完好肚餓～開飯喇！呢度有中餐廳有西餐廳，我地去左中餐廳～
有好多小菜選擇，不過朋友們有樣野一定要我響BLOG度寫...就係呢度既作風～
呢度既服務員有分唔同的等級，唔係個個可以點菜可以上菜，叫幾次都係等等等～
但係又唔見佢叫人黎幫手，總之一去到叫人開茶俾餐具俾餐牌，點菜既話，
就要叫有HAND-FREE既服務員，我地留意到有HAND-FREE既就係可以點菜～
雖然叫人既速度係慢，但係要讚一讚上菜既速度就好快，唔似整定先，味道都唔錯！
餐廳既天花都係滿佈紅葉，好靚呀！哈～朋友們叫我用星星去分味道既等級．．
。乳鴿。RMB 28 EACH。味道：★★★☆☆。正正常常，不過不失～
。石春雞蛋。RMB 48。話係招牌菜就叫左，點知好戲在後頭～
。小炒鵝腸。RMB 38。味道：★★★★☆。辣辣地，好惹味～
。籠仔蒸菜心。RMB 25。味道：★★★★★。蒜蓉蒸，好香好好味～
。蒜香雞中翼。RMB 32。味道：★★★☆☆。普普通通～
。宮廷豆腐。RMB 38。味道：★★★★★。鐵板上，都係辣辣地，送飯一流！
。竹架茄瓜。RMB48。味道：★★★★★。好好味！唔係普通炸茄子，係夾住芋泥架～配搭得好好！
。砂鍋荔園雞。RMB 38。味道：★★★☆☆。個汁好香，夠味，雞件略嫌細左d...
。石春雞蛋。終於出場．．原來d石春係同d蛋一齊響個鍋度整！唔係唔好味～只係好難勺．．
。味道：★★★☆☆。難度：★★★★★★★★★☆！！！
。鐵板牛仔骨。RMB 58。味道：★★★★☆。鐵板上，都幾多件，唔錯！
。御泉炒飯。RMB 32。味道：★★★★☆。個名好招牌，其實都係揚州炒飯咁～不過都炒得唔錯！
。孜然羊肉。RMB 38。味道：★★★☆☆。都可以啦～
。鐵板日式茄瓜。RMB 38。味道：★★★★☆。個汁好味，上面舊肉出奇的好味，茄子變左配菜！
食飽之後，朋友們又去浸，不過我同另一個朋友怕凍就去左周圍行，哈哈～
去行之前．．響溫泉區偷偷地影左幾張相．．重申一次，我好曳～唔好學我！嘻嘻～
呢個係最大既華興池～我覺得夜晚加上D燈光靚過日頭呢～=]
留影～～套衫又唔同左，呢套係響更衣室入面拎，呢套舒服過房果套浴袍呢！
之後去行下，呢度係買紀念品既～裝潢都唔錯呀．．賣既野都幾得意，價錢相宜！
有D似行花市賣果D...
有小食飲品，呢D反而似香港價格...
個名...改得HEA左D..."非法"錢莊....XD
太多相了，請到PART 3 介紹周圍既環境!!
過了個痛苦辛勞1日假都無既3月，我決定一定要過個relax既Easter Holiday!!!
咁岩兩位好朋友同樣係4月3日生日，當然唔好晒，一於搞個relax既Bday Trip!!
經過一番斟酌後，決定去珠海浸溫泉，不過珠海都唔少溫泉渡假村，左睇睇右睇睇～
最後決定珠海御溫泉渡假村，因為佢新開的酒店 - 雲來客棧設有3/4/5/6人一間房!
幾個人一間房，好似去camp咁，岩晒一大堆朋友，我地一行7人，訂左3人同4人房!
御溫泉響香港有辦公室，打去訂房及留shuttle bus位，過數後就會sd番張receipt~
已經包左任浸溫泉～船飛方面，因為我地有人有雅居樂住客証會平d，最後總計每人$706!
出發~~我地響中港城搭11:30am船，船程一個鐘左右，不過因為大霧個幾鐘先到．．
去到九州港過埋關差不多1PM，因為2PM先有shuttle bus，我地就響真功夫醫肚先～
真功夫係快餐形式，食D蒸飯等等～
我唔太餓食左個五香牛腩米粉，少少辣幾好味呀！只係RMB 9.00~
餓就可以叫個SET, 有湯有菜有飯有送, 好似RMB 23.00~
時間差不多就去搭車喇，響九州港汽車客運站，響出碼頭既左手邊!
嘩嘩．．都有好幾架車．．大多數都係香港人或者澳門人～
1個鐘頭鬆d就到喇! 環境好日式咁樣~~
又有D中式woooo~~呢個crossover唔錯!!
check in 先~~不過人手安排好似有D亂...等左都幾耐, 要嘈一嘈先有人理...=,= 好多人...
另外提一提，每間房既按金係一千蚊，可以用信用咭碌住先，走先再cancel番~
拎房喇，每人都有個手箍，有分黃色同藍色，藍色係用黎消費果陣俾錢，黃色就係入溫泉區嘟既~
check out果陣先一次過計數，好似郵輪形式咁，咁就唔洗帶住錢周圍走喇～右邊係房CARD...
