:::2016 日本中部6天賞楓賞雪之旅::: 準備篇!!!

其實無打blog既呢段日子去了不少地方留底腳毛，除了「鄉下」日本外，仲有泰國華欣、越南胡志明市、新加坡睇F1等等。左思右想都係想先寫11月時去的日本紅葉之旅，雖然去過差不多十次日本，但往往11月都會遇上工作上既旺季而請不到假，直到今次剛好遇到大客取消meeting先促成今次超難得既紅葉之旅，第一次睇紅葉，亦是第一次去名古屋呢！所以選擇了成為出山之作，而其他會一一後補～嘻！開始～～～

<機票篇>

雖則話就話可以請假，但話曬到年尾假期都用得7788，加上今次想慳於機票上就決定搭廉航，搭過廉航就會知道前一日後一日既價錢都可以有幾大既出入，左就右就confirm了HK Express 2016年11月16-21號 - 6天日本中部賞楓賞雪之旅！

16 NOV 16 - Dep. 0915 Hong Kong Int'l Airport ---> Arr. 1345中部国際空港

21 NOV 16 - Dep. 1330 中部国際空港 ---> Arr. 1715 Hong Kong Int'l Airport

<行程篇>

今次既同行者係阿妹，係佢第2次去日本，佢有兩個要求～1. 睇紅葉 2. 去立山黑部 3.白川鄉，其他我發板，好好好...即是風景遊！6日本身要去立山黑部已經有少少緊迫，而自己亦加左個挑戰俾自己...就係其中第2晚要睇CNBLUE (是的，網主係情迷小鮮肉)，即是要第3日先可以出發向北出發，所以做左好多資料搜集睇睇要點先可以Squeeze in曬想去既地方呢? 好多人都會先去高山停一晚第2朝先繼續向富山&立山黑部出發，但我根本無時間再響高山停一晚，而且我係鐵道遊，如果富山入的話我就算幾早由名古屋出發都完成唔到立山黑部全個行程，救命呀呀呀～最後發現反過來由黑部入立山出的話，反而可以完成整個行程(詳情會另開一篇講述及pass之利用)，顛完冷靜落黎終於度掂了以下行程：

Day 1: 香港 >名古屋 > 名古屋城 >名花之里 > 名古屋

Day 2: 名古屋 > 香嵐溪 > CNBLUE 5th ANN. ARENA TOUR 2016 -Our Glory Days

Day 3: 名古屋 > 松本 > 黑部立山 > 富山

Day 4: 富山> 新穗高> 平湯溫泉

Day 5: 平湯溫泉 > 高山 > 白川鄉 > 名古屋

Day 6:名古屋 > 中部国際空港> 香港

<酒店篇>

6日之間其實跨越好幾個縣，自然酒店都要分幾間住，今次有些少貪心，想住住傳統既溫泉旅館，本想去三大名泉之一既下呂溫泉，但行程上既安排下最後決定去平湯溫泉，最後分了3間酒店:-

Night 1,2,5 : 名古屋站前萬寶龍酒店 Nagoya Ekimae Montblanc Hotel

Night 3 : 富山御宿野乃天然溫泉飯店 Toyama Oyado Nono Natural Hot Spring

Night 4 : 岡田旅館。和樂亭

*詳情請參看酒店一覽

#我的旅遊日記 #2016日本中部6天賞楓賞雪之旅 #日本 #名古屋 #中部國際空港 #名花之里 #香嵐溪 #cnbluearenatour2016ourglorydays #黑部立山 #立山黑部阿爾卑斯山脈路線 #白川鄉 #天然溫泉富山劍之湯御宿野乃 #富山 #飛驒高山 #新穗高 #平湯溫泉 #岡田旅館和樂亭

Facebook專頁。我的旅遊日記。同步更新 - https://www.facebook.com/MyTravellingBlog/

:::幫襯廉航需注意事項:::

廉航既出現的確為好多想平平地去轉旅行既人促成一個出遊既契機, 當然人類往往對不熟悉的東西都會存在驚恐, 所以愈來愈多人問我廉航同非廉航既航空公司有咩分別呢? 好~就此一一列出幫襯廉航需注意事項:

