一年一度家庭旅行又黎喇!! 原本一家為左去日本就由上年開始一齊儲錢!!
響媽咪既監管下一切都好順利, 大家都準時交數, 而且更決定6月中出發...
好可惜我鍾愛既日本卻發生了史無前例既311災情...真係睇到都心酸...
響無可耐何之下惟有轉地方...第2選擇 - 新加坡!! 上個月都已經喪睇新加坡d資料~
但其實心裡面都仲係祈求日本快d無事, 我就可以快d再去...前兩日又睇到勁平...
心郁郁...點知, 原來老豆都有同樣既諗法...密謀轉番去日本...還是考慮當中!!
東京就應該唔會去, 日本客話其實日日都有少少震..佢話"shake shake everyday"
不過當地人覺得無野, 都仲可以繼續做野, 但我地呢d香港人未經歷詔...真係會唔識走~
所以就算轉都係轉大阪...至少遠離輻射, 今次自由行定係跟團好呢~ 1516 中~
------------------------------------------------------------------------
11 MAY 2011 (WED)
哈, 仲未決定到, 呢個星期六5/14一定要決定喇...book唔到就大獲~
暫定6月10-20號其中的4-5日, 去大阪就5日4夜, 去新加坡就4日3夜!
問過好多朋友意見都係大阪好d, wahahaha, 希望我既堅持成功啦!=)
------------------------------------------------------------------------
18 MAY 2011 (WED)
又一星期喇! 終於有決定...結果係新加坡'先"! 點解係'先'呢? 因為日本會押後去!
1. 因為311, 暫時未過到麻麻果關...費事要佢老人家擔心~
2. 傳聞 YEN 下半年會跌...
3. 仍然都係想留番個機會睇紅葉!
雖然係有少少失望, 不過都好期待新加坡之旅! 對我黎講都係個新鮮的地方!
呢個BLOG亦會多個地方既篇幅喇! 要快d睇不同的package, 努力籌備中 =)
2011年5月2日
十五十六中...新加坡 vs 大阪
訂閱：
張貼留言 (Atom)
我地心情同你一樣， 一年一度嘅家庭旅行， 去年已計劃去東京富士山，真係人算不如天算，大失預算，泰國，馬來西亞， 新加坡太熱唔想去，台灣去年已去過，韓國剛剛去完回來，現在不知去那裡好？好頭痛 ．所以好想參考你地Ｄ意見，睇吓有無好介紹．
回覆刪除[版主回覆05/04/2011 14:23:00]簡直係同是天涯倫落人, 我地都係上年先去完台灣, 爸媽覺得自由行都好玩, 就PLAN左今年去日本, 311後都諗住取消, 但又睇到照去既人都好似OK, 宜家都煩緊, 去旅行緊係想RELAX今嘛...又唔想一家人心驚驚咁去日本...好老實, 我自己就唔係話好驚, 好信得過日本既一切, 好多野都好周詳, 所以都好安心, 阿妹話最多去上個地震course先, 哈哈~~星期六開家庭會議決定!!
我上個月 20-27號都去左大阪和東京 , 完全無問題 , 超正 !!!
回覆刪除[版主回覆05/04/2011 14:25:00]花師奶~~~你呢個留言簡直係強心針呀!! 可唔可以講多d市面上的情況, 因為我個東京客話東京都日日有微震, 咁你去果陣有冇feel到震呀???? 係咪真係少左好多遊客呀??
其實我個大女喺06年10月去左日本讀書 , 喺上年10月先返嚟香港 , 所以這幾年每年都會去1-2次日本。我覺得今次嘅日本旅行同以前沒有分別 , 都見到外國、香港和大陸遊客 , 第 2 日去環球影城仲好多人等開門。至於地震我就 feel 唔度 , 其實根本 311 前 , 日本都係日日震架。我今次嘅行程係 20 - 23 號大阪 , 23號坐新幹線去東京 stay 2 晚之後再返大阪。
回覆刪除[版主回覆05/05/2011 10:11:00]哦哦, 多謝你既回覆呀!! 其實本身係plan左去東京+箱根架, 但因為東京比大阪近福島先改去大阪, 聽你咁講東京都好似去得過wo, 哈哈...宜家更加想去日本呀!!
