。我的旅遊日記。: 駿景酒店

2010年7月20日

。05-06 June 2010 - Ekin Friends for Life Macau 2010。

事實上係阿妹同朋友兩個不約而同想睇ekin．．．就俾佢地夾左去．．．
岩晒！去日本前先黎個澳門pre-trip 3人行混熟下～同上次FIR樣上網BOOK飛～
覺得上次個位唔錯，上網係咁reload，最後係坐上次個位既上一行，３個位～正！

同上次一樣$488 包船飛門票，同樣都係住駿景，計埋食野全部野，承惠$1,000。
今次有得揀2:30PM船，好好多，無上次4:30PM船咁急要趕頭趕命食野．．
先去威尼斯人拎飛就去駿景CHECK IN，哈哈，今次個景對馬場，個feel唔錯~~

hea左陣就去官也街行下食下小食，其實今次寫blog主要係想寫氹仔食既葡國菜～
＜葡韻美食店＞，剛好去之前一星期響電視睇到～係葡國人主理，好似好好食咁！

葡韻美食店 A Tasca Do Luis
地址: 氹仔告利雅施利華街57-59號
電話: (853) 2882 7636
**逢星期一休息
http://www.openrice.com/restaurant/sr2.htm?shopid=24347
http://www.atascadoluis.com/

太忙無book檯，膽粗粗早d 6點幾去睇下有冇位，基本上都係俾人book左~
不過d人無咁早黎，老闆都俾張檯我地先，入到去初初老闆個樣有ｄ串串地．．
原來佢好好笑．．好似ｄ野食黎左佢行過 "我好忙, 唔洗等我, 你地食先"~XD!
雖然佢外面係一個老外，不過佢d廣東話講得好好，餐廳好家庭式～so warm!

我地叫左．．．豬仔骨，"鞋"左少少，普通！

檸檬蜆，份量好多，清清地，唔錯～

十級推介：忌廉馬介休！！好creamy，超好食！！

食到飽飽，超滿足就去睇鄭伊健友情歲月演唱會～
其實我對ekin無乜特別感覺，對佢既歌亦唔算好多好多～但係聽聽下，
原來好多我都好熟，大概係遺忘左．．原來呢d歌都係陪住我成長．．．

友情歲月，天煞孤星，風雲，發現，吻感，
長髮，一生愛你一個，Together等等～
哈．．．好似曝露左自己既年齡層．．

嘉賓有錢嘉樂，林曉峰，MANDY LIEU，和音有馮曦妤同康子妮(林曉峰太太)
我個位旁邊係通去後台既通道，臨完場仲見到林曉峰既父母，同林姍姍等等～
成家黎捧場真係夠晒兄弟！第2日走果陣仲同我地同一班船，阿LO兩個仔好得意~

2009年11月13日

。07-08 Nov 2009 - 突然任性之旅。F.I.R. 第十行星 LIVE IN MACAU 2009。

已有好幾個星期經過地鐵站睇到F.I.R.第十行星澳門演唱會既POSTER..次次行過都係望一望...
心諗..都係唔會有飛架喇...直至演唱會一星期前就上威尼斯人個網八下...哈哈哈...
仲有飛!!! 分$200,$400,$600飛, $400同$600都可以加$88就有連來回船飛既PACKAGE~
去程就定左16:30 OR 18:30...回程就去到威尼斯人憑入場券換第2日23:30前既航班...
最後~~好任性咁...決定去!!! 上威尼斯人個網訂飛, 訂完就會SEND EMAIL黎CONFIRM~
有好野就緊係益阿妹...齊齊過大海去~~去到碼頭拎船飛, 今次係第一次搭金光飛航~~