。22 DEC 2013 - 大棠楓香林。

真正在新平台的第一篇 blog 正式誕生!

再介紹多次自己，小姓陳，只是香港其中一個渺小既打工仔～
無乜特別專長，但希望一有機會就出走飄去其他地方，見識一下！

而寫 blog 都記底旅程中的一點一滴給自己回憶一下當時感覺吧～

既然係第一篇，等我爆冷地寫番自己的香港地！
自問都是半個元朗人，但極少到元朗郊區郊遊一番～
是日冬至，夜晚先做節，下午超得閒！原本係同好友行街街～

兩個人突然挑戰下去大棠睇紅葉～點解要寫到係挑戰咁浮誇？
是關我地都唔係郊遊遠足人，行街買野就叻......=P
對上一次都只是大棠BBQ.......再對上可能已經係咸豐年前的中學旅行.......

既然完成創舉當然要記錄一下～

首先我們從千色附近的小巴站出發，好多人排隊～亦可以搭Ｋ６６號！

小巴站排曬長龍，但班次都好密，只是HK$ 5一程，原來郊遊可以咁抵玩～

於大棠山道落車，其實都好多人向住同一方向行就見到呢個牌！
交通資料可參考 >>> http://www.yl.hk/TaiTongRedLeaf/

紅葉的位置都屬於大欖郊野公園範圍，向住行就實無死～

沿住行車線一直向上行行行

繼續行．．．

小時候旅行都會一定去既大棠渡假村，以前就搭車上黎多，第一次行上黎！

經過算黎得最多既燒烤場，行多半小時就見到楓香林

其實就未到真正既楓香林，但已經有少少紅葉喇！

愈行愈多，當然無得同日本，韓國比較，但香港都有此景真係算係咁架喇！

仲有五分鐘！！

加上日落景，好靚～

 

多年好友完成創舉，要開零食獎勵獎勵！

回程經過燒烤場影到咸蛋黃！

落番山腳驚見金色可樂，其實只是曬到變色！

上山大概用了1.5 HRS，落山就快些少 1 HR....

雖然無想像中咁靚，但已經好滿足完成左呢件事喇！