我個人最鍾意就沙巴同日本，如果仲驚嘅話，你可諗吓福岡或沖繩丫，這2個地方位於南部，距離東北比較遠，如果未去過，都好值得去呀！福岡我1月去過自駕遊好正啊！佢比起東京大阪沒那麼多港人，但也有好多地方shopping, 因我是好鍾意shopping嘅人....至於沖繩完全唔同feel, 陽光海灘，好靚好relax，我都係自駕遊，沙巴都好正㗎~~~
回覆刪除[版主回覆05/15/2011 13:01:00]多謝你既提議呀, 我都好鍾意日本呀! 沙巴同沖繩我自己都鍾意呀, 不過今次同屋企人去, 佢地唔係好游水, 所以留番同朋友or男朋友先去~~(其實宜家沖繩都好平!) 以~~我又真係無乜諗過去福岡wo, 多唔多野睇?? 其實我都諗緊去大阪租唔租架車俾我老豆試下自駕遊, 其實係咪真係好方便? 你知啦~~話就話有GPS, 但始終唔係自己地方都有少少驚驚地咁~
大阪絕對無問題啦, 我復活節去完嚟喇, 放心啦!!
回覆刪除[版主回覆05/15/2011 13:05:00]Reli~~o唔ok呀?? 係咪少少震都冇?? 其實我想知東北/東京餘震既時候大阪會唔會有感覺~~我真係好想去, 所以要俾多d信心老豆媽咪~哈哈!
一啲震都無, 好正常, 交通, 水電供應食肆全無問題, 不過少左好多遊人, 我去個陣係4月中, 出發個日剛由黑色轉黃色旅遊警示, 去到大阪唔駛排隊就入到境(難以想像), 最多鬼佬既京都, 京都旅館個負責人見到我去, 感動到差啲喊左出嚟, 佢話好多外國人取消了booking, 全程我見過既合共都只係得十個八個, 香港人....小貓3, 4隻, 人氣無咁旺既景點, 真係只得日本人+我1個香港人(哈哈), 1個團都無, 心齋橋聽唔到廣東話, 好難得.......而家我諗應該會人氣多番啲既, 不過如果相機要用電池, 要自俾多啲, 京都旅館負責人話便利店好多電池都運晒去福島, 而家就唔知喇!!
回覆刪除[版主回覆05/16/2011 00:27:00]好多謝你再回覆呀, 好大既supporting, 我即刻show左俾媽咪睇, haha! 我都好想行動上support下日本, 雖則大阪唔係重災區, 不過睇你話京都負責人差d喊出黎, 睇黎心靈support都好緊要! 真係好難想像無廣東話既心齋橋...我之前去真係好多台灣人同香港人呢!! 電池問題我都聽講過, 不過呢個應該唔大問題, 始終幫福島緊要d, 最多自己帶~^^
福岡係九洲其中1個縣，佢其實同東京大阪一樣咁多野睇同買，好似d牌子野佢都有，但d yen貴所以相對嘜都貴左....但都有outlet行，我都買到野呀！我另外去左其它縣，就比較鄉下d，我去左7日，租左車4日，因市區就搭車比較方便又平，所以如果你去大阪，你會去京都果d嗎？如果响心 齋橋果d就 唔好揸車，因為同香港一樣人多車多，泊車貴，郊區就可揸到邊泊到邊大部份免費(九洲我住東橫軒有優惠幾十 元1晚，沖繩住Southern Beach免費嘅），如果租車可request英文嘅GPS..加多少少錢，我去沖繩果次就冇，第一次用有d呢hea囉....但行錯路試2試就掂架啦....唔駛驚，大不了咪問人，日本人咁好，好樂意教我地. 果次夜左唔識路，問個的士司機佢教完都唔放心仲帶埋路tim呀！如果再有唔明可再問我架....hehe
回覆刪除[版主回覆05/16/2011 00:42:00]我知福岡響九州, 不過諗住去多D日本其他地方先去九州~~再機會去我一定問你^^~其實之前都去過大阪京都, 但都係無自駕遊, 因為你話齋, 又多人又多車, 所以都諗未必drive, 但又想俾老豆過下癮, haha!! 但係呢, 我聽人講話GPS寧靜要日文都唔好要英文wo, 因為日文都有D漢字睇, 英文有時會唔SURE, 其實係咪呢?? 不過日本人真係好好人, 我之前行錯路都有日本人帶我行, 真係好好!