平湯溫泉 - 岡田旅館。和樂亭Okada Ryokan Warakutei

:::2016 日本中部6天賞楓賞雪之旅::: 酒店一覽  

Night 4 : 岡田旅館。和樂亭Okada Ryokan Warakutei

Booking through official website --- 出現過一個狀況！我BOOK同一日子～用網頁中文版SHOW FULL左，但於網頁日語版反而BOOK到～所以如遇到同一情況唔好咁快氣餒，可以去日語版面試試先！

Price: *JPY 52,920 per night 一泊二食包早餐及晚餐【飛騨牛三昧プラン】
可選擇網上俾錢或「現地決済」＝到時先俾錢～CHECK OUT時先俾，收信用卡的！
Distance: 平湯溫泉巴士總站步行約5 mins
Wifi: Good
Comments:
- 傳統日式溫泉旅館
- 岡田旅館分為本館及和樂亭, 和樂亭是帶有私人露天風呂的全和式客房, 只有10個這類型的房間, 所以價錢亦比本館貴
- 有專人帶到客房並作細心的講解
- 早餐和晚餐指定地方享用, 非常豐富
有圖有真相～～請看圖下的描述吧！

是日陰天兼有毛毛雨，冒著雨由平湯溫泉駅步行至岡田旅館，當時大概5PM左右，天色開始昏暗還有點霧氣及溫泉湧上來的蒸氣，沿途都是朦朦朧朧的～

入到酒店就到FRONT DESK CHECK IN，不要誤會沒人，只是我襯員工入去拎野時影相～員工英文都不錯。因為我訂的是一泊二食，隨即問我想幾時享用晚餐，有6點或者7點半選擇，是關之前只食了很少野，要求了6點～其他已是5點幾，我都問前台是否可以安排到，太趕就下輪吧～店員氣定神閒說沒問題～

超日式的LOBBY～掛了很多飛驒寶寶！

仍是LOBBY～地毯的櫻花圖案好靚！！旅館亦有手信鋪～就是在這旁邊，但唔記得左影=P

之後有位叔叔帶我地去房間，初初仲諗大到要帶咩？少不更事，的確要～沿著走廊都有很多這類擺設。

轉幾個彎終於見到和樂亭的牌喇～

不厭其煩講多次～岡田旅館分為本館及和樂亭, 和樂亭是帶有私人露天風呂的全和式客房, 只有10個這類型的房間, 所以自成一格有自己的入口。

入去當然係溫泉旅館指定動作～除鞋！放番響自己房果格～當然有拖鞋俾你換，或者著襪亦得～

以為入到和樂亭範圍好快到，非也～好在有叔叔帶住，沿途的裝飾好別緻！

呢個爐係可以用，每個角落都謀殺菲林～SOR，而家係謀殺SD CARD位先岩！

行行重行行

仲要落樓梯～～有冇咁大先！

呀～～落完樓梯終於到了！我地間房叫葉月，就係張相右邊門口呢間喇！

第一次拍片介紹，請多多包涵喔https://www.facebook.com/MyTravellingBlog/videos/703754583124621/

執整下歇一歇就去食飯～九曲十三彎出番食事處「櫸」享用晚餐！去到仲傻傻地同人講我係邊間房，我到第二朝食早餐先知右下角有我個大名～哈哈。。好白痴～

這是我訂的【飛騨牛三昧プラン】厳選飛騨牛120gステーキ＆すき焼き会席，提提MENU會按時節或酒店安排而有所更改～一邊食一邊上，上到唔知食邊樣先。。。哈哈！

咁岩負責我地果檯係識講普通話既女侍應，都會略略介紹菜色。而食得慢既我地都叫佢可以慢慢上，另外都有叫佢俾少個飯，反正食唔曬唔好浪費嘛！

基本上樣樣味道都好好～最正當然係下面兩個飛驒牛啦！一個係鍋上，點少少蛋汁，超正！另一個就係鐵板上的飛驒牛STEAK～入口即溶！記得上檯好快快品嚐，影兩張相好食喇，如果唔係OVERCOOK就嘥曬架喇～