1. 沒有飛機餐, 水都無杯架, 但亦不允許食自己帶食物 

2. 沒有任何影視娛樂 

3. 多數係細機, 一行6個位, 3個左, 3個右, 中間走廊亦是逃生通道, 座位比較窄 

4. 網上訂購時輸入的資料比非廉航多, 請預備好証件以便輸入資料 e.g. Passport, Credit Card 

5. 寄存行李要另加錢, 而且是每程計算, 即是來回要 x2 

 6. 訂購時多數有兩個選擇給你, 一款是不可選座位及更改日期, 另一款加$ 可以更改日期及揀選座位 (不同公司會有出入) 

7. 有d有online check in，但無論有無都好，建議大家都預早些去機場，因為廉航的登機閘口都會相對遠，有時更要搭巴士仔出停機坪，請注意。 

8. 一般Final call比非廉航早，請準備充足時間。 

9. 搭親飛機都會問空中服務員拎毛毯的你，請自備保暖的褸/毯 

10. 廉航後備機比非廉航少, 所以Touchwood其中一兩班機有咩事就會容易影響之後的航班 

11. 有朋友預過該班機超賣, 要改第2天的班次 (So far 我未試過) 

12. 部分廉航不設小童票價, 即是成人及小童是同價，更莫說BB籃

後感：我搭過既廉航有Peach樂桃航空，Air Asia亞洲航空，Hong Kong Express香港快運及Jeju Air濟州航空, 好好彩都頗順利, 頂多只是有少少Delay，我自己多數響電話準備定d 歌/劇/戲解悶，亦會偷偷袋定少少零食 :p，4小時內的機程我都可以接受到，只係坐得直些窄些，但一分錢一分貨嘛。如果係比較大隻既朋友或老人家我就不建議了，會相對坐得辛苦呢！

P.S. 

1. Hong Kong Airline香港航空 同 Hong Kong Express香港快運是兩間不同的航空公司, Hong Kong Airline香港航空並不是廉航, 有飛機餐及包20kgs托運行李的! 

2. CX Fanfares所訂購的亦不是廉航，只是特價機票而已，同樣都是搭正規的國泰 / 港龍航班。

#我的旅遊日記 #廉航 #廉航需知

Facebook專頁。我的旅遊日記。同步更新 - https://www.facebook.com/MyTravellingBlog/  

輾轉反側後...

輾轉反側後...都係開左專頁先, 試試看! =)

 。我的旅遊日記。
https://www.facebook.com/MyTravellingBlog/

時代巨輪下的一點微塵

２００９年於ＹＡＨＯＯ！ＢＬＯＧ 開始了。我的旅遊日記。
起初只是怕自己善忙記下遊歷及相關資訊, 好讓方便重溫或回憶一下～
誰不知網絡世界的力量為我帶來欣賞，多了份使命感令自己更有原動力去做好！

２０１３年－我不如意的一年，更遇上ＹＡＨＯＯ要結束ＢＬＯＧ。。。
對我來說簡直是晴天霹靂，連那丁點點的寄託都沒有了，ＳＯ＿ＳＡＤ！
當然當年ＹＡＨＯＯ有幫忙ｂｌｏｇｇｅｒ用便利的方式轉到去別的平台，我亦不例外～
就是轉了來ｂｌｏｇｓｐｏｔ，自己有再於台灣某博客做多個備份。。。但ｌｏｇｉｎ經常出問題。
而對我來說都不是那麼ｕｓｅｒ　ｆｒｉｅｎｄｌｙ，ｂｌｏｇｓｐｏｔ的更ｌｏａｄ不了舊相片～唉～
我又不是什麼ＩＴ人，不懂去做個自己的ｗｅｂｐａｇｅ，又不想因此而煩到朋友～

