可能是復活節關係，CHECK IN 都CHECK要排長龍呢！所以就慢慢欣賞這幅在大堂的油畫，長長的唷，其實酒店不同的角落有很多油畫，除了油畫都很靚之外，全部都是澳門內港的景色呢！
CAFE~
本來BOOK左TWIN ROOM，CHECK IN 的時候話 FULL左，真的有點嬲，不過都無辦法，嘈一嘈佢就轉左SEA VIEW，好過無．．．LIFT口~
房門口的畫及門牌～發一發～哈！
登登登登～
都不錯呀，哈哈～周圍的畫都有很心思～
WASHROOM~
都是L'OCCITANE 的產品～當然已成為媽咪的襄中物~
內港景，對面就是珠海，其實下面的游泳境更正～哈！
雪櫃有好多不同酒辦，好型，有我喜歡的BAILEYS~
之後就去就近的手信街買定手信，真的好近，行幾分鐘就到～哈～扮重．．仲撞到我MANAGER，好彩剛剛做完這個動作．．．
之後去了搵食，不過之前食過果間好多人，基本上次次都好多人，然後見到格幾個舖位的翅客，剛巧樓上有位就上去了～
翅有3款，最貴都是幾十蚊，無記錯是分$20，$40，$60．．叫了兩個不同的試試，眼見是即煲，當然是整定番煲，都可以，不過都要落少少胡椒粉先夠味，翅就細細梳細細梳，都可以接受！...老豆的肥手..=_=
之後又食．．去了日日有食神介紹的新益美食，好彩之前打電話訂定，爆多人呢！！新益美食位於黑沙環斜路望廈新村第1座地下1B，都是搭的士去，不過司機大佬話覺得麻麻，但我覺得OK呀!!!
本來想叫電視上介紹的咖哩大包，但看到隔離檯．．好大個呀．．4個人一定有剩，起碼6個人先可以KO個大包呢！所以最後都放棄了，餐牌上都很多很多不同的菜色，首先叫了這個牛柳粒煲超香超好味，好似叫什麼什麼牛魔王．．．忘記了，是關這裡的餸名真的很爆笑，有些仲好爛．．記得有個類似海洋煲的東東，叫什麼<男歡女愛山盟海誓煲>．．呆了！=,=
之後是轁轁都有介紹的炸蜜椒鳳尾魚，很乾身好脆，甜甜辣辣，佐酒一流，份量都幾多．．食極都有～
啫啫通菜，不錯，味道淡了一點點，可能之前食的味濃～
蔥油雞，好夠味，但又不會搶了雞味．．好味過香港食的雞．．再者，這個上菜碟幾好，隔油～
最後就是芝士牛油焗大蝦，未算是大蝦，不過味道剛剛好，最緊要是抵食，大概60蚊澳幣，香港用這個價錢一定吃不到呢！成餐飯300幾蚊．．發覺澳門食小菜都是好抵的！
撞見肥仔俠巡舖．．被屈合照．．
食飽就去了不同的賭場大殺四方，可惜，不成功．．哈～～不過在新葡京見到有個韓國人用幾千蚊玩老虎機．．睇住佢個幾鐘內前前後後加起來贏會十萬，是十萬．．好勁！回酒店後在lobby與大波波留影~
第２天了，在lift口影過去澳門市，空氣質素麻麻．．．
之後就去了三盞燈填肚～
三盞燈有小緬甸之稱，去了這家周圍都有介紹的雅馨～
看過很多食評必叫的有招牌椰汁雞麵及緬甸撈麵，之後還叫了豬什併滷蛋及咖哩牛腩跟薄餅～
椰汁雞麵：很香的，汁杰杰的，加了油炸鬼索汁，好味！
緬甸撈麵：很適合夏天的，應該是緬甸的味道，薯仔好好味，不錯！
豬什併滷蛋：很夠味，豬腸特別好食！
咖哩牛腩跟薄餅：咖哩都幾辣，牛腩吸了咖哩汁，更辣～不過很不錯，夠濃夠味，用心之作！最值得稱讚是薄餅，非常非常香脆好味，不用點汁都有味～因為太好味，一黎到就食食食．．沒有拍照～哈！
另一讚就是價錢大眾化，每款都是十幾廿蚊！其實還有很多款想試，例如瑤柱醬撈麵，馬拉盞撈麵等等，不過之後還要留肚食其他，唯有下次吧！
之後再行番去三盞燈中央，這家是媽咪話一定要食的豬腳姜，除了豬腳和蛋．．還有不同的豬什，非常特別！！滷水豬什就食得多，跟薑醋汁都是第１次，這裡的汁不辣但夠味又好味，食很多都不濟，每串都只是５蚊，一串非常多串得很密，證明老闆很老實，媽咪跟老闆還傾得十分開心，好nice!!還有一些小食，如三色椰糕，只是$3.5，有兒時的味道～
之後再去新葡京，見到有個展覽，展品好有國寶級的感覺喔！！！
好靚的一副畫～
路經瑪嘉烈葡撻，整番個先！
很喜歡還補留著的可口可樂牌～
其實我們是行緊去義順，哈哈，又食雙皮奶～
涼粉冰～
朱古力西米露，味道似我們樽裝的朱奶，不似是用粉沖的～好大杯～哈哈，次次飲完都已經半飽！
最愛的架央多士，好味過奶油多，奶醬多，只售$6！每次都會食～
去了威尼斯人買袋，見到這些表演人員都覺得好勁！
貢多拉的船伕，唱歌好好聽！！！！！！
ENCORE 大堂街 ESCADA RESTAURANT，請預先訂台～
葡式蝦角，OK，不過無食評講得咁特別！
馬介休球．．好味～
這個葡式豬肉蜆真的好好味，次次都會食．．負責人又一次介紹我食檸檬蜆．．又下次吧！
焗鴨飯．．好多鴨肉絲．．味道可以再濃一點～
黑豬腿片哈密瓜．．比起來，上次的蜜瓜好似比較好味～
老豆SPECIAL REQUEST燒乳豬，都不錯喔！感覺上沒有很多調味，不過很夠味～
回酒店拿行李就走了～～