食事處的裝潢都好細緻，用水車做擺設，咁有格調食飯時心情都好D～

一起身，終於見番個藍天～日本天文台堅準！

有咁正既溫泉起身緊係要浸多次啦～唔知點解覺得尋晚D水熱D？還是適應左？

尋晚凍凍地只係浸左一陣露天風呂，襯朝早有些少太陽再浸多轉先^o^

浸完就出去食早餐喇～都係包埋！於尋日晚餐同一個包廂食～朝早有陽光感覺又唔同左。

日本人的確對早飯好講究，對於一向少食早餐既我，簡直係我平時LUNCH既份量～好在尋晚6點就開始食晚餐，今朝可以食到～

好FUSION～除了日式各小食，仲有西式火腿及沙律，都幾好食架！而右下角有D似刺生，原來係仿魚生的蒟蒻，不過淡淡的沒什麼味道

還有多料的面豉湯，醃漬物，白飯，水果甜點～

影番張藍天下的岡田旅館，今次有點來也匆匆，期待下次再臨～

*Price for reference only which’s subject to up-to-date currency rate & date you stay.
#我的旅遊日記 #2016日本中部6天賞楓賞雪之旅 #日本 #奧飛驒 #平湯溫泉 #岡田旅館 #和樂亭 #OkadaRyokanWarakutei #露天風呂 #私人風呂 #onsen #hotspring #一泊二食 #飛驒牛 #飛驒高山

天然温泉 富山 剱の湯 御宿 野乃 (富山御宿野乃天然溫泉飯店) Toyama Oyado Nono Natural Hot Spring

:::2016 日本中部6天賞楓賞雪之旅::: 酒店一覽

Night 3 : 天然温泉 富山 剱の湯 御宿 野乃 (富山御宿野乃天然溫泉飯店) Toyama Oyado Nono Natural Hot Spring Booking through Agoda Price: *HK$680 per night (book時沒包早餐, check in時酒店送贈早餐劵) Distance: JR富山駅乘搭路面電車環状線約5 mins, 大手モール下車徒歩約1分 Wifi: Excellent Comments: 超推薦!!(雖則成程都講左個酒店名做"乃野"...但一d都冇中伏架!) - 2016年新開, 所有設施都好新! - 全酒店用日式榻榻米地, 感覺上乾淨d~當然有locker放鞋 - Modernized既和洋式房間, 浴室也有溫泉水, 按一下就自動放2/3缸水 - 天然温泉大浴場「剱の湯」, 有不同類型的風呂 - Eco-friendly! 例如玄關自動感應燈, 房燈可較光暗, 可選擇是否需要換毛巾(慳水) - 區域為総曲輪, 附近有百貨公司及食肆, 樓下有便利店 - 超豐富自助早餐, 宵夜每人FREE一碗醬油拉麵 - 早上特定時段有FREE SHUTTLE 來回JR富山駅

天然温泉 富山 剱の湯 御宿 野乃 外觀之日與夜

天然温泉 富山 剱の湯 御宿 野乃 HOTEL LOBBY

CHECK IN時員工遞上好詳細的酒店INFO，而且有不同語言版本～

朝早會FREE SHUTTLE BUS來回JR富山駅

天然温泉 富山 剱の湯 御宿 野乃 - 除鞋的地方

放鞋既locker, check out時記得插番條鎖匙喔!!

話明先進少不了拍卡先可以去你住既樓層啦～另行LIFT入面有舊既可以俾人

HAVE A LITTLE BREAK，而且萬一有咩事入面有救助的東東如食物～

好喇～上房喇！走廊 及 LIFT口 - 更易睇到全店採用榻榻米地下～

其中幾層有汽水機，水機，微波爐

玄關 - 開房門後, 右邊才是真正的房門, 我不停推..."點解開唔到既?"...

查實係一道趟門...差d整爛野~XD...另外覺得這樣的設計有助隔音!

