！溫泉方面，我病左無浸，我男友有浸，佢話唔錯架！傳統少少感覺，當然都係分男女湯同埋係裸浸！地點方面，話近唔近，話遠唔遠，我就可以接受！因為始終唔同國家既地圖比例有少少出入，用香港既習慣睇去到邊都係感覺外國係遠d , 唯一係行到酒店路口要行條斜坡上去，如果拖住行李去就要有心理準備喇！overall , 我係滿意，你可以上明日香個網睇睇，都有相睇睇。
[版主回覆09/10/2012 01:03:01]我訂過兩次，一次箱根，一次鎌倉，兩次都係用英文！佢地都係用番英文覆，你唔介意可以留個email, 我forward 俾你參考丫。我訂果時都有要求第一二行，即係展望席，佢有就會話你知有，我回程果時話有車尾既展望席，但搭果時先發覺原來果卡都係叫展望席，無記錯好似坐第三行！不過都ok既，叫做方便影下相，雖然一加速都唔係好影到。。至於時間，我多數一confirm 左機票酒店就訂！安心d 嘛！
[小叮回覆09/09/2012 23:24:21]你地e-mail溝通係咪用英文中文都可以?如果我想坐第一二行，佢地有冇得預留埋？通常要預早幾耐之前預訂？
[版主回覆09/09/2012 23:09:27]係呀，我係上網預約埋幾點既班次，講埋加錢搭浪漫特快同2days free pass, 咁就可以肯定有位。佢會send番email 黎confirm 多次你要求既野同問你要credit card no.(保障下佢地，但唔會過數)，ok既話你就send email confirm okay , 最後print 番呢個email 出黎，到時去到新宿小田原旅客中心show 番俾佢睇，就會拎番你訂既野，然後俾錢！搞掂就可以去旁邊既車站搭車喇！！
[小叮回覆09/09/2012 22:53:15]同埋想問埋明日香好唔好?個溫泉得唔得啊??我都考慮緊住呢間，見個地點好方便
[小叮回覆09/09/2012 22:51:22]多謝你回覆我啊^^
咁你係咪係新宿小田原個旅客中心買？買左free pass係咪再補870就可以買浪漫號？你個時係咪先網上預約左先??
[版主回覆09/09/2012 22:39:44]我有買呀，你去既景點仲多過我果時，買2days free pass 就緊係仲抵，而且有咁多款交通工具，下下買飛都會曬時間！有張pass方便好多呢！
你好嗎??我將會響１２月尾去東京，我好想去小王子博物館同埋玻璃之森，想問下你可唔可以教下我點由新宿去箱根湯本呀？？你話可以上網訂車票，但我想問如果唔訂係唔係會冇位架？？
回覆刪除同埋我打算坐小田浪漫快線，用half day既時間行2個地方,之後再出秋葉原, 不過唔知會唔會好趕....所以想你俾d意見我! 唔該哂你呀!!
[版主回覆10/18/2012 11:34:45]HIHI~~我唔建議半日! 就算坐小田浪漫快線, 新宿去箱根要1.5HRs, 來回3個鐘! 所以太趕喇! 而且箱根好值得花一整天時間去遊覽, 要去小王子博物館同埋玻璃之森的話, 到左箱根仲要搭登山鐵路上去, 都是花時間的~~其實如果可以我會建議兩日一夜, 如果行程緊密就一整天來回吧! 因為仲有大涌谷, 蘆之湖等等景點可以遊覽~~夜晚出番東京有時間先安排再去秋葉原, 或在新宿逛逛!!
係可以EMAIL訂車票的, 訂左會安心D, 反正都係去到取票時先俾錢, 唔會先過數, 你可以睇睇我呢篇BLOG既相, 可以見到真係會"滿席" (即是滿座), 唔想掃興就最好訂定喇! 你唔介意可以留個email, 我forward 訂車票的email俾你參考丫。