其實ｂｌｏｇｓｐｏｔ有好十篇草稿，總是提不起勁去寫，內容亦只牢牢記著在腦中～
想有一天再爆發出來，最近在想不如在Ｆａｃｅｂｏｏｋ開個ＰＡＧＥ延續這ｂｌｏｇ？
時代巨輪下網絡世界運行得超快，前兩天發生的事亦不算是新聞了，ｏｕｔ！
不期望還有以前的粉絲還記得這ｂｌｏｇ，仍心癢癢究竟的起心肝開始還是算吧？
總是在想。。。微塵那怕小，的確在這世界存在過，輾轉反側。

Or shall i do both? --- 輾轉反側的我

。7 SEP 2014 - Hermès Exhibition @ PMQ 。

最近比較focus寫食評, 冷落了旅遊日記....要多多努力呢 >_<!!

當1600 Panda 襲港時已想到PMQ觀摩一下, 可是跟熊貓們沒有緣份, 總是夾不到日子, 而到訪PMQ這日程亦相繼延誤。先講講PMQ元創方前身是官立學校, 經歷戰火洗禮後再改建為已婚警察宿舍, 最後於時代巨輪下終被”退休”~列入保肓項目繼而發展成現時的PMQ元創方, 是為香港本土的創意文化的一個新平台, 新地標。
詳情及交通資訊請瀏覽: http://www.pmq.org.hk/

 

 

 

最近迷上了皮革小手作, 閒時都做下水皮小工匠, 更會迫朋友收我的作品, 哈哈!收過我作品的友人今日相約我到PMQ 說有個 function 好適合我, 究竟是什麼東東? 第一次到來...留影!

 

:::2014 日本。夏之旅::: 準備篇!!!

超懶的我連新年大阪之旅都未寫…就要準備六月的日本。夏之旅!

那麼快就成就了這次旅程, 全因為…CX FANFARES!!! 本來想疊住回歸時去5日, 可惜是我的錯失MISS了…
只能訂到6月21到24日。因為同行的友人都曾經去過大阪, 所以最熱的景點大家都去過, 可以去一些比較遠的地方…
一心以為今次終於可以去和歌山…友人竟然反對, 因為去市區就比較麻煩…OMG!
的確如果落和歌山就比較難回歸城市, 而且只有4日, 看來又要寄望下一次喇, 哈哈!

 

<機票篇>
 

THROUGH CX FANFARES…逢星期二早上8點就會有更新!

雖則不是第一次上網BOOK機票, 但幫襯CX FANFARES還真是第一次…

大多數CXF的時間都是比較差一點, 如晚機去早機返…

但今次竟然有凌晨機去晚機返, 所以就用左不夠1分鐘去決定!

同時要小心reload不一定是最update, 我就是信了reload miss了疊住回歸日的5日!

因時間關係, 最後是於上班途中用手機戰戰兢兢入資料及confirm所有東東, 呼~~

http://www.cathaypacific.com/cx/zh_HK/latest-offers/flights/fanfares/index.html

最後來回每位HK$ 2,688 incl. tax, 航班時間如下:

6/21    DEP 01:45  HK INT'L AIRPORT / ARR  06:25關西空港
6/24    DEP 19:00  關西空港  / ARR 21:55  HK INT'L AIRPORT  

 

<行程篇>

今次會住兩間酒店, 因第1,2日會踏足三重縣~~點解無啦啦爆出去三重縣的想法呢?

是關上次用過JR PASS覺得又超值又方便, 今次搵到另一鐵路公司: 近畿日本鉄道出了往中部的PASS!

只適合旅客用, 同樣好超值, COVER的地點又有近郊又有市區, 遠至名古屋都去到! 詳情請看以下網站:-

近畿日本鉄道: http://www.kintetsu.co.jp/  

DAY PASS INFO: http://www.kintetsu.co.jp/foreign/chinese-han/useful/ticket/rpw1-krpw.html
因為凌晨機的關係怕COUNTER未開,  可以預先於香港KNT買,  按當日匯率付港幣:  http://www.knt-hk.com/zh/

 

三重縣是比較靠中部的縣市, 近郊之一, 亦不算好熱門的旅遊點, 就去享受一下寧靜吧!
亦突登買了日本中部的旅遊書, 大獲了~~看到名古屋, 白川鄉, 立山黑部等地都好吸引!
於爬文期間亦發現富士山河口湖的景點都超靚超吸睛…….看來還要去多好幾次先可以踏足曬喇~~

發完夢….繼續,  因DAY PASS的特急車多數於難波發車, 所以就TARGET難波的酒店, 到周邊旺區亦比較方便! 