房間，我訂的是Double bed，check in 時update了twin room呢～

TV，DESK，雪櫃，衣櫥

TV除左電視節目外，仲有不同酒店資訊可參考，例如附近景點呀、交通手段呀等等，

最正就係呢個睇到樓下大浴場多唔多人，仲可以睇下餐廳多唔多人架！

至於洗手間，一開門就見到中間，左邊門係座廁(當然備有自動洗PATPAT)，

右邊門係浴缸，即是當roommate想便便, 而你想洗白白都可以同時進行啦～

呢間酒店於2016才開幕，採用比較先進及環保概念，就好似放溫泉，

按個制就自動放水剛好三分二缸，既不用睇水，又不用怕太滿～好貼心啊！

衣櫥入面備有浴衣及去大浴場浸溫泉既小籃子～除了毛巾仲有襪架～

而家好多電話都係直接用USB叉電，所以房間配有USB頭及一揪適合不同手機既線～

另外還有較光暗既燈制！

2樓的餐廳HATAGO, 早餐及宵夜都係響呢度享用～

呢碗就係9:30PM-11PM 免費供應既醬油拉麵，每人一碗！

入餐廳俾張早餐飛店員就俾個右手邊個牌你，原來係方便你放響檯面示意有人，

咁就全部人都可以出去拎野食，唔洗你去拎完我先去拎，多細心！

西日式既Buffet早餐, 好多選擇! 最正都係可以自製刺身丼!

*Price for reference only which’s subject to up-to-date currency rate & date you stay.

#我的旅遊日記 #2016日本中部賞風賞雪之旅 #日本 #名古屋 #天然溫泉富山劍之湯御宿野乃 #御宿野乃 #富山御宿野乃天然溫泉飯店 #ToyamaOyadoNonoNaturalHotSpring

名古屋站前萬寶龍酒店 Nagoya Ekimae Montblanc Hotel

:::2016 日本中部6天賞楓賞雪之旅::: 酒店一覽

Night 1,2,5 : 名古屋站前萬寶龍酒店 Nagoya Ekimae Montblanc Hotel 

Booking through Agoda Price: *HK$600 per night (without Breakfast) 

Distance: 5 mins by walk from Nagoya Station 

Wifi: so so

Comments: 

- 近名古屋大站, 無論JR, 名鐵, 地下鐵都係5 mins 腳程 

- Typical 日本小型房, 企理, 但洗手間有陣up味, 房有點焗, 好在發現窗可開 

- 雪櫃不夠凍，買回來的雪糕雪完都溶溶地～ 

- 附近有大型shopping mall, 地下街 

- 樓下便利店, 仲有好大間藥妝店(可退稅) - 周邊多食肆 

- 第1,2晚住完, 第5晚先再入住, 可以寄存行李

Double Bed Room，雖然有暖氣，但版主總覺得太乾了，好在房間既窗是可有打開少少，可以俾生風入一入房流通一下。

檯上有小小的電視，電話，風筒等等。

浴室

附近的JR名古屋駅及商場

樓下的大型藥妝店

附近的街道及食肆

*Price for reference only which’s subject to the up-to-date currency rate & date you stay.

#我的旅遊日記 #日本 #名古屋 #2016日本中部6天賞楓賞雪之旅 #名古屋站前萬寶龍酒店 #NagoyaEkimaeMontblancHotel #Japan #Nagoya

:::2016 日本中部6天賞楓賞雪之旅::: 準備篇!!!