我地住地下果層，request左兩間房要響隔離，非常好～哈哈！我地住190, 192, 入房睇睇喇～
。洗手盤。
好靚既楓葉杯墊~
。浴室。有足夠既毛巾, 有沐浴露同洗頭水~
。被鋪。
。地台。
。TV。
。PHONE。
DON'T DISTURB 牌好得意, 哈哈~~& 有風筒的~
每間房都有浴袍....見到人地有紅色, 黑色...我覺得綠色最唔靚...><
之後我地就到溫泉區"小湯鎮"浸溫泉喇~~不過入面唔影得相...只有口述住先啦!
提提先, 男女當然要帶定泳衣, 泳褲, 但我好曳, 仲著埋沙灘褲, 唔好學我...哈哈~
so far 無人話, 一齊同行既男仔朋友們著去滑浪既褲, 沙灘褲都無問題~~
溫泉方面, 都有好多選擇, 瓜果池, 椰奶池, 咖啡池, 名酒池, 名木池, 名花池, 熱身池, 按摩池,
華興池等等, 而我最鍾意既就係香薰池! 香噴噴, 檀香同薰衣草隨時段交替~溫泉多數都係41度!
另外都好鍾意熱石板, 齊齊歎晒響度都幾好笑...哈哈~~熱熱地又有d風~都好舒服架!
仲見到有泳池, 可以遊下水, 當然都有收費既按摩, 推拿, spa, 美容等等~~
入面個個池旁邊都有毛巾櫃, 唔洗怕無毛巾, 源源不絕咁送上~~
而且仲有野飲, 有水, 人參花茶, 羅漢果茶, 竹蔗茅根水等等...味道都唔錯!
浸完就去食飯喇~~請移玉步到Part 2...
到了鼎泰豐永康街總店，好多好多日本人在門口～還以為要等很久．．
原來只是等幾個位．．可能有三層的關係吧！好可愛的公仔～～
來到最後一天，都要去食個早餐，桔子本身是沒有餐廳的，要去到前面街口的丹堤CAFE～
拿張早餐券去就會給你一張桔子專屬的餐牌，都有好多選擇，ＯＫ後就到櫃檯落單．．
本來是想由瑞芳搭火車到八堵再轉到基隆，但十分天燈叔叔教我由八堵直接搭到廟口夜市比較好！
好像NT$115，記得這樣的搭法要在車廂向車長補飛的～因為平溪一天遊車券只可以去到瑞芳。
在廟口夜市路口落車，已經見到好多好多一排排招牌黃燈籠，不過夜晚好多人呀呀．．
昨晚，商議去九份還是十分～本想兩個地方都去．．但天氣及時間關係．．要作二選一的決定～
我自己當然想去十分～因為九份已經去過兩次，但九份又是旅遊地標，又覺得家人要去看看～
但要經山路上去比較煩．．分別介紹過九份同十分之後，看來家人對放天燈的興趣比較大！
最後由老豆決定，十分！看來大家有很多願望，哈哈！決定後就立即上網看看時刻表～～
一切都有定案，有覺好瞓！想講講．．來自由行的另一個原因，是因為一家都很愛睡～
會比較難適應跟團的早起吧．．況且台灣的電視節目實在太好看呢～就更夜瞓．．．
今天亦不例外，起床後就立即到台北車站買到瑞芳的車票～～～NT$78 EACH。
。捷運-台北車站>市政府站 13 mins NT$ 20。好不習慣看到香港的旅遊廣告～哈哈！
。捷運-北投站 > 淡水站 14 mins NT$24。
來到淡水站，向中正路方向出，靠左行，看到starbucks再行前就會看到這入口-淡水老街！
除了去澳門，今次是第一次跟家人到別的地方自由行．．因為他們未試過自由行的關係．．
首選是比較近一點的台北．．起碼都是繁體字的地方，不懂講亦懂看，少了一點點擔心～
因為家人都是第一次到台北，已去過2次的我，今次擔任了導遊的角色，被稱呼為「隊長」！
我們這一家乘搭中華的CI 602，10:35AM 起飛，UM...天空在這角色永遠是最美的！
05 JAN 2010 (TUE)
2009...一家人都忙到不得之了...一年一度的旅行亦要延至2010的1月...最後鐵定1月22-25日!!
媽咪今次簡直係觀音開庫，話包起大家既機票+酒店...果然打埋打埋唔少苦頭...再變成私己 XD!
除左我之外佢地都未試過自由行...帶住一家都有d壓力...但無理由跟團吧=,=..所以更要鋪排得好!
今次去左Travel Channel 旅遊頻道訂package，貪佢有我想揀既酒店同可以加溫泉酒店～
因今次同老豆媽咪去，怕佢地行得遠，所以揀番d近車站既酒店，之前去兩次都係住西門町，
今次想試下住台北車站呢個中心點，首選是新驛，次選是福泰枯子，不過新驛已經full左...
最後決定係1晚荷豐館(溫泉酒店)+2晚福泰枯子，承惠HK$ 2369/person (連稅,送保險)!
旅遊頻道既服務都算不錯的，回覆得快，尋日已經出埋e-ticket 同 hotel voucher了!!
唯一的缺點就係碌credit card會有charges...迫住要俾cash or cheque...麻煩左少少...