好在DAY PASS都COVER到京都, 今次亦有終於有機會搭到小火車喇!!! 

行程如下：
DAY 1: 大阪難波 > 伊勢 > 鳥羽

DAY 2: 鳥羽 > 松阪 > 大阪難波 > 道頓堀 / 心齋橋
DAY 3: 大阪難波 > 京都 > 嵯峨野 > 大阪難波 > 道頓堀 / 心齋橋
DAY 4: 黑門市場 > 道頓堀 / 心齋橋

 

<酒店篇>

鳥羽是三重縣其中一個沿海渡假勝地, 多年前連英女皇到訪日本都要到鳥羽逗留…所以大部份鳥羽的酒店都是RESORT般的, 當然都是比較貴…初選了戶田家, 鳥羽國際及Toba Seaside,  因友人不太傾向和式房間…最後就敲定比較多洋式房間的鳥羽國際…

有睇開我BLOG的朋友都知道我多數THRU AGODA BOOK, 但今次沒有…雖說AGOGA都有鳥羽國際, 但沒有寫清楚是包了多少餐….要知道於小鎮中大多數的店舖都比較早收, 大型些的酒店都是包早晚餐的,  所以就搵了寫得很詳細的JAPANICAN 訂房, 出發前還會有小提示呢~

Night 1 : 鳥羽国際ホテル - HARBOUR WING

$$$: 49,680 YEN / ROOM / NIGHT , incl. 一泊二食 for 2 persons

Official Website: http://www.tobahotel.co.jp/
Book thru JAPANICAN : http://www.japanican.com/hk/hotel/detail/6112001/?anl=%e9%b3%a5%e7%be%bd%e5%9c%8b%e9%9a%9b%e9%a3%af%e5%ba%97&rn=1&apn=2&hcpn=0&cbn=0

回到市區的兩晚, 如果按DAY PASS,  3800 YEN 跟5700 YEN的分別就是 5700 YEN 就會包南海機場快線, 但附近的酒店都幾貴….如買3800 YEN都是適合我們的行程用, 主要是不包南海機場快線, 好在多數日本都有機場巴士, 的確就找到Kansai Airport Limousine, 有直車去到難波OCAT!!

Kansai Airport Limousine : http://www.kate.co.jp/pc/index_h.html

Kansai Airport <> Namba OCAT Timetable: http://www.kate.co.jp/pc/h_time_table/h_ocat_tt.html

旁邊有間ART HOTEL 不錯,  2009年才落成, 價錢亦可以接受, 就THRU AGODA 訂了!
因新年時同樣THRU AGODA訂過酒店, 今次都有回饋呢~~而且可以出發前5日先信用卡過數, 超好!

Night 2 & 3: Hotel Monterey Grasmere Osaka 大阪蒙特利格拉斯米爾酒店

$$$: around HK$900 /ROOM / NIGHT, NOT incl. Breakfast

Official Website: http://www.hotelmonterey.co.jp/en/htl/grasmere_osaka/index.html
BOOK THRU AGODA: http://www.agoda.com/zh-hk/hotel-monterey-grasmere-osaka/hotel/osaka-jp.html?type=1&site_id=1410046&url=http://www.agoda.com/zh-hk/hotel-monterey-grasmere-osaka/hotel/osaka-jp.html&tag=171ffdac-6dae-447c-9901-dc7ac1c4bb86&utm_source=bing&utm_medium=cpc&utm_term=hotel%2bmonterey%2bgrasmere%2bosaka&utm_content=hotel%2bmonterey%2bgrasmere%2bosaka_161798&utm_campaign=hotel_japan&cklg=1