其實無打blog既呢段日子去了不少地方留底腳毛，除了「鄉下」日本外，仲有泰國華欣、越南胡志明市、新加坡睇F1等等。左思右想都係想先寫11月時去的日本紅葉之旅，雖然去過差不多十次日本，但往往11月都會遇上工作上既旺季而請不到假，直到今次剛好遇到大客取消meeting先促成今次超難得既紅葉之旅，第一次睇紅葉，亦是第一次去名古屋呢！所以選擇了成為出山之作，而其他會一一後補～嘻！開始～～～

<機票篇>

雖則話就話可以請假，但話曬到年尾假期都用得7788，加上今次想慳於機票上就決定搭廉航，搭過廉航就會知道前一日後一日既價錢都可以有幾大既出入，左就右就confirm了HK Express 2016年11月16-21號 - 6天日本中部賞楓賞雪之旅！

16 NOV 16 - Dep. 0915 Hong Kong Int'l Airport ---> Arr. 1345中部国際空港

21 NOV 16 - Dep. 1330 中部国際空港 ---> Arr. 1715 Hong Kong Int'l Airport

<行程篇>

今次既同行者係阿妹，係佢第2次去日本，佢有兩個要求～1. 睇紅葉 2. 去立山黑部 3.白川鄉，其他我發板，好好好...即是風景遊！6日本身要去立山黑部已經有少少緊迫，而自己亦加左個挑戰俾自己...就係其中第2晚要睇CNBLUE (是的，網主係情迷小鮮肉)，即是要第3日先可以出發向北出發，所以做左好多資料搜集睇睇要點先可以Squeeze in曬想去既地方呢? 好多人都會先去高山停一晚第2朝先繼續向富山&立山黑部出發，但我根本無時間再響高山停一晚，而且我係鐵道遊，如果富山入的話我就算幾早由名古屋出發都完成唔到立山黑部全個行程，救命呀呀呀～最後發現反過來由黑部入立山出的話，反而可以完成整個行程(詳情會另開一篇講述及pass之利用)，顛完冷靜落黎終於度掂了以下行程：

Day 1: 香港 >名古屋 > 名古屋城 >名花之里 > 名古屋

Day 2: 名古屋 > 香嵐溪 > CNBLUE 5th ANN. ARENA TOUR 2016 -Our Glory Days

Day 3: 名古屋 > 松本 > 黑部立山 > 富山

Day 4: 富山> 新穗高> 平湯溫泉

Day 5: 平湯溫泉 > 高山 > 白川鄉 > 名古屋

Day 6:名古屋 > 中部国際空港> 香港

<酒店篇>

6日之間其實跨越好幾個縣，自然酒店都要分幾間住，今次有些少貪心，想住住傳統既溫泉旅館，本想去三大名泉之一既下呂溫泉，但行程上既安排下最後決定去平湯溫泉，最後分了3間酒店:-

Night 1,2,5 : 名古屋站前萬寶龍酒店 Nagoya Ekimae Montblanc Hotel

Night 3 : 富山御宿野乃天然溫泉飯店 Toyama Oyado Nono Natural Hot Spring

Night 4 : 岡田旅館。和樂亭

*詳情請參看酒店一覽

#我的旅遊日記 #2016日本中部6天賞楓賞雪之旅 #日本 #名古屋 #中部國際空港 #名花之里 #香嵐溪 #cnbluearenatour2016ourglorydays #黑部立山 #立山黑部阿爾卑斯山脈路線 #白川鄉 #天然溫泉富山劍之湯御宿野乃 #富山 #飛驒高山 #新穗高 #平湯溫泉 #岡田旅館和樂亭

Facebook專頁。我的旅遊日記。同步更新 - https://www.facebook.com/MyTravellingBlog/

:::幫襯廉航需注意事項:::

廉航既出現的確為好多想平平地去轉旅行既人促成一個出遊既契機, 當然人類往往對不熟悉的東西都會存在驚恐, 所以愈來愈多人問我廉航同非廉航既航空公司有咩分別呢? 好~就此一一列出幫襯廉航需注意事項:

1. 沒有飛機餐, 水都無杯架, 但亦不允許食自己帶食物 

2. 沒有任何影視娛樂 

3. 多數係細機, 一行6個位, 3個左, 3個右, 中間走廊亦是逃生通道, 座位比較窄 

4. 網上訂購時輸入的資料比非廉航多, 請預備好証件以便輸入資料 e.g. Passport, Credit Card 

5. 寄存行李要另加錢, 而且是每程計算, 即是來回要 x2 

 6. 訂購時多數有兩個選擇給你, 一款是不可選座位及更改日期, 另一款加$ 可以更改日期及揀選座位 (不同公司會有出入) 

