Day 2C (7/7) Red Sky Bar + 水門海南雞

出血後, 就沿住central world d 牌行去後面既 Centara Grand World Trade Hotel~~
去55/F既RED SKY BAR, 要上到23/F再轉LIFT去55/F, 一開LIFT門有堆姐姐SAWADEECA~~

RED SKY 有兩層, 一出果層係餐廳, 再行樓梯上多層先係BAR~~

一上去BAR果層就嘩左聲..............



真係好唔錯呀!!! 我地突登早少少九點幾十點黎, 咁就無咁多人!

雖然我知道唔係曼谷最高, 但都已經好夠~~而且呢度個MOOD唔錯!

雖則係露天無冷氣, 但有時會幾大風架~~
美女們要帶薄褸仔呀! 或者靚仔帶定褸護花亦得!!!

我地既位, 其實都幾黑, 所以迫住用FLASH~~



我就一心黎想同朋友黎摸下酒杯底, 傾傾阿嬸心事....可惜我仲係腸胃不適, 朋友唔俾我飲=,=....
都係最後只好摸下西瓜汁杯底囉.....朋友就叫左COCKTAIL~~除左NUTS, 仲有叫左兩個小食!
PARMA HAM WITH MELON (MY FAV!!!) & CHICKEN WINGSS~~都算唔錯啦!!

我地個位既景觀, 唔知咩事有幢樓突然放煙花~~哈哈!

最後一影~~~我地走果時就真係開始多人黎喇!! 唔係好記得埋單幾錢, 每人百鬆D~~我覺得抵架!

下面餐廳都幾浪漫架~~

呢度就係23/F 轉LIFT果層~~

好喇~~覺唔覺得我地好似無食正餐DINNER呢~~因為而家先去食!!!
落到去CENTRAL WORLD 已經閂左門, 其實我知行去海南雞好近, 但唔識路, 打的吧!! 40B!!

聞說最出名既曼谷海南雞~~聞名不如見面!!!! 認住桃紅色衫就可以~~

MENU 中文, 英文, 泰文~~~抵到爛!!

D阿姐無停手咁不停切不停切~~好刀功!!!!

我叫左個細雞飯, 30B!!!! 大既就40B!!! 即係只係HK$8 同 HK$10, 我食個細雞飯岩岩好!
個湯係胡椒湯, 超正!!!!!!!!! 至於個飯, 我欣賞個飯多過個雞, 個飯好香好好味, 雞就正常啦~好在無骨!!



對住仲有生果檔!!! 本來想買榴槤, 不過好生咁, 所以無買LU~~

經過7仔買野返去飲, 呢度見到小新呀!! HEHEHHE~~如果有小新卡通既泰文版一1定仲好笑過龍珠!

消夜~~~~~~~~鴛鴦味薯片 - 冬蔭公 X 牛油蒜蓉帶子!! 我自己好鍾意冬蔭公味!!
牛油蒜蓉帶子似牛油芝士味多D, 還可以啦!! 周圍睇都唔見有淨冬蔭公味既....>_<

DAY 2 係洗得最多錢錢, 最豪既一日 (滿足地完)