7. 有d有online check in，但無論有無都好，建議大家都預早些去機場，因為廉航的登機閘口都會相對遠，有時更要搭巴士仔出停機坪，請注意。 

8. 一般Final call比非廉航早，請準備充足時間。 

9. 搭親飛機都會問空中服務員拎毛毯的你，請自備保暖的褸/毯 

10. 廉航後備機比非廉航少, 所以Touchwood其中一兩班機有咩事就會容易影響之後的航班 

11. 有朋友預過該班機超賣, 要改第2天的班次 (So far 我未試過) 

12. 部分廉航不設小童票價, 即是成人及小童是同價，更莫說BB籃

後感：我搭過既廉航有Peach樂桃航空，Air Asia亞洲航空，Hong Kong Express香港快運及Jeju Air濟州航空, 好好彩都頗順利, 頂多只是有少少Delay，我自己多數響電話準備定d 歌/劇/戲解悶，亦會偷偷袋定少少零食 :p，4小時內的機程我都可以接受到，只係坐得直些窄些，但一分錢一分貨嘛。如果係比較大隻既朋友或老人家我就不建議了，會相對坐得辛苦呢！

P.S. 

1. Hong Kong Airline香港航空 同 Hong Kong Express香港快運是兩間不同的航空公司, Hong Kong Airline香港航空並不是廉航, 有飛機餐及包20kgs托運行李的! 

2. CX Fanfares所訂購的亦不是廉航，只是特價機票而已，同樣都是搭正規的國泰 / 港龍航班。

#我的旅遊日記 #廉航 #廉航需知

Facebook專頁。我的旅遊日記。同步更新 - https://www.facebook.com/MyTravellingBlog/  

輾轉反側後...

輾轉反側後...都係開左專頁先, 試試看! =)

 。我的旅遊日記。
https://www.facebook.com/MyTravellingBlog/

時代巨輪下的一點微塵

２００９年於ＹＡＨＯＯ！ＢＬＯＧ 開始了。我的旅遊日記。
起初只是怕自己善忙記下遊歷及相關資訊, 好讓方便重溫或回憶一下～
誰不知網絡世界的力量為我帶來欣賞，多了份使命感令自己更有原動力去做好！

２０１３年－我不如意的一年，更遇上ＹＡＨＯＯ要結束ＢＬＯＧ。。。
對我來說簡直是晴天霹靂，連那丁點點的寄託都沒有了，ＳＯ＿ＳＡＤ！
當然當年ＹＡＨＯＯ有幫忙ｂｌｏｇｇｅｒ用便利的方式轉到去別的平台，我亦不例外～
就是轉了來ｂｌｏｇｓｐｏｔ，自己有再於台灣某博客做多個備份。。。但ｌｏｇｉｎ經常出問題。
而對我來說都不是那麼ｕｓｅｒ　ｆｒｉｅｎｄｌｙ，ｂｌｏｇｓｐｏｔ的更ｌｏａｄ不了舊相片～唉～
我又不是什麼ＩＴ人，不懂去做個自己的ｗｅｂｐａｇｅ，又不想因此而煩到朋友～

其實ｂｌｏｇｓｐｏｔ有好十篇草稿，總是提不起勁去寫，內容亦只牢牢記著在腦中～
想有一天再爆發出來，最近在想不如在Ｆａｃｅｂｏｏｋ開個ＰＡＧＥ延續這ｂｌｏｇ？
時代巨輪下網絡世界運行得超快，前兩天發生的事亦不算是新聞了，ｏｕｔ！
不期望還有以前的粉絲還記得這ｂｌｏｇ，仍心癢癢究竟的起心肝開始還是算吧？
總是在想。。。微塵那怕小，的確在這世界存在過，輾轉反側。

Or shall i do both? --- 輾轉反側的我